اسلام عليكم
انا عندي ولد يدرس صف ثاني من كان عمره سنه ونصف او اقل شوي معه ربو للحين معه جربت كل شي مانفع حتى اطب اشعبي الحين الحمد لله معه بخاخ انف وبخاخ في الفم وتحسن عليه وحبوب حساسيه مع البخاخ اسمهن سنقورين بالانجليزي بس انا كتبته عربي الله يشفي مرضاكم ومرضانا

انا معانة مع الربو عندى ثلاثه فيهم ربو بنتى شديد توها متنومه الاكسجين ينقص وعندها التهاب بالصدر والولدين الصغار نفس الشى بخاخات درج كامل بخاخات وادويه ولازم يعطونهم كرتزون شراب اذ جتهم الازمه السبب وراثى لانى انا فينى ربو وعندى حهاز البخار بالبيت بس لازم مستشفى جربت العسل هو زين للحلق والبرد بس الربو مافادنى الله يشفيى عيالى وعيالكم ويشفينى الربو متعب مره

والله يا أخواتي أنا عندي طفل عمره حوالي الست شهور وفيه حساسيه بالصدر وبلغم
بالشتاء بخار وبخاخات وحاله
ولما طلع من المستشفى نصحوني بالرشاد وناس قالت لي حاااار ع الامعاء للطفل
توكلت على الله وأخذت بيدي 4-5 حبات فقط بليتهم بمويه ودخلتهم في فمه وشربته بعدهم رضعه بعدها بدا الولد يطرش وانتم بكرامه وعلى هالحال كل يوم لمدة 3 أيام بس كل يوم مره وحده قبل ينام بساعتين عشان أكون ملاحظته لا صار شي لاسمح الله

ووالله يا أخواتي كل يوم الولد يبدأ يستفرغ مع الكحه بلغم
وع اليوم الرابع لاحظت أن كحته خفت مرررره فوقفت أعطيه

وهالكلام هالأيام

ووالله عشان تعم الفايده قلت لكم واللي خايفه تستعمله تستخير
يمكن ما يناسب الكل فا ممكن تجربه مره وحده


واللي مع ولدها كحه لاتنسى تشربه ماء باليوم مرتين ع الاقل لأنه تنشف الحلق ياحرام عيالنا ترا توني مكتشفته عشان كذا اقولكم

ومابي غير دعوه منكم أن الله يشفي ولدي ومرضى المسلمين أجمعين
آآآمين

انضم لكم اعيالي اثنينهم معاهم ربو وماينفع معاهمغير البخار واحيان شراب طاردالبلغم لكن البخار عندي وارتحت من المستشفياات الاللضرورة

اهلين انا كذالك ولدي على البخار بالبيت واذا طلعنا معنا البخاخ احسه يرتاح على البخار اكثر
استخدم معه للبلغم رشاد مرررة زين انصحكم فيه للبلغم واللبان المر تنقعيه وتعطينه اياه والبابونج بعد موسع للشعب اسوية له مثل الشاي واذا نام احطة بسريرة واحط جمب السرير من برا بقدر صغير او بالابريق بابونج وافتح الغطا عشان يتنفس البخار حقه ولو يوافق وهو صاحي اخليه يتنفسه مرة مريح وش نسوي الواحد يحاول قد مايقدر انه يترك الادوية والبلاوي الطبيعي مهما كان بتكون اهون عليهم خصوصا مثل سن ولدي بدا معاه من عمر اربع شهور :( والله يشفي اطفالنا يارب