اختي امواج
انا سألت الدكتوره قيل يومين عن هذا النوع من الحبوب وقالت انها لازم تاخذينها قبل موعد دورتك بخمس ايام وكل يوم لازم تاخذين 3 حبوب وما تبطلينها غير لما تخلصين الحج على خير ان شاء الله
واسمها بريمولت
وانا بعد ان شاء الله رايحة للحج
لكن الحمد لله جتني الدورة هاليومين
اذا تبين نصيحتي لك كلي رشاد وقرفة وحلبه عشان دورتك تنزل قبل ما تروحين احسن لك
والله يتمم عليكوعلينا حجتنا ويقبلها منك ومنا ومن كافة المسلمين والمسلمات..امين

سبحان الله والحمد لله ولا إله إلا الله والله أكبر
لالالالالالالالالالالالالالالالالالالالالالالالالالالالالالالالالالالا
الأفضل روحي لدكتورة وهي توصف لك الحبوب المناسبة
وحتى لا قدر الله وصار وأثرت عليك سلبية تكون هي عارفة السبب
من ايش تحديد من الحبوب
لكن أختي ما دام إنك بمشيئة الله رايحة الحج خذي النصايح هاذي من
أختك سبق رحت الحج قبل 3 سنوات ومن تجربتي أفيدك :
1- أختاري الصحبة والرفقة الي تعينك على ذكر الله والعبادة بدل الهرج والسوالف .
2- من الان اقري عن الحج من جميع الجوانب من أحكام وزاجبات وسنن .......الخ
3- تذكري أن الحج المبرور ليس له جزاء الا الجنة .
4- أخلصي لله في كل شيء بالذكر والدعاء والتلبية و أنت رايحة للحج أنسي الدنيا وما فيها .
5- قدمي روحك هدية لله بكل ما تبذلينة من جهاد وأعمال شاقة وتحملي الصعاب والأذى واصبري على الزحمة حتى لا يفوتك الاجر ولا تنسي رمي الجمرات طالما إنك قادرة ما يجوز توكلي عنك أحد لأنه سبحان الله في رميها هيبة عظيمة راح تحسيها
في ذلك الوقت .
6- لا تنسي الأمر بالمعروف والنهي عن المنكر لأنك راح تقابلي الكثير الكثير وراح تشوفي العجب العجاب في الحج ناس من جميع انحاء العالم وفيه بدع غريبة فاكسبي وجمعي حسنات .
7- أحرصي على ازالة الأذى عن المسلمين من قزار مرمي تلاقيه ابعديه أو تقدمي ماء لاحد عطشان ........ أعمال الخير كثيرة أحرصي عليها .
8- اذا عندك اطفال حااااااااولي لا تاخذينهم خليهم عند اهلك . لأنه زحمة وراح يشغلوك عن العبادة والواحد فينا يالله بالله ان حج وقدر مرة في العمر ولا تنسي
أن هذه حجة الفريضة وبعدها تكون سنة .
9- احرصي على كل عمل يقربك من الله والاذكار وحاولي لو رفقتك الي معاك قلبوها هرج خليها تفكر وذكر كلها ايام معدودة لكن فضلها عظيم .
10- يوم عرفة هذا اليوم يوم الرحمة يوم كنا في عرفة شد انتباهي رجال كان متكي على سيارته له 3 ساعات رافع يده ويدعي سبحان الله كل ما اناظر له وهو على حاله ........ صحيح كنت ادعي لكن مشغولة بالي حولي دق بوري , واحد نادى
ذهني مشتت بين الخلق لكن هو أخلص لله قلبا وقالبا الله يرزقنا الإخلاص في العمل .
11- الملابس انتبهي من البرد صحيح جو مكة حار دائما لكن بالليل بارد والله يوم رجعت من الحج أخذت فترة يجيني خفقان في القب وتقول لي الدكتورة اثار برد
السبب أيام التشريق فزعت بنت خالي الله يجزاها بالخير بالأغطية حقتنا البطانيات لأخويانا الرجال زوجي وزوجها وجلسنا فيه يحسبون معانا أغطية زايدة وحنا ما غير بالشراشف .
لا تنسي الاجواء الان باااااااردة يعني تدفي واعملي حساب للبرد خذي معاك شرابات كثيرة راح تحتاجيها وانظف لك تلبسين كذا شراب لان الزنوبة كل شوي بتضيع عليك
12- اعتمدي غالبية اكلك على التمر والسوايل .. عشان ماتنزقي في زحمة الحمامات .
13- خذي معاك أغراض خاصة من شامبو وصابون غير معطر ومناديل وجوال ولا تلبسي ذهب أفضل لك .
المهم ما أطول عليك خرجت عن موضوعك الي تسالي عنه لكن حبيت افيدك ولا ننسي" أن من حج هذا البيت فلم يرفث ولم يفسق رجع كيوم ولدته أمه " والله يتقبل منا ومنك صالح العمل وما دام ربي رزقك الحج أسعي وأجتهدي لرضى رب العالمين
واتمنى تدعي لي ان ربي يرزقني أحج مرة ثانية لأني فعلا محتاجة للحجة الثانية حجتي الأولى مو راضية عنها
اسال الله العظيم يوفقك
أيوة نسيت أقول لك الي تبين من دعوات ونفسك فيه بس اخلصي لله في العمل وأدعي واطلبيه الحمد لله دعواتي الي دعيتها بالحج ربي استجاب لي فيها .. الله كريم ويجيب
الدعوات لكن القصور فينا حنا قلوبنا قست من ذنوبنا وتقصيرنا في حق ربنا
ما الف وادور يعني حبيبتي لا تنسي تدعين لي وطولت عليك
وروحي للدكتورة أفضل والحقي نفسك من بدري

الله يوفقك و يسهل امرك .. نصيحه روحي لطبيبه خليها هي اللي توصف لك

وإن شاء الله حج مبرور و لا تنسينا من صالح دعائك يا أختي ..

انا اقول برضه روحي لدكتوره ثقه والله يوفقك ويتقبل منك ودعواتك

هلااختى شوفى انا بقولك عن حبوب استخدمها دائم لان الدورة تطول معى وتخلص الدورة عنى واحيانناكل منه اكثر من شهر لما يكون فية مناسبة ولما اتركهم عادىتجى الدورة واللة ماشين معى صح بس شوفى واللة مدرى عنك اخاف بعدين تدعين على وانا طامعة بالدعوة الزينة منك شوفى حبيبتى واللة ممتازين هالحبوب ولى اكثر من اربع سنين استخدمهم بس اسئلى الدكتورة عنهم تكفين اسمهم بركتلو نص ابيض ونص بنى ولو ودك تطولين اكثر تجيبى علبة ثانية وتاكلين منه البنى تكملين فية وتتركين الابيض قالتلى الدكتورة هالكلام بس تاكدى اول من دكتورة هل يمنعن الدورة من قبل ان تجى لكن اللى تبى توقف الدورة بعدنزولها واللى تخاف تنزل عليها بالحج تاكلهم واللة انى اكتبهم وانا خايفة ودى اساعدكم واللة وادعولى