اللي اهتمت بمشكلتي اشكرها و اطمنها علي

السلام عليكم
سبق اني كتبت مشكلتي اللي ضنيت انها نهاية العلاقة الزوجية مع زوجي لانه تزوج من ثانية
الحمد لله اني ثبتت و ما سويت معاه شيء يوم رجع من السفر عقب ما تزوج كنت صحيح زعلانه لكني ما طولت الزعل و قضينا الايام التالية كاننا في شهر عسل ما نجيب طاري الموضوع الا بعتاب بسيط و هو كان السبب في هذا الشيء لانه رجع ياكد لي اني انا الوحيدة و ما حد بتنافسني على حبه ، انا كان لازم اصدق و ما اسمع كلام الحريم اللي يحرضوني ضده بالعكسسس صرت احسن من اول في تعاملي معاه و
الحمد لله جاب الصبر و الاحتساب لوجه الله تعلى هذي النتيجة اللي ما توقعت انها تكون بهذي السرعة حيث انه اخبرني انه خلاص طلق الثانيه و ارسل لها ورقتها ......انا ما بينت ردة فعل كبيرة و كأنني كنت متوقعة هذا الشيء و الحمد لله لان الله وفقني و حفظ لي بيتي و عيالي و انني ما تهورت وسويت معاه شيء من اللي كان في بالي الله وحده يعرف اش كثر عانيت ايامها و اهم شيء رضى الوالدين اللي ايدوني على الصبر و عدم اثارة المشاكل
شكر و الف شكر لكل الذين شاركوني احزاني ايام كتبت عن المشكلة و الله يحفظكم

ام عمر