اللي بتخطب والمخطوبة اتقوا الله لا تغشون بنات المسلمين

السلام عليكم خواتي
ماعندي اي مقدمة لان نفسيتي ربي اعلم فيها اعيش بشدة ما اتوقع احد يعيش فيها مثلي والله يا بنات اني بكرب عظيم وشديد وصعيب
عيشتي عند اهلي اكثر من زفت كنت بعذاب وتزوجت وطلع لي عذاب ثاني يعني تخيلوا بذا الدنيا مالك سند تعتمدين عليه وحييييدة بما تعنيه الكلمة عانيت كثير وربي شايف وعارف وشاهد
تزوجت وفرحت اهل زوجي مدلعيني وطايرين فيني وزوجي كذلك قلت ابد الدنيا ضحكت لي وربي فرجها علي وصرت ادور الحمل وماحملت وقلت لزوجي يحلل وطلع تحليله صفرررر ولما سالته قال انه جت دوالي من الدرجة الثالثة وسوا عملية وشالها ولكن باقي اثارها طبعا ماعرفت ان فيه دوالي الا بعد الزواج وبعد شهور وانا اللي سالته وطلع فيه مشكلة بالغدة النخامية واكيد اهله عندهم علم بالموضوع لان ام زوجي ولا مره سالتني في شي بالطريق واخت زوجي بس تسالني تعالجتوا او لا طبعا هالكائنة اخبث ما خلق ربي سعت لزواج اخوها هي وامها تعرف بمشكلته انه ما ينجب واذا في امل ينجب بعلاجات وبعد بعمليات وصعوبة وكانت تشتكي لي تاخرها بالحمل ومن حسن وطيب نيتي ادعي لها بصلاتي وانصحها واعزمها اغير جوها عندي وتدخل غرفة نومي وقاطة الميانة معي ولما حملت وكرشتها واصلة لين وجهها استكثرت علي تبشرني افرح فيها تخشخش بطنها بجلال ومخاد والله واللي خلقني توقعت تعاملهم معي عن حسن نية وطيبه منهم وما طلعوا الا اخبث خلق الله غشووووني حسبي الله عليهم الله يذوقوهم حر ما احس فيه من كسرة لا اللي قادرة اتطلق واعيش ببيت اهلي الجحيم اللي حتى فراشي وملابسي انرمت ثاني ليلة من زواجي وانطردت كم مره من بيتنا وانرمى علي كلام يسم البدن يعني غاسلة يدي من الطلاق وبعد احب زوجي بس شايلة بقلبي عليه انه استغلني وكذب عليوتعبت اصبر على سراااب وحلم يمكن يصير ويمكن اكثر ما يصير جفت دموعي وانكسر قلبي وحلمي صرت ابكي بكل مكان قدام الناس بعد بعملي بالسوق بالشارع دايم الدمعه تنزل مني اذا تذكرت نصيبي وقسمتي اااخ يا بنات وجع ما يحس فيها الا اللي عايشة وضعي ناس غشاشه ناس حقودة وما يهمها الا مصلحتها

ونصيحةةة لكل وحدة بتخطب لاحد يقرب لها او كل وحده مخطوبة لاتغشين الناااااس قولي لهم كل صدق الصدق منجااة وحبل الكذب قصير واتقوا الله يفرج عنكم .


ليه الناس ظالمة ليه الناس ما تتقي ربها ولا تخافه ليه انتشر الكذب والغش والخداع وليه يدعون التقوى والاخلاق والتدين وهم خبثاء ليييييه ؟
كافي عذاب وربي تعبت بدنيتي بما فيه الكفاية وزودها علي حسبي الله ونعم الوكيل الله يذوقوهم ما ذوقوني الله يحر قلوبهم على انفسهم الله ينصرني عليهم ويصلح حالي وبالي ..