اللي اقدرت تسنع بشكارتها تدخل لأن لاعيه كبدي منها

جتني بشكاره جديده والشيطانه شكلها فاهمه بس كل ما اسألها عن شي تتغيشم وتسوي عمرها ما تعرف شي الحين لها عندي شهر ونص وكل مره اسامحها اذا اغلطت في شي على اساس انها جديده
بس المصيبه انها كانت مشتغله في السعوديه 3 سنوات كيف ما تعرف اشياء بسيطة
المكتب كاتب انها تعرف الطبخ ولما اسألها تعرفين معكرونه بالباشميل وانا ما اريدها تطبخها الحين اريد آخذ فكرة مثلا عن اللي تعرفه لو على الاقل شافتها وانا اعلمها طريقتها تقول ولا مر علي اسمها بالسعوديه الكذابه تكذب علي كيف مشتغله 3 سنوات في السعوديه ولا مر عليها هالاسم
الحين اريد منكم بس تعلموني طريقة التعامل معاها أولا
وثانيا كيف اذا خربت شي اتعامل معاها يعني ذاك اليوم سلقنا دجاج وباقي الماء ماله كبته في البالوعه لحد ما قامت تطلع لي فقاقيع ولما فتحتها شفت بلاوي الدنيا فيها مع اني احط على المغسله الواقي( الشخال الصغير ) بس علشان ما تنزل نتفة رز فيه ولما فتحته ما كأنه بالوعه كأنها زباله أعزكم الله الرز والاندومي وماي الدجلج مع زيته وفهمتها وعلمتها وكررت لي هالسالفه وبعد فهمتها وثالث مرة عصبت عليها بس مش بصوت عالي بصوت هادي
الحين لو اتكررت مثل هالاخطاء كيف اتعامل معاها خصوصا انها عندها خبرة من قبل مو جايه ما تعرف شي
وثالثا وسامحوني طولت
لاحظت كل ما ابي اطلع مكان اقول لها يالله نطلع تقول ليش مدام خليني في البيت وخلي بنتك انا امسكها هنا وعندي كوي وما ادري شو المصيبه اني ما احب اخلي بنتي عند الخدامات واطلع احب تكون جدام عيني وبعد اكره ما عندي خدامه لما المدام تقول لها يالله تقول خلوني هي مب على كيفها والا انا غلطانه لا ولما تطلع معاي مكان كم مره مفهمتنها تروح تلبس بنطلون جينز مرصرص على جسمها وقميص لحد البطن بالضبط وش هالمنظر
الحين شرايكم تجاوبوني على تساؤلاتي ومشكورات