http://forum.hawaaworld.com/showthread.php?t=3126652

هذا ردي بهذا المنتدى عن مدارس الفارس العالمية نتيجة لتجربتي
للمعلومية مافي مدرسة كامله.. ولكن فيه مدارس الدين مستواه كويس مو في الحضيض

وين مكان مدارس الرواد العالميه الجديده الي فتحوها
تكفون ردو علي انتظر كم

فعلاً صدمة احترنا اللي يقول الدلتا واللي يقول الرمال ويوم استقريت عالرواد طلعت لهالدرجة غالية وعلى غير فايدة والله حرام اللي يصير تجارب أكثر أنقذونااااااااااااااا

أنا من سكان الخبر وكنت قبل كذا ساكنة في الرياض أولادي في الرياض كانوا في مدارس الرواد العادية مش العالمية اللي قريبة من منارات الرياض المهم رأيي في المدرسة احسها مرة عادية زيها زي اي مدرسة بس كان عندهم قسم منتسوري لقسم الروضة فقط وكانت ممتازة بس ما طبقوها لباقي الأقسام المهم نقلت للخبر وندمت أني دخلتهم الرواد العادية لأنة لغتهم الانجليزية ضعيفة والمدرسة اللي أبغة اسجل هم فيها هيئة حدائق البيان الاهلية يشترطوا انه الطالب يكون قوي في اللغتين لمن سوا الاختبار لاولادي طبعا أخذوا مننا ثلاثة آلاف حق الاختبار في حالة أنة الطفل ما انقبل يرجعوا لنا الف والباقي مايرجعوة المهم أولادي جابوا العيد في اختبار الانقليزي اما في العربي عدوا بس قبلوا ولدي اللي طالع لصف ثاني لأنهم قالوا ممكن نعطية فرصة يتعلم ويسير مستواة طيب اما اللي طالع لصف ثالث ما رضيوا يسجلوة قالوا مناهج صف ثالث اصعب وهوة راح يتعب حاولت معاهم قلت لهم أعطوة فرصة هوة صغير ممكن انه يتعلم بس ما رضيوا حسبي **** عليهم قهروني المهم دخلت ولدي منارات الشرقية وياليتني ما دخلتة طبعا قسم المطور لأنة العالمي قالوا نفس الكلام أنة هوة اللي بيتعب درس سنة وكانت اسؤا سنة المدرسة قمة في الهماجة تحسي نفسك في زريبة مو مدرسة المدرسين مايقدروا يعلم الأولاد الالتزام طبعا الطالب يرفع صوتة علي المعلم ويهدد المعلم والمعلمين مالهم شخصية وحتي لو المعلم حاول أنة يغضب بسبب تصرفات الطلاب بالصياح وسب اهل الطالب يعني بالعربي ما عندهم اسلوب يربوا فيلة الطلاب المهم نقلت ولدي بعد كذا لقسم العالمي في المنارات الصف الرابع واتوقعت أنة الوضع راح يكون أحسن بس لا أحسن ولاشي نصيحة لا احد يدخل اولادة مدارس منارات الشرقية اما ولدي اللي في مدارس حدائق البيان بصراحة فرق بين السماء والأرض ممتازة المعلمات ممتازات ولدي يحل واجباتة في المدرسة ولمن يجئ البيت يكون علية واجبات بسيطة ومراجعة بسيطة اما ولدي الثاني كأنة ما درس شي الماث كل يوم يجيب لي اربعة او خمسة صفحات وكمان الانقليزي والساينس كل شي واجب المدرسين يرموا كل شي علي الأهل مرة مريحين للآخر و**** أنا ما قدرت أدرسة كمية الدروس والواجبات رهيبة كنت احس أني باموت من التعب وانا أدرسة وكفاية أنة هوة مالة نفس يدرس لأنة من يوم ما يجي الي العشاء وهوة يدرس في الاخير جبت لة مدرسة خاصة وريحت انا حسيت