السلام عليكم..
موضوعي هذا سببه اني شاركت في موضوع وحده تسال عن المنشطات الطبيعيه..فقلت اني استخدمت خلطة عين الجمل لمدة 3 ايام ..وبفضل ربي حملت..يعني بدون ابر او حبوب..
فجتني اساله من بعض العضوات يبون طريقة الخلطه ..وبعضهم على الخاص..فحبيت اوضح لهم اني مشاركاتي ماتسمح لي استخدم الخاص..
فحبيت احطه بموضوع مستقل..عشان اللي سألوني يمكن يقرونه..واللي ماعندها فكره عن هالخلطه..تستفيد منها ان شاءالله..
الخلطه استخدمتها بعد ماتعبت من الابر والحبوب..وكان نتيجة متابعة التبويض مايتعدا 16
اخذتها بيوم 11 من الدوره_لأن الدوره مو منتظمه عندي_فقلت
اشربها..ان مانفعت ماضرت ..
الخلطه هي عين الجمل مجرووووووووش زين..صعبه تخلطينه لأنه راح يتكتل عليك..ويمكن يكسر الخلاط..فانتبهي
تحطينه بكاس حليب_اي نوع تحبين_بس مايكون بنكهات
يعني بودر او سايل..مع ملعقتين كبيره مليانه عين الجمل..مع ملعقة عسل
اللي موجود عندك..مو شرط اصلي
تكونين محضره قبلها بدقايق كاس ميراميه تنقعينه وتخلينه على جنب بعد ماتغطينه..
وتشربين الخلطه على فك الريق..وبعدها على طوووول تشربين الميراميه بعد ماتصفينها طبعا..
وقبل ماتنامين تسوين نفس الخلطه..بس بدون ميراميه
لمدة 3 ايام..
راح تحسسسسسسسين بنغزززززززززات مع جنوبك..تكون مؤلمه
هذا معناه انه مفعولها جاب نتيجه معك
انا سويتها والحمدلله..بعد ماكانت البويضه 8 صارت بعد 3 ايام 18 ..وعطتني الدكتوره ابرة تفجير..مع تحاميل مثبته..بديل للدوفاستون
والحمدلله ..بفضل ربي حملت
طبعا هالكلام له سنه تقريبا..وبنتي الحين باقي لها شهر وتكمل سنه ..ان شاءالله
الله يطعمكم ولا يحرمكم
دعواتكم لي انه يصلح لي عيالي..ويسخر لي زوجي..ويفرح نظرة امي وابوي بشوفة اخوي ..وانه يرده لعياله
وجزاكم الله خيرررر
يلزم عليك تسجيل الدخول أولًا لكتابة تعليق.
الله يصلح لك عيالك ويسخر لك زوجك ويفرح امك وابوك بشوفة اخوك ويرده لعيالة
استغفرالله استغفرالله
استغفرالله استغفرالله
الصفحة الأخيرة
الله يصلح لك عيالك ويسخر لك زوجك ويفرح امك وابوك بشوفة اخوك ويرده لعيالة ..
بس متى اشرب الخلطة ايام الدورة ؟؟