اللي بتخطط لمستقبل أطفالها من الان (مهر بيت اثاث سيارة ) ياليت تفيدنا باقتراحاتها

السلام عليكم ورحمة الله وبركاته
شيء رائع ان نخطط لمستقبل أطفالنا خاصة الولد لما يكبر يحتاج مهر سيارة بيت اثاث وعاد اللي عندهم ثلاثة اربعة اولاد الله يعينهم يبغالهم ميزانية
ولما يكبر وا هم يخططوا لاطفالهم لمتى يا اخوات واحنا عايشين كذا على البركة خلونا نخطط شوي الغني يخطط والفقير يخطط بطريقة ما نحرم نفسنا ولا نحرمهم من شيء
الغرض التسهيل عليهم و تحصينهم وهم عليهم الجد والاجتهاد وتحمل المسؤولية اللي نكون احنا ربيناهم عليها .. والوظيفة.. هذه اللي ما نضمنها بس الرزق على الله ونحن ناخذ بالاسباب
وطلبي يا اخواتي ياليت كل وحدة تذكر افكار من تجاربها او تجارب سمعتها ممكن تفيدنا للتخطيط لمستقبل عيالنا بعد التوكل على الله عزو وجل
مثلا واحد يودع لكل ولد من اولاده مية او ميتين ريال في البنك ولما يكبر الولد يسلمها له كمهر او سيارة او اثاث بيت وهكذا
يلا بانتظاركن
وملحوظة حتى اللي ما تؤيد الفكرة ياليت برضوا تعطينا افكار للتخطيط يمكن تفيد الاخوات