فرج الله همي وهمكن وسخرلنا أزواجنا وهدى لنا ذرياتنا واعطانا الصحة والعافية ..
الكثير من بنات حواء الله ابتلاهم بزوج أناني .. وهذي اقرب صفة له
دايم خارج البيت والاجازة الصيفيه مسافر لوحدة وطول السنه جمعات مع أصدقائه بالاستراحات ..
انا اللي اعرفة عمل ثم بيت ثم استراحة
هم لاا عمل ثم أستراحة ثم بيت
وآخر همــــــه العيـــال والبيت ومطالبهم
أنا مااقول يقابلني 24 سااعه انا اتكلم عن اللي يكون في البيت للنوم والأكل فقط وحتى الأكل صارت بالاستراحات مطابخ وقطياات يطلع من الدووام للاستراحة يتغدى ويمكن يقيل هناك..والعشاء كذلك
يااخوات بما اني اعاني من هالمشكــلة بحثت لها من جميع النواجي ..
اهتمامي بنفسي شكلي واخلااقي ماشاء الله جميلة واخلاق حسنه والاطفال مربيتهم لاصرااخ ولاطلبات مباشره من ابوهم البيت رائحة البخور تريح النفسية والطعام والملبس جاهز ( واعامله كأنه أمير وارفعه بالحكي مديح ولسان عسل وخفت دم ونفس لاني جربت معه المشاده والثقل والتطنيش وزاد عناد وبعد ومدلعته ومسجته ولابان بعيونه ) .. مشغلة دائم بالبيت سورة البقرة
واحاول قدر مااقدر مااطلب للبيت اغرااض احصرهم آخر الشهر عشان مره وحدة من الراتب للي يقولن يهربون من كثر الطلبات حتى لو كان مهم آخرة لآخر الشهر ..
ناظرت ماافي مشكــلة لا بالبيت ولافيني ولافي العيال المشكلة تكمن بالزووواج
لما صارحته وسولفت له ان قلة مسؤوليتة باليت وهرووبه وعزفة ماايرضي الله ولا خلقة
من حقنا يجلس مع اولادة يحسون ان عندهم ابو من حق الصغار الذهاب للحديقة وهو معهم
لا حديقة لا مطعم لا سوق ولا سفر ولا ابتسامه يشاركنا فيهاا لامزاح ولاضحك بالبيت ولاسالفه
توقعون ايش رده قال ( انا طيير ماتمسكيني ) قلت مااحد مربطك بس الطير الحر مايرضى الذل لبيته
قال ( أكلين شاربين نايمين وش تبون أكثر ) قلت حتى البهايم يتوفر لها هذا الشي حنا آوادم نحس ونشعر بالأهمال
والله كأن اطفالي يتامى وابوهم عاايش
قال ( طيب مامليتي ) قلت وش منه قال لازم ابعد عشان اشتااق .. قلت حنا اكبر من الكلام هذا وبيننا اطفال
انا ماطالبك مثل الحريم بسفرات ولا مصروف يهلكك ولا ... ابغى منك بس الانتباه لنا ابغى احس بوجودك وانك عايش
قال هذا انا اتنفس ..قمت ومسحت دمعتي بيدي .. لاجاء راضاني او لا سأل عني طلع من البيت ورجع وكأن ماحصل شي ..
تعالوا نتحاااور بهذة المشكلة .... ونبحث عن حل يرضينا / سبق وتكلمت معكن بهذة المشكلة ..
وكان حل البعض منكن طنشيه طنشت وزااد بعدوجفاء انا زوجة من حقي احس ان وراي زوج ومسؤول عنا احس انه خايف علي ومهتم بالصغار احس بأنوثتي المسؤوليه اهلكتني لوحدي
( أنام ام /ابو/ معلم للاطفال/ ممرضة للي يمرض /مسؤوله عن بيت ونظافة وأكل / ارقوز لعياله اضحك وقلبي مجروح ابغى اونسهم )
وهو لاحس ولاخبر ولاهو شايف تعبي ومقدره ..
الحمدلله على كل حــال ... نبغى الحل
اقصد اهتمي بالواجبات فقط
خلييه يدور البيت و يشوف شي متغير
و اطلبي لا تقصيرين على نفسج و عيالج بشي ..... لا تتوقعين انه بيحس بتعبج و انج مقصرة على نفسج
اي شي قاصرج او قاصر البيت اطلبييه بصريح العبارة و بعدها اشكريه و امدحي كرمه
و امدحي اولادج قدامه
و حاولي تطلعين معاه بروحكم بدون العيال
ودي عيالج بيت اهلج وسوي لكم سهره خاصة على الاقل مرا بالشهر
ثاني شي
شوفي شنو يحب و حاولي تشاركين اللي يحبه
الله يسخره لج يا رب