السلام عليكم ورحمة الله وبركاته ياحبيباتي
صينية البطاطس دي سهلة وبسيطة وتنفع جنب اي صنف لحوم وكل اللي داقها اعجب بيها قلت لازم انزلها في المنتدي يللا نبدا بسم الله الرحمن الرحيم
2حبة بطاطس متوسطه ومبشورة نية-2 بيض -كوب حليب- لحم مفروم ومعصج -جبنة موتزاريللا او اي جبنة مبشورة وبس
احط بيضة علي البطاطس والحليب واقلبهم وطبعا ملح وفلفل
اجيب صينية او طاجن واحط نص مقدار البطاطس واغطيه بالمفروم
اغطي المفروم بباقي البطاطس واضغط بكفي شوية علشان ينزل في الحليب
اكسر البيضة التانية واقلبها واغطي بيها وش الصينية وارش عليها الجبنة وادخلها الفرن علي نار متوسطةلحد لما يبقي لونها دهبي واسيكم مع الصور
وده شكلها النهائي والف هنا وشفا
معلش نسيت اصورها من جوة بعد لما اتقطعت المهم الفكرة وصلت شوفتوا سهله وبسيطة ازاي وطعمها تحفة وتنفع جنب اي صنف لحوم مستنية رايكم واترككم في رعاية الرحمن:)