القهوة تحطين فنجال قهوة من البن وملعقة هيل في بكرج القهوة وتحطين عليه تقريباً كاستين ونص موية وتخلينها تطبخ تقريباً ربع ساعة عشان تطلع لك مزبوطة وبعدين حطي في ترمس القهوة ملعقة هيل وتحطين عليها القهوة اللي سويتيها

والرز حسب الاشخاص هم ستة رجال والا نساء والا اطفال بس اذا كانوا كلهم كبار يكفيهم ٣ كاسات

الدجاجة تطلعينها من الفريزة تذوبينها في موية لين يفك منها الثلج بعد كذا ياإما تملحينها وتحطين عليها بهارات وتشوينها على طول في الفرن من دون تقطيع بس افركي البهارات والملح زين
او انك تقطعينها اربع اجزاء وتكشنينها مع كشنة الرز وبعدين تطلعينها وتحمرينها في الفرن ولاتنسين تملحينها

كشنة الرز بصل تكشنينه وحطي عليه جزر مبشور وفوقها البهارات اللي تحبينها وملح واذا عندك فلفل رومي حطيه يطلع مرة لذيذ وكمان لو عندك حمص وزبيب حطيها على الكشنة لذيذة

+اهلين انا اسوي القهوه بهالطريقه 3اكواب ماء عليهم فنجان قهوه بالنسبه للدجاجه تطلعينها من الفريزر وتذوبينها بالمي وبعدين تقطعين الدجاجه اربع اوست اوثمان بكيفك وبعدين تغسلينها زين وتحطينها بقدر وعليها بصل واحمسيها بشوي زيت بدون مي حوالي عشر دقايق وبعدين حطي المي المغلي عليها وممكن تضيفين كمون وفلفل وكزبره ماهي مطحونه وبعد فلفل رومي مقطع واضيفي الملح وبس انا لما اسوي رز لعيالي وزوجي استخدم 3اكواب عليها 3ملاعق ملح خشن ونص كاسة الشاي زيت واحط الرز بس قبل اصفي المرق قبل مااحط الرز واحيانا احمر الدجاج بالزيت او احمره بالفرن اواخليه مع الرزوعلشان تتاكدين رزك مضبوط حطي المرق تكون ازود بمقدار مفصل واحد من مفاصل اصبعك وبعدين دخلي ملعقه ووقفيها اذا ظلت واقفه يعني شغلك مضبوط اذا مالت خففي من المرق اتمنى افدتك

اخذي طاسه كبيره وحطي 3 طاسات رز واذا ماتعرفين الا تحطين بكوب حطي رز 6 اكواب رز والدجاج اول ماتطلعينه من الفريزر خليه تفك من التجميد ولذابت اجلسي شهديها يعني اغسليها كويس ونظفيها وقطعيها يعني قطعي الافخاذ والكتف خلي الدجاج عباره عن اكتف وافخاذ وحطيه في ماء بقدر وخليها تستوي بعدين اذا حبيتي تشويها او تحطيها بصالونه المفروض يابنات ماتروحو بيت ازواجكم الا وانتو متعلمين الطبخ والكشنه انا اسميها الحمسه او الحميسه عادي حمسي بصل وطماطم وفليفله وبطاطا مبشور وجزر مبشور وكوسه مبشور وحطي بارات وملح وماجي وكشنيه

السلام عليكماعانك الله واعاننا وبلغنا وايكم رمضان بعفوه وغفرانه تعالى اول شي سمي بالله وتوكلي عليه تعالى وبيصلح اكلك باذن الله البنات كفو ووفوا ما شاء الله جزاهم الله خير وانا بساعدك بطريقتي القهوه نفس الدله او الترمس اللي بتعبينه امليه يكون مقاسك وزيدي عليه زياده وضعي الماء في الدله اللي على بتصلحين فيها القهوه على النار كل ترمس ضعي فنجان قهوه اذا كانت خفيفه يكون فنجان ونص عساك فهمتي بعد ما يفوح الماء حطي القهوه وخليه تطبخ خلي النار هاديه مره عشر دقائق وبعدين حطي ملعقه هيل وذرة زعفارن وطفي وخليها ثواني بعدها زليها في الترمس للتقديم افضل من الدله واذا تبين دله لازم وقت التقديم زليها بالدله اسرع لك اما الرز والدجاج اذا تبين كبسه قطعي الدجاج صغار ارباع او اقل حسب اللي تبين ولازم تشيلي القشره وحمريها اول البصل وبعدين قطع الدجاج والبهارات او اذا ما تحبين بس الملح يكفي وحبات فلفل اسود وذرة هيل مطحون وبعدين الطماطم وقلبي واذا تبين خضار قطعيها مثل الجزر طويله والكوسه واغسلي الرز قبل واذا كان يحتاج ماء نقعيه وضعي على الدجاج وصبي الماء الحار المغلي مسبقا اللى ان يتقطا الرز بقليل بعطين خففي النار وضعي فلفل حار احمر او اخضر والطريقه الثانيه قطعي الدجاج ارباع ونضفيه كويس افركيه بالملح قليلا وغسليه بالما واغلي الماء قبل وغسلي الرز ونقعيه وضعي في القدر البصل وقلبيه ثم ضعي الطماطم ثم ضعي الدجاج والليمون الاسود واو الابيض والدارسين حبتين والفلفل الحار وقطع من الفلفل البارد يعطي نكه وغطي القدر على النار الخفيفه دقائق ثم ضعي الماء حتى النصف وغطي القدر نصف الساعه ثم اخرجي الدجاج بالملاس وضعيه في صينية وضعي الرز على القدر اذا ما تريدين البصل اشخلي المرق ثم ضعيه على الرز وخليه النار طويله قليلا وللنكهه ضعي قليل من الهيل ذره واتركيه واذا بيحتاج ما زيديه قليلا حتى ترين الما اختفى الا تحت خففي النار وغطي القدر ثم حمري الدجاج بالفرن واذا كنتي تريديه احمر ضعي قليل من مرق الدجاج في صحن مع صلصه ملعقه صغير وشوي بهارات وادهنيها وحمريها بالفرن قليلا لا تروحي بعيد وطفيها والكشنه قطعي بصل طويله اذا عادي واذا تبينه يختفي قطعيه صغار وحمريه في ملعقه زيت وضعي بهارات واذا تبين جزر عادي مبشور وعلى طول ضعيه على الرز وغطي القدر حتى وقت التقديم وبالف عافيه والطريقه الثالثه وهي سريعه جدا بالفرن غسلي الدجاج وتبليه بالبهارات والصلصه والملح هي كامله ضعيها في صينيه وقطعي خضار اي نوع تحبين قطع مربعات كبيره او دوائر عريضه وضعي زهره حبات اذا تحبين وقطعي حلقات بصل وحلقات طماطم وحلقات فلفل بارد واخضر واحمر وضعي بيالة ماء وقطي الصينيه بالقصدير او بالغطاء وعلى الفرن الحار حتى تستوي نصف ساعه وحمريها من فوق وقدميها مع الرز المسلوق الابيض اسرع او مع الخبز حسب الرغبه كتغيير وفيه طريقة المندي اذا بتعملين الدجاج والرز بالفرن اسرع وبالهناء والعافيه الله يوفقك ويسير امورك وجميع الاخوات ويتقبل منا صيام رمضان خالصا لوجه تعالى

مشكووووورين زين الدجاجه كيف ننظفها من الداخل
وكيف نقطعها اربع اجزاء