مرت تجـر العطـر والثقـل والزيـن**** وانـا مثـل كـل الشبـاب وقفـولـه
عطره يـذر العطـر علـى البساتيـن**** ثقله يسولف عن نسب عـن حمولـه
فستانها ذايـب بخصـره مـن الليـن**** وخصره من الفستـان ياخـذ عمولـه
عـزالله أنـي حاسـدك يالفساتـيـن *** ياحضك (بخصره) (بعرضـه) بطولـه
اقفت وأنا عينـي عليهـا لهـا الحيـن *** مالوم عينـي ياخـذ (العقـل) زولـه
وناديتها (يامترفـه) ، وبطـرف عيـن **** قالت : أنا ،، قلت إيه ،، قالت : (اموله)
أمولـه ميـة مرحبـا قالـت أهليـن *** أمولـه عنـدي بيـت ممكـن أقولـه
قالت لي : قوله قلت : الأنسان من طين *** أما أنك انتـي طيـن ماهـي معقولـه
أنتـي أظنـك بالعـطـر تستحمـيـن *** وأجـزم بأنـك بالجمـال مغسـولـه
شوفي شكـل شفايفـك قاهـر التيـن **** والجمـر يكـوي والثمـان معسولـه
أمولـه أنتـي غيـر كـل المزايـيـن *** أنتـي مثـل فصـل الربيـع وحلولـه
قالـت منيـن وقلتلـه يعنـي منيـن ماتعرفيـن اللـي ذبـل مـن ذبولـه
وقالت وش أسمك بس تمتمت(ميميـن) *** وأخر ثـلاث حـروف (دوح) مغيولـه
قالت معي للقاهـره قلـت لـه ويـن *** عادي تقـول القاهـره بكـل سهولـه
أمـل أنـا رجـال بلشـان بالـديـن *** وينـي ويـن القـاهـره يامهبـولـه
أقساط وحسابـات والراتـب (2000) *** وحزمـة مشاكـل أتعبتنـي حلـولـه
أمولـه روحـي لازم أنتـي تروحيـن *** أنتي المطار مصاحبـك مـن طفولـه
تذكرينـي عنـد (الأهـرام) تكفـيـن *** تذكـري حــال النحـيـل ونحـولـه
أمولـه أنتـي تذكـرة لا (تحجـزيـن) *** روحـي كيـذا تستقبلـك أي دولــه
للشاعر ممدوح الراووووووووووووووي
يلزم عليك تسجيل الدخول أولًا لكتابة تعليق.
أموله22
•
يا حظي انا :oامووووووووووووووووووووووووووله
الصفحة الأخيرة