سلام ياصبايا كيفكم .. بما انه لي غيبه عن المنتدى اليوم قررت ارجع لكم .. بالنسبه لموضوعكم شغل البيت والزوج والاطفال .. شوفي حبيبتي كل واحد يعرف بيته ويعرف طبيعة الناس الي فيه وانا هنا راح اوضح لك شنو معنى كلامي ..
اول شي انا طالبه جامعيه وعندي طفل وزوجي الله يخليهم لي ويخليني لهم .. جدولي في تنظيم بيتي
بيتي شقه وفيها 5 غرف وحمامين ومطبخ >> ماشاء الله تبارك الله ..
فالبدايه كنت عشوايه اهتم بلا تنظيم يعني بيتي يحتاجني وزوجي يحتاجني والي اقصده اني اذا اهتميت بالبيت اضيع وقتي وارهق نفسي فيصير زوجي محروم والعكس .. فمسكت نفسي واقتنعت اني لازم ارتب نفسي الى متى وانا ارهق نفسي او اقصر بحق احد فعملت جدول استخدمته قبل الطفل وبعد الطفل .. مع وجود تغيير بسيط .
الجدول ..
اول ماقوم الصباح اعمل فطور وافطر طبعا اذا زوجي مداوم بس كاسة شاهي وساندوتش خفيف له عشان هو كذا كذا يفطر مع ربعه بالدوام .. واذا مو مداوم نفطر فطور محترم ..وبعدين اروح اغسل الملابس وارتب غرفة النوم واسوي رضعه للنونو وارتب المكان الي دايم نجلس فيه وامسح طاولات مرايا واكنس وبعدين بوجهي ع المطبخ اغسل المواعين واطلع اغراض الغداء وبعدين اطلع الغسيل وانشره واغسل الحمامات وكذا لما تجي الساعه 11 او 12 بالكثير انا انتهيت من شغلي الخفيف ابدأ بالغداء ولما الغداء يكون ع النار انا اخذ شور ويجي زوجي ونتغداء وادخل انام قيلوله وبعدها العصر اروح مشوار او زياره او نت او تي في او شي حابه اسويه او قهوه انا وزوجي اي شي ذا وقتي انا تقريبا لحد العشاء واعمل العشاء ونتعشى اذا زوجي طلع هنا السر ابدأ بغرفه انا محددتها يعني عندي باليوم غرفه معينه امسكها من الى وذا الشي يصير كل شهر مره واهم شي امسكها وزوجي مو موجود يعني اذا طلع العصر مسكتها العصر واذا جاء عوضت نفسي ... << طيب وين دوامك .. ذا نظام الاجازات ..
اسفه طولت كلام بس حبيت افيدكم يمكن تستفيدون واذا اعجبكم نظامي وحبيتو افيدكم بنظامي وقت الدوام من عيوني .

انا احسها قدرات اشوف ناس كدا وناس كدا انا ما اقدر

في البدايه صعب جداً لكن سوي شوي بتتعودين وبتنجزين شغلك في وقت أقل كل مره
اهم شي حبي شغلك وطوريه بافكارك واستمتعي وكافئي نفسك

-

والله شوفي
يوم قريت موضوعك بغيت اطلع بس قلت ليييش مانتي قادرة تواجهين نفسك !!!!

الحقييقه لو الواحد متعافي الحمد لله يقدر ونص بعد .. :biggrin:

انا كنت مرره منظمه وقتي ومسوية جدول وكل شيء مرتب :wink2:

بس الحيين يعني مو قد كذا .. لأني تعبانه واخذ ادوية احسسسها ذابحتني بالنوم والكسل وصايره اطفش من الشغل يعني على كثر ماارتب على انه مايبان

واذا مسحت او سويت شيء ظهري يتكسسسسسر هذي مشكلتي الوحيده :crap:
احس ناقصني فيتامينات كثيره وكالسيووم مره
عشان كذا اتعب من الشغل .. وبنتي العوبا الصغيره ماتساعدني كثير .. ترمي العابها وماترتبها ااااااااااع تقهرررر :mad2:

وصدقوني ترى كثرة الطلعااات هي اللي تخرب ابو النظام بالبيت .. :dry:
وبعد ترتيب جدول الطفل .. يعني لو اني منظمه نوم بنتي صح.. ماحست الحوسه ذي كلها

بس ان شاء الله اتبع طريقة اختي مــــــــــاري .. الله يحفظها يارب جازت لي طريقتها ماشاء الله

الخلاصة :::: أقدر بإذن الله بس مدري اذا جاني طفل ثاني وش باسوي :ohwe:

-

بصراحة ما اعرف شاكتب لاني مرات احس اني مسيطرة على الوضعية وكل شي تمام واحيانا لا. لان اذا مرضت او تاخر شغلي لسبب ما البيت يهوس لان ما عندي احد يساعدني بشغل البيت اولادي صغار, الكبير ان شاء الله السنة يدخل مدرسة والاثنين الباقين صغار وطبعا العمل بقول الرسول صلى الله عليه وسلم لفاطمة يعطيك طاقة رهيبة وان شاء الله ربي يعيننا ويعطينا الصحة حتى نقوم بواجباتنة على اتم وجه