ياعمري اذا امه قالت لك الكلام عن الديره اما انك تطنشين وهذا يمكن يجيب لك الظغط او شغلي( كيدهن) اذا تكلمت بكلامها الغثيث سوي نفسك معها على الخط وقولي اي والله ياخاله حتى ابوي او عمي او جدي شوفي واحد من عيلتك يقول انك لما كنت بالديره كنت من جبل لجبل ومن مرعى لمرعى يمدحك ماشاء الله عليك كنت تقومين من فجر الله على الغنم والبقر (اذا عندهم بقر)
وكل ماقالت لك شي سوي نفسك ماسكه خط معها و اي والله ياخاله يقولون اهل الديره انك لما كنت بالديره كذا وكذا وردي له نفس كلامه ومسطلحاته حتى عند الحريم بس انت جيبيها بمدح لها زي مافهمتك بأول الكلام

والله كل الحمايل يتدخلون الا من رحم ربي وذولا ما نشوفهم بالواقع نسمع فيهم
انا مثلك بس الفرق مع اهلي مو مع حمولتي لان حمولتي طايحين بالقاع بنظرهم وانهم كخه اول ماتزوجت حاولت ابين انهم كشخة والخ واخر شي تعبت وصرت اصمت ولا اتكلم لان كيفهم هذولا كذا تفكيرهم مستحيل يتغير واذا رديتي بكلمة بترد عليك بعشر
اشتري راحة بالك ونصيحة لا تقولين لحمولتك اي شي عن حياتك ابد ولا شريت ولا سويت تعرفين الحريم فيهم غيرة مو طبيعية وعلى اتفه الاسباب يشنون حرب
ادعي لي ربي يشفي زوجي ويرزقنا الذرية الصالحة يارب

الله يفرج همك عاجل غير اجل يارب

الله يعينك على عمتك ترفع الضغط بعض اهل المدن مايعرفون الا الذبائح ومايعوفون البوفيهات الابالمناسبات الكبيره حنا بمحافظه الاغلب بالدوريه يحطون بوفيهات امك زوجك تفكيرها سطحي اذا تكلمت عن القريه قولي القرى هوئها نقي وصحي والمدن زحمه وترفع الضغط مادري كيف مستحملينها والمشواير تقعدين ساعة لبن توصلين القرى كل شئ متوفر فيها والله يوفقك

الله يكون في عونك