اللي بتعتبر حالها اخلاقها حسنة تدخل تحكيلي انا صح ولا لأ مع حماتي

موضوعي اليوم غير عن اي موضوع
انا من فترة شهر تقريبا قررت ان اكون ذات حسن خلق لمعرفتي بالاحاديث التي تشجع على حسن الخلق . كأن يكون اقرب الناس الى الرسول صلى الله عليه وسلم وايضا فان اجره يعادل او يفوق اجر الصائم القائم واحاديث كثيرة تبين اهمية حسن الخلق
والبنات اللي مابيعرفو بالزبط شو هو حسن الخلق فهو مجموعة صفات مثل العفو عن الناس والكاظمين الغيظ ومقابلة السيئة بالحسنة واشياء كتيرة
طيب شو المشكلة ؟؟؟؟؟
المشكلة ياجماعة انو اكتشفت انو حسن الخلق صعب جدا في هالمجتمع وهالوقت
صعب كتييييييييييييييييييييييير
اللي خلاني اكتب هالموضوع هو عدة مواقف واجهتني من يوم ماقررت اني اكون ذات خلق حسن
انا مرة كتبت هون موضوع خلاف بيني وبين سلفتي وكانت هي مزعلاني وانا في بيتها وحلفت لزوجي اني ماادخل بيتها نهائيا
ولكن فكرت كويس وقلت لازم اكون متسامحة وطيبة وبعد اسبوع رحنا عليهم واخدت هدية معي وسلمت عليها طبعا
وكفرت عن اليمين اللي حلفتو باطعام عشرة مساكين
ونسيت الموضوع نهااااااااااائيا وبنتعامل مع بعض عادي جداااااا
امبارح مثلا صار موقف تاني : اجوا دار حماي عندي اللي هما اهل زوجي (امه وابوه واخته الغير متزوجة ) وناموا عندنا لليوم الثاني وفي المغرب قبل مايروحوا كنت قاعدة على النت بدرس انجليزي
وانا حكيت لنفسي زوجي قاعد معهم وحتى زوجي ماعارض
بعد شوي قام زوجي وحضر فواكه وقدمها لاهله لانو هو من النوع اللي عادي عندو يساعدني
بعدين نادت علي اخت زوجي فلما رحت حكتلي :احنا مش مطولين عندكم كمان شوي راح نروح فتعالي وسيبي الكومبيوتر
طبعا انا من النوع اللي مابرد ابدا لاني بستحي جدااااااااااااا ومابتزكر رديت على اي انسان حتى لو بهدلني . للاسف هاي ترباية امي اللي ربتنا على ضعف الشخصية لانها كانت مسالمة وطيبة ومابترد على اي احد برضو
فقعدت ثواني بس وبعدين رحت لغرفتي وسكرت الباب ونمت على السرير وطولت وانا في الغرفة
اجا زوجي وحكالي تعالي وانا حكيت اني بدي اتمدد شوي وارتاح وكان فاهم اني زعلانة
اخت زوجي لما ما يعجبها اي تصرف في زوجات اخوها لازم تلفت الانتباه ومابتسكت ابداااااااااا
لازم تنبه عشان مانعيدها .وكمان لازم اتنبه امام ازواجنا وعلى فكرة هي كبيرة في العمر ومااتزوجت
بعد شوي نادى علي زوجي قدام اهله
ذهبت الهم وتكلمت ام زوجي على طول وقالت :انت زعلانة ؟؟؟ قلت : لا
حكت : انت زعلانة ومبين عليك ومابيصير تروحي على الكومبيوتراو تروحي تتمددي في غرفتك واحنا موجودين
حكيتلها اني تعبانة شوي ورحت ارتاح حكتلي لا مابيصير
المهم انها حكت كتييييييييير بطريقة هادية ولكن واضح انها زعلاااااااااانة جدا . وزوجي كان معاهم في الرأي رغم انو هو والله داااااااااااايما بيحكيلي انو خدي راحتك واهلي عندنا وروحي نامي
انا طبعا اتأسفات وطيبت خاطرها وبوست ايديها واتأسفت كتييييييييييييييير عشان ماتزعل مني
لكن لما روحوا وفكرت في الموضوع . استغربت انها زعلانة لهذا السبب ومع التفكير اعرفت شو اللي مزعلها ..... اللي مزعلها هو اني ليش ازعل من اخت زوجي اللي هي بنتها
هي مابدها نزعل من بنتها او نرد عليها او اي شي
انا مارديت ولا كلمة كنت متل الخرسة بالزبط
هي مابدها انو احنا مثلا يصير بيننا اي مشكلة وطبعا انا غلطانة (في وجهة نظرهم ) رغم اني مارديت
مش عارفة شو هيصير لو رديت ؟؟؟
خلاصة الموضوع :اني لانو بدي اكون حسنة الخلق فلازم اني اروح ازورهم عادي وانسى الموضوع واخلي اخت زوجي كعادتها تتأمر علينا وانا ساكتة ولكن سلفاتي مابيسكتوا بالعكس بردوا عليها بأدب
انا الوحيدة اللي بنخرس وبسكت كأني طفلة مابفهم
وعشان اكون حسنة الخلق اكثر لازم اروح المرة الجاية واقابل السيئة بالحسنة واخد معاي هدية مثلا
طبعا الموضوع مأثر علي وكنت افكر اني احسس زوجي شوي باني زعلانة ومااروح عندهم الا وانا راضية .(مابعرف كيف ؟ )
الموضوع مش سهل . حاسة اني ضعيفة الشخصية ومتخلفة كمان لاني ماباخد حقي زي هالناس
لا برد على حدا وبقابل السيئة بالحسنة ...كلها اشياء صعبة جدااااااااااااااااااااا
حاسة اني ضعيفة الشخصيةالكل بيهزأ فيني وببهدل فيني وانا سااااااااااااااكتة