الزمرده الزرقاء @alzmrdh_alzrkaaa
عضوة فعالة
اللي بتحج ضروري تجي تجهز شنطتها معاي ,,
ساعدوني •
السلام عليكم ورحمة الله وبركاته ,,
مرررحبااا بناااات ,,
انا صار لي كم يوم ابحث عن تجارب البنات بالنت ومن اللي حولي عن الحج ايش اخذوا معاهم وايش الاشياء اللي استفادو منها وايش المشاكل اللي واجهتهم وطلعت باشياء كثيره حلووه
.
قسمت الاشياء اللي نحتاجها لـ 5 مجموعات كل شي بكتبه وبكتب ليه ناخذه الا الاشياء الواضحه
.
"روحانيات"
تبعآ هي أساس روحتنا فلا تنسين تحطين بالشنطه
"مصحفك"
وكتيب الأذكار
سجادة الجيب
وشرشف للصلاه
وفلوس فكه خمسات وعشرات وخليها دايم معاك عشان تتصدقين فيهم بس انتبهي لاتحطينها بمكان واحد عشان لو انسرقت ماتنسرق كلها
ولاتنسين تدورين عن ادعيه وتطبعينهم لانهم بيفيدونك كثير هناك
حاولي ماتتعرفين على احد عشان ماتلهين بالسوالف عن العبادات واذا معاك ناس تعرفينهم لاتقعدون مع بعض كل الوقت
لاتنسين بيوم عرفه تحللين كل الناس اللي تعرفينهم واللي ماتعرفينهم وتصفين نيتك وتتوبين او تجددين نية توبتك
.
"الادوات الشخصيه"
المعجون + الفرشاه
فرشة شعرك
مزيل عرق
فوط صحيه إستخدام يومي
قلفزات بلاستيك
"عشان دورات المياه الله يكرمكم مايحتاج تمسكين الباب بيدك او حتى الشطاف او موزع المويه لانها اكيد بتكون متلوثه ولا انتي قاعده تمسحينها بديتول والبخاخ بيخلص من اول يوم هذول اريح وارخص"
جل معقم لليدين بس انتبهو لازم مايكون معطر عشان لما تكونين لابسه الإحرام مايكون حرام تستخدمينه
شامبو وبعد مو معطر
صابونه بعد مو معطره
مقص للشعر عشان بعد الاحرام
.
"الملابس"
لازم تاخذين معاك عبايتين "ويكونون قصار عليك شوي" عشان اذا توسخت وحده الثانيه موجوده ماتضطرين تغسلين لان ماحولك مغاسل ملابس والعاملات ماراح يكونون فاضين لك واسرع لك عشان ماتستنينها ليما تنشف
كيلونات قطنيه اللي نلبسها تحت التنانير القصار خذي اقل شي 5 معاك لان الجو بالليل بارد شوي
وشورتات بعد اقل شي 5
حتى مع مع المشي مايكون فيه تشققات او التهابات بالافخاذ
الملابس كثري لكل يوم حطي لبس عشان ماتتبهذلين وكل لبس حطي جواته الكيلون تبعه والشورت والاندر وير وكيس بلاستيك "عادي زي حق السوبرماركت" عشان اذا فصختي اللبس تحطينه جوا الكيس ماتدلخينه بشنطتك وهم وسخات ويوسخون عليك كل الشنطه
لبس مرتب وساتر لاول يوم العيد لانو الناس بيكشخون بالجلابيات
لازم تاخذون معاكم لبس واحد ثقيل على الاقل وجاكيت لانو بمزدلفه بيكون بررد
اي صح الاندروير لازم تاخذون اللي لبسه وحده وينرمي زي حقات الدوره الله يكرمكم لانك ماراح تغسلينهم هناك وبنفس الوقت ماراح ترجعين فيهم وسخات
.
"الصيدليه"
فكس هع
مدري وشو له بس كثير ينصحون فيه حنا مانستخدمه بس اللي يستخدمونه ياخذونه معاهم
فيتامين "سي" وكل يوم بتشربين منه كاسين اقل شي عشان ماتنعدين من الامراض
كريم مرطب مو معطر
بنادول كولد اند فلو وبنادول عادي للصداع "اهم شي هالنوعين ضروري يكونون معاك"
سابوفين لانه مسكن وأي علاج تستخدمينه زي مرضى السكر والضغط لاينسون أدويتهم ,,
مرهم للعضلات لانو مع المشي بتتعبين مرره
مناديل البيبي زي الجونسن بس احرصوا ماتكون معطره واذا معطره ماتستخدمينها وانتي لابسه الاحرام
كريم اسمه "كيناكومب" هذا الكريم يمدحونه للتشققات والالتهابات بالافخاذ عشان المشي قبل لاتطلعين لازم تحطين منه بس اذا حرصتي على الشورتات والكيلونات ماراح تحتاجينه
كمون + مراميه هع لازم تاخذونهم لان الأكل بيتغير عليكم
واهمممم شي حبوب الدوره الله يكرمكم
.
