السلام عليكم ورحمة الله وبركاته..
شحالكن بنيات ..
انا والله ما اشارك وايد في الطرق لييييييين أتأكد أن الشي نفع معايه ما أحب أعشم الناس على ماشي..
أنا يالحلوات ايدي كانت بالمره شي غير طبيعي سمار مش حلو وانا حنطيه لكن الايد بالمره من الشمس والدوامات.. رحت وحطيت لي حنا طبع الحنا الطبيعي مش اللي فيه اضافات مع ماي سويت عجينة حنا يعني فركت ايدي فيها تعرفون شرات العيايز ايدي صارت برتقالية خليت الحنا نص ساعه جيه لو يطول بعد أحسن وفيه.بس حطي في بالج بعد ما تعجنين الحنا خليه ساعه جيه أفضل ..المهم تحسين عقب ماتحطينه ان ايدج خذت لون صارت أغمق من الطبيعي ..
أنا اخليها جيه وعقب تقريبا اسبوع اعيد عليها نفس الشي يعني ايدي تصير قفاز برتقالي وعقب انسوا ايدكم لين يطير الحنا من نفسه تقريبا بعد 10 ايام او اكثر.
والله بنات ايدي صارت الحمد لله أحلى عن قبل ما استحي منها ابدا والجين اكتب لكم بعد ما حطيت هاي يمكن المره الخامسه اسويها كل مره تفتح أكثر..
حتى مكان الثنيات مالت الاصابع فتحت .. وصرت احني اظافري عند الصالون عشان تبين بعد الايد افتح اكثر .. الصراحه والله شعور حلو حتى اسإلوا اهلكم ومعروف ان المغربيات يستخدمن الحنا بعد الحمام المغربي لانه يوم يطير يشل الآثار معاه يفتح الجسم .. وحريم أول يحنن أجسامهن ..وفيه وايدين يحطون له ليمون بس انا ماحطيت انتوا حطوا أفضل لكم..
اللي تجرب تخبرني وصدقووووووووووووني مابتندمون..انا خواتي كله يقولن شو ها أع عشان الكشخه وهالخرابيط انا ماعليه من حد أكون لابسه وكاشخه بس الايد تقولين ايد عيوز من الحنا..
نحن في الامارات نسمي هاي الطريقة
(الغمسة) ومعروفة عند يداتنا واعتقد كل أهل الخليج..
والله جربوها بتفرحوووووووووووون وااااااااااااااااااااااااااايد ..
اي سؤال انا حاضره للحلوين.
لا تنسون تدعون حق ابويه في التوقيع
حديث النفس @hdyth_alnfs
عضوة نشيطة
يلزم عليك تسجيل الدخول أولًا لكتابة تعليق.
وحدة قطعة
•
شكرا حبيبتي والله اني كنت محتاجة لهالوصفة.... خطوبتي بعد 10 أيام و أصابع يدي اشوي سمرة من السياقة و شمسنا الحلوة.. بس أخاف ما يطير اللون!!
حبيبتي والله شو ان شاء الله مشت السالفة مع ابوج على خير..الله يفتحها عليكم ويفرحكم في بعض ان شاء الله ياقلبي.. متأثره أنا ..
حبوبة لا تسوينها الحين خليها لين عقب الخطبة.. تحني نقش عادي أحسن لج بتحسين ايدج حلوه وفاتحه بس الغمسة خليها لين عقب ان شاء الله .
حبوبة لا تسوينها الحين خليها لين عقب الخطبة.. تحني نقش عادي أحسن لج بتحسين ايدج حلوه وفاتحه بس الغمسة خليها لين عقب ان شاء الله .
الصفحة الأخيرة