كوبونات الراقية تسجيل الدخول

مهى
مهى •
انا محتارة والله بهالأمر !!!

لكن شقتي صغيرة جدا والمطبخ على كبر حمام وبس والغرف المستخدمة هي غرفة العاب الأطفال شريت تلفزيون البارحة بس وحطيته فيها وسهرنا فيها وصارت غرفة جلوس بس بدون كنب لنو مافيش مكان لطقم كنب ( هي غرفة العاب مش جلوس بالأصل ) المهم سهرنا وكان زوجي مستانس انه جالس على الأرض ويقول الجلسة العربية أحسن نقدر نتمدد ويحلو اللعب !!!

والأطفال ناموا بسرعة وبدري حتى واحنا قافلين الباب وبعيدين عن الشغالة .
اشتركت عشان تدعولي
اشتركت عشان تدعولي •
جفا العاطفة جفا العاطفة :
انزين وانا بعد افكر استغني عن الشغالة شورايكم ؟؟؟ انا ساكنة في بيت كبير شوي علي انا وزوجي وبنت عمرها سنتين والشغالة عندها غرفة خارج البيت عند المطبخ هي تشتغل وبعدين تروح برع طول اليوم وانا ادرس ويوم اروح الكلية اخلي بنتي عند امي ..زوجي يومين عندي ويومين في الدوام في منطقة غير ومرات اضطر اروح بيت اهلي يوم هو محد او ييجي حد عندي من اخواني الزبدة اني اكررررررره الشغالات اول ماتزوجت ماكانت عندي شغاله كان زوجي غير وياي يساعدني ويراعيني وماخذين راحتنا نطلع طول اليوم بسسسسس امي تقول مابتقدرين بدون شغالة شو رايكم؟؟؟؟؟؟شوفوا الشغالة ترى ماتطبخ مرات انا اطبخ ومرات نجيب من برع زوجي ماياكل من ايد الشغالات ثيابه مرات يوديهم المغسلة ...احس انها فاضية تعتقدون ظروفي تسمحلي اكون بدونها؟؟
انزين وانا بعد افكر استغني عن الشغالة شورايكم ؟؟؟ انا ساكنة في بيت كبير شوي علي انا وزوجي وبنت...
اختي مها أنا متابعتنج في مواضيعج القديمه والجديده ومعظمها عن الشغالات.

محد عزيزتي مرتاح بس أحس انج واااايد مخسره عمرج بتكاليف الشغالات تسفيرهم واحضار البديل وتعليمهم وغيره. يعني لو حسبتيها بتشوفين نفسج يالسه تشتغلين وتضغطين على نفسج وتتركين عيالج عشان تكاليف الشغاله.

الشي الثاني اختي ولا تزعلين مني أحيانا أحس ان ارضائك صعب جدا وتطلبين درجه كبيره من الكمال في هذي الشغاله مع ان الكمال لله وحده يعني صدقيني لو دخلتي بيوتنا وسمعتي قصص خداماتنا بتسمعين العجب العجاب لكن نصبر على المر علشان اللي أمر عنه.

من وجهة نظري أشوف ان عندج حلين تتركين الشغل وتتفرغين للعيال.
تشوفين دوام ثاني ساعات العمل فيه أقل علشان ما تتركين عيالج في ايد الخدامه فتره طويله في النهار لدرجة انها تصير هي راعية البيت وانتي الضيفه اللي ما تعرفين شو يستوي في غيابج.
وصدقيني سالفة انج تستغنين عنها على طول ويوميا في الحضانه شي واااايد صعب تخيلي لا سمح الله مرض واحد من عيالج بالجديري مثلا وهذا أمر شائع بين الأطفال وين بتودينه؟الحضانه ما بتستقبله وما تقدرين تتركين وظيفتج لمده طويله . الواحد بصراحه لازم يفكر بمنطق ويضع جميع الإحتمالات وصدقيني كفو من البشكاره انها تكون بيبي ستر حتى لوما اشتغلت بشي ثاني لأنها شغله ممله احنا عيالنا وندعي الله يعطينا طاقه عليهم. فاصبري اختي والله يعينج.
مهى
مهى •
مشكورة اختي اشتركت عشان تدعوا لي .
كلامك عين العقل .

ترك الشغل مستحيل لني ماخذة السكن وتعليم الأولاد والتذاكر على حساب شغلي هم بيدفعوا لي .

ثانيا والله ما اطلب الكمال لكن الله قالها بكتابه الشغالة تطول لسانها لما اقول لها تعالي شوي ترد وتقول ................... ما لك عيون ؟؟ ما تشوفيني أرتب الملابس بالخزانة ؟؟؟ وهذا عمل ثانوي وما طلبته منها انا .


يعني بصراحة خلاص أنا ما اقدر اتحمل لكن قولوا لي :

الشغالة تحب تنرفز ست البيت ؟؟؟ وتستانس لما تشوفها منرفزة وما تاكل ومتضايقة وما تلبس كعادتها ؟؟؟؟؟؟؟؟؟؟؟؟؟؟؟

والا تحس فيها وتقول اكيد زعلانة مني ؟؟؟؟؟؟؟؟؟؟؟؟؟؟؟؟؟؟


نفسي وحدة تفهمني شوي عن اسرار الشغالات وخاصة الفلبينيات .