المهم مرت الايام ونا احاول قد مااقدر اختصر عنهم مع اني ساكنه معهم بس من حالي بحالي
ودايم يحسسوني اني الغريبه
وسلايفي قدامهم يسبون فيهم ولا جو اهل زوجي خافو وسوو نفسهم ميعرفوني ولا يبون يكلموني

مرت الايام وابوه تعب جته جلطه ونا كنت ارحم ابوه كثير كنت اسويله اكله الصحي والله يبنات ان كنت ماسويت له شي وربي انه يموت جوع بسبب انه متزوج علي امهم رغم حرمته لها ستعش سنه متزوجه ونا شفتها وربي طيبه ماعليها
المهم
علي فكره انا كنت طيبه معاهم علي شان ارضي ربي ثم ارضي زوجي رغم اني كنت انزل لابوه الاكل وابوه تشيله مني وتدسه عشان تاكله هي ولا تكبه بالزباله قدامي
قلت يابنت اكسبي الام يمكن ينفع
قمت اقص لها من راتبي مبلغ عشان تاخذه وخليت زوجي يمشيلها راتب قلت يمكن تهجد ولا هي ابد
البنات كل يوم مشكله معاي
ولدت ما يتصلو ولا يتحمدون لي بالسلامه ولا كن اخوهم الكبير حرمته ولدت ونا ساكته طبعا لاني اولد عند اهلي
بعد ما جبت بزري الثالث قلت لزوجي ابي اطلع من البيت قال ابد ولا تحلمين علما بيتي غرفتين ينقالك بيت
سكتت وقلت الله يعدل الحال
والا ارجع وقلت انا اصلن متهاوشه مع بناتهم ونا جايه من السفر المفروض العالم تجي تتحمدلي بالسلامه طبعا ذا باخر عيالي ولا ولا احد يمي
ولاكنه احد ساكن معهم جاب بزر لو بالكذب
وقلت يالله خلني ببيتي ساكته وخلاص
والا علي رجعتي البرد جا الرياض قلت لامه ابي مفتاح مستودعي فوق ابي ملابس البرد البرد ذبحني عيت تعطيني
قلت معليشششششششششششش
المهم وكل يوم ارسل شغالتي ابي ملابسي تعيي وكان كل ما يقرصني البرد ادعي عليها من كل قلبي
واشوي يوم جانا الغبار قمت اغسل بيتي والاشوي تطلع شغالتهم اسمعها تسب وتلعن ليش تغسلون البيت والمويه تنزل عالدرج علما بانه شغالتي تغسل البيت وتغسل الدرج يعني مالها عذر
ولو لها عذر شلون اندنوسيه تطلع تصارخ علي ونا ببيتي
نزلت لامه قلتلها ليش ياخاله الشغاله تطلع تصارخ علي ليش تبون شي تكلمني بالطيب مو بالصراخ
والا دقايق والا اخوه يطلع يسب ويلعن ويهدد ويبي يضربني
المهم صارت مشكله كبيره وقالو لزوجي كذابه الشغاله ماطلعت هي اللي نزلت تهاوش تخيلو
واني انا غريبه وماني طيبه ومدري وشوة
الزبده مشكله طويله عريضه واشوا حولت وطلعت من البيت
واول ذماطلعنا زوجي كان زعلان ومايبيهم وربي انه انا اللي حاولت فيه لين رضا لاني ماارضا عليه غضب الوالدين حتي لوكان مظلوم

المهم الحين متقاطعين انا وهم ولا اوصلهم ولا يوصلوني
المشكله تخيلو طلعو عني عند الناس اني ساحره ولدهم واني متزوجه قبله اربعه وهو الخامس
عاد يوم قالتي حرمه من جماعتهم اتصلت يعني اتسلم علي وتبي تبلغني رسالتهم
قلتلها اف اربعه بس انا كنت متزوجه خمسه وولدكم السادس
وهالشي ما يعيبني يعيبكم انتو اللي مالقي بكر تملي عيينه وراح يدور علي وحده مطلقه اربع مرات
علما بانه هالكلام كله تلفيق
بس عشان تحمدون ربكم اللي ربي هاديلها اهل زوجها واللي طيبين معها مو تفسق تحمد الله علي هالنعمه لان غيرها عايش بعذااب

