رياض اطفال بالرياض مافيه احد سوا

سلام عليكم
اسف على التأخير الحمدالله خلصت المقابله صراحه كان توتري ماله داعي طلعت من الرياض الساعه 7ونص وصلت الساعه 9 المكان كان منظم كان فيه اسهم للمرشحه علشان تعرف مكان المقابله دخلت كاتبين على كل طاوله رقم الجنه تشوف الاوراق وتطابق بعد ما خلصت اعطتني رقم انتظرت حوالي نص ساعه بعدين جاء وقت موعدي دخلت على المقابله كانت ثلاث معلمات سلمت ودخلت عليهم طلبوا اكتب اسمي واوقع بعدين عرفت كل وحده عن نفسه الاسئله
1- تكلمي عن نفسك
2- من اين انت يعين ديرتك عنها عبري عن المنطقه اللي تعيش فيها
3- سنة التخرج
4- سلوك الاطفال كيف تتعلمي معهم
5- ما هي ركائز رياض الاطفال
6- تعرفي تستخدمي الحاسب
الاسئله كانت مره حلوه ما يستهل احد يتوتر المعلمات كانت حبوبات ومتعاونات مره بس بعد ما خلصت سألت لو المنطقة التعين بعيده ايش تسوي قلت باص قلت في مناطق في المجمعه مره بعيده من الرياض يعين لازم تسكني فيه قلت صعبه قالت انتم بنات الرياض تبغى كل شي قريب لازم تتعب شوي لان اغلب المتعينات من الرياض صراحه مره خفت قلت له انت مسؤوله على توزيع المعلمات بعد المقابله قالت لا بس حنا نرسل اوراقكم ودرجاتكم إلى الوزاره وهم اللي يوزعوا البنات سلمت وطلعت من عندها اخذت كشف طبي ورحت عبيت اوراق ورغبات سألت الموظفه اللي تساعدنا على تعبئة الاوراق من يختار المنطقه قالت نفس كلام اللي سوت لي المقابله بس كلامها خوفني الله يستر ويكتب لنا الخير

بنات لا تخافوا مره المقابله سهل الموظفات مره حبوبات ادعوا لي ان اتعين في تمير
-

بنات متى نزلت اخر الترشيحات اعطوني الرابط
اخاف يكون نزل اسمي وانا ياغافلين لكم الله
انا في مكة رياض اطفال

السلام عليكم

مقابلتي كانت الساعه 5مساء يوم الاربعاء 9/7 بحائل

رحت لهم الساعه 1وعليها الظهر

تفأجات الناس كلها بتخرج مافي أحد كثير

رحت للي تطابق الاوراق
قالت لي إنتي دوبك جايه..
قلت لها إيه
قالت ياحبيبي باستفزاز.. طيب سجلي اسمك هنا
قلت لها أنا اصلا موعدي 5 العصر
قالت كمان خمسه.. يافلانه موعدها خمسه وجلسو يضحكو..
طنشتهم وسجلت إسمي في ورقه الكشف

بعدها رحت لوحده بنفس الغرفه تطابق الاوراق
جلست تطابق النسخ مع الاصل
2 نسختين من الوثيقة
2 نسختين من كرت العيلة
2 نسختين من حسن السيرة والسلوك
2 نسختين من ورقه المطابقة

أوراق مسوغات التعيين طبعتها من الموقع وعبيتها في البيت
ختمت الموظفه على الاوراق بس ورقه المناطق قالت لي خذي ورقه من المكتب الثاني وعبيها
الورقه اللي من الموقع ماقبلت فيها
المهم أخذتها وعبيتها ونسخت كل ورقه من المسوغات 2 نسختين ورجعت لها

أتاكدت أوراقي كاملة بعدها أعطتني ورقه مختومه وأكتب فيها
اسمي وتخصصي ورقم السجل المدني وأطلع للمقابلة

طلعت الدور الثاني ودخلت على غرفه كبيرة فيها يمكن حول تسعه مكاتب
وعاملين هالمكاتب لجان .. كأنك داخله غرفه معلمات بمدرسة

المهم قابلتني وحده عند الباب وجهتني للجنه رقم 1

جلست قبالها سلمت وردت .. حسيتها بتنام

سألتني كيف تنمين حب الوطن في نفوس الأطفال؟
قلت لها ممكن في الاحتفالات الوطنيه أخصص حلقه عن أنجازات الوطن
أفهم الاطفال إنه هالروضة وهالمدارس الوطن هوا اللي وفرها لنا
أو نعمل احتفال بالجنادريه نعرض فيه تراث الوطن

سألتني تعرفين للحاسب؟
قلت لها أيوا
قالت: عندك دورات.. قلت: لا
بس إحنا درسنا بالجامعه مادتين حاسب

بعدين قالت بتصورك إيش هي الخصائص اللي ممكن تتوفر في معلمة رياض الأطفال؟
قلت لها أول شي لازم تكون صبورة.. قالت يعني وسيعه صدر
وثاني شي قوه انتباه لسلوك وكلام الاطفال .. وصرنا نتناقش بهالنقطة

بعدين قالت عرفي الحاسب؟
تنحت فيها شوي.. قالت إيش البرامج اللي تشتغلين فيها عالحاسب؟
قلت لها أعرف للورد و وأصمم شرائح عرض عالباوربونت
قالت ممتاز.. خذي الورقه هذي وروحي للمكتب اللي قدام وخذي منهم الكشف الطبي

اخذت الكشف الطبي ورحت لمستشفى حائل العام
وأنا واقفه ختمو لي على الكشف

ورجعت للإداره واعطيتهم الكشف والحمدلله لحقت عليهم
لإني وصلت الساعه 3 إلا ربع والإدارة مافيها إلا كم وحده