"المكملات"
الهاند باق بتاخذين 2
وحده كبيره زي حقت الجامعه بتحطين فيها اغلب الاشياء اللي قلتها الا الملابس طبعآ وهذي بتكون بالمخيم ماتاخذينها بتنقالاتك
والثانيه صغيره مرره للجوال وتحطين فيه فكة الفلوس اللي حكينا عنها بالاول وهذي تكون جوا العبايه عشان ماينسرق جوالك
شرابات طوويله توصل لفوق نص الساق لان الساق يتوصخ لازم يتغطى
افضل شي تاخذون السود القدام بس انتبهوو لاتلبسونهم لحالهم لانهم مره خفيفات والشي الثاني انواع الحركات البهلوانيه اللي بتصير "هالحكي على ذمة صديقتي" يزحلقون بالحرم هع
البسوهم عشانهم طوال بس البسو فوقهم شرابات ثقيله لان ارض الحرم تكون رطبه من المويه وتكون بارررده
وافضل شي فوق السود تلبسون اللي من تحت جلد "يسمونهم زمان ام حديجان" هع او زي حقات البيت اللي بالبرد نلبسهم
أكياس بلاستيك زي حقات السوبر ماركت وكثررري لانك بتحاجينهم كثير
شاحن جوالك انتبهييييي تنسينه وخذي جوال الجامعه لانه احتمال كبير ينسرق
فوط لجسمك ولشعرك عشان اذا تحممتي
استشوار عشان تجففين شعرك وكحل وقلوس ليوم العيد لاتتميليحن وتاخذين فل ميك اب لان شكلك بيكون اوفر احترمي نفسك من البدايه هع
<<الله من زين النصايح بس هع
كيس للمخده لان الحملات يعطونك فرش جديده "الموسوسين زيي" لازم تاخذون كيس المخده وبطانيه خفيفه زي حقات الماركات
حلاو للحلق وخذي كيلو عشان تتصدقين عالناس اللي بالحمله معاك لانو اكيد الكل بينسى هع
الشوز خذي 2 سبورت بس حاولي مايكونون حبال او حبالهم ماتكون طويله عشان اذا انفتحو ماتروحين بخبر كان الله يكفيك الشر
شبشب للحمام كثييير يقولون ضروووووري ولاتنسي تاخذين له ميزانيه خاصه بالاكياس هع
لان اكياسه بتكون غير عن اكياس ملابسك
كيس لشوزك بالحرم لانو ماراح تخلينه بمكان معين ومستحيل ترجعين لنفس المكان وصعبه تمسكينه بيدك لو طاح مالك امل فيه افضل شي يكون معاك كيس تحطين فيه شوزك
وأهمممم شي هع
<<تضحك هع
ســــداااااااادااااااااات أذااااااااان هع هع
يقولون بالمخيمات تبع الحملات انواع السواليف هع
واذا بغيتي تنامين لاززم تحطينها ولا مالك أمل بالنوم هع هع
لا وناس يقولون اخذو معاهم اشياء تنحط عالعين عشان النور هع
وهذولي تاخذونهم من الصيدليه والبنات اللي ما اخذوهم معاهم من البدايه لما وصلو مكه اشتروهم هع هع
وفيه شي مهم كثير من الحملات مايوفرونه ,,
لازم تاخذين معاك خفايف زي شوكلاته أوريو عصير الربيع اللي بريال وهالاشياء لانك بالحرم مع المشي بتجوعين وبتنقص عليك السكريات لازم يكونون بشنطتك حتى ماتدوخين مع المشي لاقدر الله ,,
تأكدي من حملتكم لان فيه حملات يوفرون هالاشياء وفي حملات لا يلتزمون بالوجبات الرئيسيه بس ,,
اللي حملتهم يلتزمون بالوجبات الرئيسيه بس اذا جابو الفطور تاخذ من المعلبات وتخليهم عندها لانو بالليل اذا جاعت ماراح تلاقي أكل واذا بغت تطلع تاخذ منهم معاها عشان لو لاقدر الله جاعت او جاء موعد لعلاجها ,,
.
ووووبس الله يتقبل من الجميع
واللي عندها اضافات تضيفها لان هالموضوع كله اجتهاد وتجميع مني اذا اصبت من الله واذا اخطأت من نفسي والشيطان
وبليز ارفعو الموضوع عشان الكل يشوفه ,,
حجآ مبرورآ وسعيآ مشكورآ
.
13
2K
يلزم عليك تسجيل الدخول أولًا لكتابة تعليق.
شكككككككككككككككككككررررررررررا على نصايحك الحلوة والله استفدنا
بس ابسالكم انا مااتطعمت عادي ماابي اتطعم
اخاف يرجعووني ؟؟؟ والا مو ضروري؟
بليز ردوووووو
بس ابسالكم انا مااتطعمت عادي ماابي اتطعم
اخاف يرجعووني ؟؟؟ والا مو ضروري؟
بليز ردوووووو
ماشاء الله عليك كفيتي ووفيتي وانا حجيت الحمدلله السنه اللي قبل اللي فاتت..
الله يسهل لكم امركم ويتقبل منكم..
عندي ملاحظه على الملابس انه تكون الوانها فاتحه يعني سماوي وابيض وزي كذا وتشجرها خفيف عشان تحسين بالنظافه والانتعاش واول ماتتوسخ تشعرين فيها..
وبس..
الله يسهل لكم امركم ويتقبل منكم..
عندي ملاحظه على الملابس انه تكون الوانها فاتحه يعني سماوي وابيض وزي كذا وتشجرها خفيف عشان تحسين بالنظافه والانتعاش واول ماتتوسخ تشعرين فيها..
وبس..
الصفحة الأخيرة
والله يتقبل منكم حجكم ويسر أمركم