لكن الله كريم والله مااسامحهم ولا احللهم لين نتقابل عند رب العالمين وكلن ياخذ حقه

اختي انا كانت مشكلتي انهم كرهوني و الله ثم و الله يشهد بدون سبب


تخيلي عام 1416 كنت حامل بالسابع جاني مويه و ترقدت بالمستشفى والدكاتره خافوا علي لان بالرابع جاني نزيف


يوم طلعت قبل عيد الاضحى باربع ايام



المهم جاء العيد ومن الدلاخه عشان لي ذبيحه مضحية لابوي طيران معاهم انا ووحده من سلفاتي و زينا الكرووووش مع اني ما كنت المسهم عند امي


و الروس و سوينا للرجاجيل مقلقل


رجعنا للبيت باقي توزيع اللحم و تفريز اللي يبقى


رحت نمت مع العلم فيه زوجة اخوه حامل قبلي بشهر و زوجة اخوهم الثاني (( عندها دوره )) و بناتهم وحده متزوجه ووحده لا



يوم صيت العصر ابروح لاهلي حلفت امهم اني ما اطلع


ليه نمت انا وسلفتي اللي كنا صاحين الصباح ليه ما كملنا


اختهم المتزوجه جتني تفلسف ليه تنامن انتي وفلانه من يبي يكمل اللحم فلانه المسكينة الحامل بيني و بينها شهر ولا جاها نزيف ولا شي


والا فلانه المسكينه عندها الدوره (( كانت حبيبتهم )) والا انا الضيفه والا اختي بنت اهل البيت



المهم مواقف و مواقف لكن هذا ضربته مثال



طلعت ببيت وصاروا يشوفون الموت ولا يشوفوني ليه اطلعه عن امه


و تعالي بالزواجات هم وسلفاتي حب و سوالف مع بعض و رقص مع بعض



انا تركتهم وصرت ولا افكر بهم اللهم اني كل ما شفتهم او تذكرت شي اقول حسبي الله ونعم الوكيل


و الله ثم والله الحين يحبوني و يحترموني وما يجون بيت الا و يمدحوني


الحمد لله اللي رفع قدري



(( اللي يشكي همومه لمولاه ينصره و اللي يشتكي للناس يتكله الله عليهم عاد من اللي الناس نصروه ))



و هذه قصتي


و الله لو اقول لك القصص كان شيب راس كل من يقرأ



الحمدلله صارت ذكريات الحين

الحمدلله يختي اللي انحلت معاهم
بس انا ارجع واقول اللي مارحمو ابوهم الشايب وما يحطونله حتي الاكل حاسدينه عليه ولااحترمو اخوهم الكبيررر اللي انا زوجته بدور منهم حشيمه
ذيلا ماحشمو لحمهم ودمهم
تصدقون بنتي الصغيره عمرها ثمان شهور ما يعرفون وجها
ياربيه من جد يفجعون لوحشمه لاخوهم
لكن ان لم تستح فاصنع ماشئت

الله يعينك يارب

الله يعينك حبيبتي ويصبرك ما لك الا الصبر واعتبريه من البلاء ولا تعامليهم بالمثل خليهم يتكلموا ويطلعوا كلام على كيفهم واخرتها لك رب ينصفك صدقيني عند الله ما يضيع شيء مهما طال الزمن حينصفك ربك بس انت المهم اتقربي من الله واشكي له همك وطنشيهم وعامليهم بالحسنى وتجنبيهم ولا تحتكي فيهم واتمنى عليك ان لا تتكلمي فيهم علشان خسارة تعطيهم حسناتك والله انك ترتاحي لو تفرشي سجادتك في الليل وتشتكي لله هو من بيده اخذ حقك منهم

اختك في الله لها سنين طويلة ذاقت المر لكن ولله الحمد اخيرا ربي انصفني ونصرني عليهم والله ما كان لي الا الصبر ثم الصبر والدعاء والتقرب لله

ارجو منك اخيتي ان ترضي الله اولا واخيرا وصدقيني لو رضي الله حيرضى عنك كل الناس مشكلتنا نمسك الفرع ونترك الاصل سبحانه وتعالى

الله يسخر زوجك ويكفيك شرهم ويرد كيدهم في نحرهم