شكرا لكل البنات اللي ردو
الاختلاف لا يفسد للود قضية مادام هناك احترام للرأي الاخر انا مقتنعة بالكلام اللي كتبتو و الحمد لله توقفت عن استعمال هذه الزيوت و كل واحد حر فرأيه
الصفحة الأخيرة
اولا الأخت روح الروح شكرا ليك على تعبك وبحثك والاخت طوق الياسمين شكرا ليك على تأييدى
ثانيا دة الكلام اللى بقولة ان مش ممكن يعملوا زيت يكون مضر بالطفل مثلا وطبعا الشركات بتخاف على اسمها وسمعتها عشان تقدر تستمر ولذلك دايما بيعملوا تطوير فى المنتجات عشان يعطوا نتايج افضل لمنتجاتهم
ثالثا ودى وجهة نظر برضو انهم ممكن يكونوا بيستخدموا الزيت المعدنى دة عشان يعملوا اساس للعشبة المهمة اللى هى الاملج اللى فيها العلاج
ورابعا كان حق الاخت الهادية تدخل تشوف الموضوعات الجدية والملف المعمول عن زيت املا كل اللى بتستعمل زيت املا او ناوية تستعملة معظم الستات بيشكوا بس من ريحتة الفظيعة لكن قليل منهم بيشتكى من تساقط الشعر ودة ممكن يكون نتيجة لأكل قليل او نظام غذائى غير سليم
خامسا بقى ودة الاهم اننا منجيش بعد النجاح اللى محققة زيت املا على مدار اكتر من ستين سنة اننا نقول اللى بتستعملة توقف استعمالة عشان زيت معدنى دة كلام مش مضبوط بالمرة
سادسا اننا لو مشينا ورا كل بحث واشاعات يبقى بجد الشركات هاتفلس ولو انا شخصيا عندى شركة بتعمل منتج وطلع علية اشاعة سخيفة من اى نوع يبقى هاخسر الجلد والسقط زى مابيقولوا عندنا فى مصر عشان كدة دايما الشركات بتطور منتجاتها وبتعمل ابحاث
مثلا من كام سنة قالوا اوعوا حاسبوا الشامبوهات فيها مادة اسمها لوريل ايثر سولفات بتعمل سرطان فى الجلد ولا حد بطل شامبو ولا حدسمع للاشاعة دى ولو كان دة صح كان بقى زمان قول يارحمن يارحيم على الشركات دى
ارجو من الأعضاء ياجماعة التاكد من الكلام شىء كويس
وطالما النت قدامنا ليل ونهار كل يوم فى جديد واشاعات جديدة وابحاث جديدة وكلام كتير لازم نتاكد منة
طولت عليكم معلش بس عشان العضوة حسبنت فيا مش فاهمة لية؟؟