اللي ازواجهم مدرسين ياليت يشرفون

شوفي حبيبتي أنا زوجي مدرس ينام السعة 12 بالكثير بس بنتي ماتنام الا عند الفجر و أجلس الساعة6 عشان البس ولدي وأرجع أنام وكل ساعة بجلس عشان أرضعها وأجلس الساعة 9 عشان أفطر ولدي الثاني ورجع أنام وبعدين أجلس الساعه12 عشان أستقبل ولدى جاى من المدرسة و أسوي الغدا بس مانتغدا الا العصر وبعدين كرف في هالبيت وطلبات العيال.............
الله يصبرني و يقويني على هالتعب

ام العيال مشاء الله تبارك الله عليك
والله ولدي مافطره غير الساعه 11ولا 12 بعد
احيان يحزنوني واواظطر اصحي بدري عشانهم <<<<<بس مو يومين لا والله قولي كل اسبوعين مره
وترتيب البيت يطفشني واطلب زوجي يجيبلي خدامه تساعدني من هذولا اللي بسعات بس مو راضي يقولي وانتي ايش شغلتك

والله يالحبيبة انا اسهر ليييييييييييييين الساعه سته الصباح ثم اقوّم البنت وابوها واطلعهم لمدارسهم (( بدون فطور لانهم مايحبون بس بنتي اعطيها كاس حليب))
وبعدين انام على الساعه سبعه او سبعه ونص
ابو الشباب يجي الساعه 12 اقوم اصلي الظهر وارتز قدامه شوي ثمن اذا نام خبطتها نومه معاه
بتقولين وبيتك وغداك؟؟؟ بقول لك هذي ميزة اللي عند حمولة حدي هالغرفه ابخرها قبل مايجي وبس

بعدين نتغدا.....نقعد شوي.....يأذن المغرب ننزل نتقهوى مع اهله (( مو دايما)) بعدين اشوف بنتي وواجباتها
بعد العشا عاد يشوف وش اشغاله ويروح من هنا ولا من هنا
وانا مرات انثبر بالبيت ومرات اخليه يرميني عند اهلي ومرات نروح سوق......الخ

ماتلاحظون اني استرسلت؟؟؟
عموما موضوع حلو

ياقلبي كلنا في الهواء سواء بس انا للحين ماعندي عيال:( الله يرزقني ان شاء الله ...
انا زوجي ينام 12 وشوي تقريبا وانا اجلس صاحيه للفجر على النت وبعدين اصحيه يروح دوامه الصبح وعلى الساعه 9 تقريبا انام واصحى الظهر واطبخ الغداء وارجع انام <<<عاد كيس نوم..:42: ويجي زوجي شوي متأخر ونتغدى وننام بعد العصر للمغرب وبعدها اصحى ارتب بيتي واغسل الملابس واكوي وبعدين اسوي العشاء ونتعشى واجلس على التلفزيون ونفس الموال <<<طبعا هذا نظامي لاصار ماعندي دوام لاني انتساب بالكليه اما عاد ايام دوامي ماادري عن البيت من التعب <<<شفتي الكسل الله يعافينا منه ...:09:
بس اعتقد لو عندي عيال بيكون وضعي احسن من كذا:icon28: بس الوحده وملل البيت مانخلص منها ...

وحاولي ترتبين وضعك ووضع عيالك خاصه في النوم والله يكون بعونك وعونا ان شاء الله:)

نصيحة يابنات اللي عندها شغل كثير أوضيوف تشتغل بعد الفجر على طول سبحان الله بركة فظيعة في الوقت تحسين إنك أنجزتي أعمال كثيييييييييييييييييييييييرة في وقت قليل وصدق المصطفى صلى الله عليه وسلم (بورك لأمتي في بكورها)أو كما قال
الله يبارك لنا في أوقاتنا ويجعلها حجة لنا لاعلينا..