انة ولدي مرة محبط و مهو مركز في الدروس حتي المدرسة لا حظت انا قلت لانة القسم العالمي ضغط علشان كذا بس حتي الترم الثاني حسيتة برضة مهو مركز لمن ندرسة ومرة يتعب المدرسة هوة اتحسن في الانقليزي بس مو كثير لانة سنة واحدة ما تكفي المهم استشرت دكتور عن مشكلة التركيز اعطاني ورقة اعبيها عن تصرفات ولدي المهم الدكتور قال لي انة ولدي عندة مشكلة  في التركيز ويحتاج حبوب المهم عالجت ولدي والحمد للة سار احسن بكثير و لمن حسيت أنة ولدي اتحسن في الانقليزي حاولت أسجلة في حدائق البيان علشان يكون مع أخوة ولمن اختبر قالوا لي ما عدي ما تتخيلوا قد ايش اتاثرت وانقهرت حاولت اكلم المديرة قلت لها أعطوة فرصة وقلت لها أنة ولدي عندة مشكلة التركيز يمكن علشان كذا ما عدا في اخباركم بس انتوا مدرسة ممتازة اكيد عندكم الطرق المناسبة حتي تحسنوا من الطالب وترفعوا مستواة و كمان هوة كان في العربي وفجأة نقلتة في مدرسة عالمية وسنة واحدة ما تكفي علشان  يتقن اللغة وياليتني ما قلت لها أنة ولدي عندة مشكلة قالت يعني ولدك صعوبات تعلم قلت لها لا الصعوبات غير أنا ولدي نقص في التركيز ومع العلاج مرة يسير طبيعي ومركز طبعا كبرت الموضوع وقالت جيبي ورقة من دكتور خاص بصعوبات التعلم تثبتي أنة ولدك ما عندة شي قالت من مستشفي حكومية او من البحرين قلت لها أجيب لك من مستشفي سعد نفس الدكتور اللي عاجلة قالت هذا دكتور أطفال ما يفهم قالت لازم دكتور صعوبات وفي سعد مافي دكتور صعوبات رحت مستشفي حكومي قالوا لي التقرير بيطلعوا لكي دكتور نفسي لأنة نقص التركيز يكون بسبب النفسية المهم فكرت فيها قلت في سعد في دكتور نفسية وانا عندي تامين هناك خليني اجيبها من سعد أحسن لأنة المستشفيات الحكومية هجولة وكمان ما عندنا ملف هناك ولو أبغة افتح ملف لازم تحويل قلت لها هذا الكلام ما رضيت قالت جيبيها من مستشفي حكومي أنا هنا عرفت انها تحاول تصعبها وما تقبل ولدي وقالت بتكتبي تعهد في حالة ولدك ما مشي كويس لنا الحق في فصلة وما نرجع لكم فلوسكم المهم زوجي عصب وقال و**** ما أسجلة هنا بهذي الشروط يعني بيخلوا ولدنا تحت المجهر وينتظروا زلة منة وبعدين عرفت من اهالي غيري انهم مو مبسوطين من الادارة تعاملهم جداً سي وغير راقي مع العلم انة أنا سالت الدكتور  هل نقص التركيز يعني صعوبة تعلم قال لي طبعا لا صعوبة تعلم معناها راح يكون مع معاقين حسبي **** عليها تبغة تحط ولدي مع معاقين المهم حاولت أشوف مدارس غيرها لقيت رواد الخليج  العالمية في الدمام ما ادري كيف سمعة المدرسة بالله اللي يعرف يقول لي عنها في انتظار ردكم 

نسيت اقول لكم مدارس حدائق البيان اسعارها نار وحتي رواد الخليج بس ايش نسوي أنا اهم شي عندي أنة أولادي يتعلموا تعليم ممتاز الواحد مننا يضغط علي نفسة علشان أولادنا يتعلموا أحسن تعليم ، الدول الخارجية تدريسي أولادك مجانا وتحصدي اكثر اما هنا تدفعي دم قلبك وما تحصدي شي.