مو قادره ارسل القصه كامله في الايميل بقولها هنا انتي الله يسهل امرك ويسببلك زوجك بقولك قصتي وانتي حاولي تستفيدين بس الاختلاف ان انا ماعدي اطفال ادعولي ربي يرزقني الذريه ويسخرلي زوجي بداية قصتي كنت في بيتي لحالي طول الوقت اهل زوجي متخاصمه معاهم يحسدوني على زوجي الي هو ولدهم على ايش ماني عارفه كان بخيل وبيتي العفش قديم ولسانه وصخ بس يقذف واربعه وعشرين ساعه برا واذا جا نام وبعدها يخرج مثل الحرامي قبل اشوفه وحالتنا صار ميؤس منها وكل مرا كنت اتصل على امي اشكيلها كانت تعبيني بزياده وتكرهني بنفسي وزوجي واهل زوجي بزياااده ولا كأني بنتها واخواتي ماكان بيني وبينهم اتصالات وبعدها خرجت مع امي علشان اسوي اسناني بمستشفى حكومي ببلاش وقبل اروح زوجي اعطاني خمسين ريال علشان اذا احتجت شي وطبعا علشان يبين لاهلي أنه يدفع ومن مقصر علي وانا مااستخدم الخمسين ورحت مول قريب من المستشفى واخذتلي قميص من نعومي كأنو مسوين تخفيضات ورجعت البيت فرحانه والا احصل زوجي في البيت واوريه القميص ماسكته بيدي اقوله وش رايك قالي بكم اخذتيه قلت بخمسين كأنو مسوين تخفيض قام يصرخ ليه بخمسين اشبو ابو عشره وانا انقهرت وجلست ابكي على جنب وهو يقولي طالعيني انا صرخت فيه قام يضربني الين وصلت فيه فتح راسي وبعدها رحت المستوصف سويت غرز ورحت لاهلي وجلست عند اهلي اسبوع جت اتصالات لابتوب من ابو زوجي انه يرجعني ابوي خاصمه وقاله بنتي ماترجع الا برضوه وشروط تدري وش قاله خلاص انتم تنازلو عن المؤخر واحنا نطلق وابوي قاله ابشر تم اصلن بنتي ماتبي ترجع لولدك وانا كنت مقهوره للامانه وخايفه جا بكرا جا بعدو فينك يافلان ابوي اتصل عليه قاله مين قالك بطلق وبعدها قلت لابوي بقدم في المحكمه وفعلا قدمت موعدي بعد شهرين والله جلست شهرين ارتب بيت اهلي من والى ماكنت اتكلم بمشكلتي كثير واسوي نفسي فرحانه وانا داخلي يألمني وبموووت تخيلو لااتصال لاسؤال ولاشي ولاكأني كنت في حياته خواتي كانو يسولفون عن ازواجهم قدامي وانا اضحك واسولف واحاول اشغل نفسي وارتب كثير واذا جا الليل اجلس اصلي وادعي وابكي كل ليله ابكي بحرقه تدرون امي وش كانت تقولي ترا زوجك يكرهك وعمره ماحبك واذا يحبك سأل عنك وكانت تجلس تكبر القصص في راسي الين عرفت انها تكرهني او تحسدني ماني فاهمتها وصرت اتجنبها تخيلو خلت مسؤليت اختي في خامس ابتدائي علي لدرجه ادرسها واروشها والبسها وكل شي علي وسافرت جلست اسبوعين واناالبيت كله علي اطبخ وانظف واغسل ملابسهم اخواني كبار ومهملين وابوي اربعه وعشرين ساعه في البيت طلبات تعبت مافي مجال اجلس مع نفسي افكر وجلست استغفر واصلي وادعي وابكي في الليل واذا جا الصباح قعدت اختي للمدرسه وبعد انتظار طويل جا مو عد المحكمه وقبل نسيت اقولكم زوجي رفض يعطيني ملابسي خرجني بالملابس الي علي وعباتي وبعدها رحت المحكمه قبل اروح صليت اسخاره والحمد لله زوجي جا يعني مااهمل الموضوع واخرني وسبحان الله الذي لا اله الا هو سبحان مغير الاحوال الى افضل حال تخيلي انا كنت اقول كل شي فيه واسبه وهو بس يقول صح كلامها والله انها تحملتني واخذت ثلاث جلسات بس اول جلسه اقوله ابي اثبات طلاق قال ماطلقك قلت ابي اخلعه جلس زوجي يقولي لاتخلعيني الين اخر شي قال الشيخ فسخ نكاح تدري زوجي وش قال لا انا ابغاها وموافق على كل شروطها من والى وقلت غير غرفة نومي صلح سباكة البيت وابي صيغه ذهب وقلت يغير سيارته وقلت ماادخل لاهله الا اذا حبيت وقلت زياره لاهلي يوم بالاسبوع وخرجه لي انا وهو ونصروف خاص فيني ويقضي للبيت سبحان الله وافق مشاءالله تبارك الله رب العرش العظيم وبنفس اليوم رجعني وسوا كل الي ابيه وصار يحبني اكثر من اول وانا وخرت عن امي وحسدها وعن كل وحده تكبر المشكله بنظري وصرت اتغاظا وامشي لان هاذي حياه مهي حرب وصرت انا وزجي متفاهمين اللهم لك الحمد بس احس هاذي الايام صار في بيننا حاجز بس عادي ان شاءالله فتره وتعدي دام مافي حسد وناس تكبر المواضيع وعلى فكره الان يخرج الصباح ويجي الساعه 1ص ولا يكلمني في الفتره الي هوا برا بس لمن يجي يكون مشتاقلي ويكون تعبان لان شغله صعب شويه في السيارات وكذا وبس اتمنى تستفيدين وربي يريح بالك ويهدي سرك
مو قادره ارسل القصه كامله في الايميل بقولها هنا انتي الله يسهل امرك ويسببلك زوجك بقولك قصتي...
وهذي انا مقهورة من زوجي وفيني ضيقة صدر منه ولا ناويه اكلمه
وجالسه في بيتي لاني خايفه من اهلي وموقفهم وفعلا ما اعتقد اني بستحمل احد يجرحني ولو بكلمة
صابرة وجالسة في بيتي علشان عيالي
وربي يفرج همنا يا اختي
اصبري وادعي وانا اختك