انا زيكم
لي سنوات ساكنه الرياض
أهلي الله يخليهم لي
وأهل زوجي بالقصيم
بالبدايه تعبت وتعبت نفسيتي رغم انا الي شجعته نجلس بالرياضولا نرجع لان دوامه بالقصيم طلبوه اكثر من مره وكنت أقنعه نجلس وهو اصلا حاب الفكره ومرتاح ورفض الرجعه
بس كنت يوم الخميس أنواع الصياح وضيقة الصدر
أتذكر جمعة عماتي وفرحتنا لجو في بيت أبوي وهو المسكين بلشان فيني
صار يطلع يمشيني لين أسلى تخيلوا كنت أدق عليهم بس عشان اسمع سجتهم وسواليفهم أحس كأني معهم
بعدها تعودت على البعد
لكن الحسنهالوحيده من بعدنا
أرتحنا نفسيا عرفنا وفهمنا بعضنا أكثر
وأبعدنا عن المشاكل
وأستقرت حياتي أكثر حسيت توني متزوجه
وصارت علاقتنا مبنيه على الصراحه
عكس قبل كان فيه نوع من المجامله
وكل واحد محتاج للثاني لدرجة صرت أشاركه حتى في دوامه يسمع رأي حتى لو مانفذه وأخذ برأيه
كونت علاقات مع الجيران وصرت أشيل دوريه معهم حسيت بالمسؤليه
صار لي رأي واثقه من نفسي
دخلتي مع عمتي وبنات عماتي بدوريه كل خميس ، أعطتني حب التجديد والتمتع بالمسؤليه بعد ماكنت الفتاة الخجوله الهاديه،
لكن مو دايم
لأني حددت خميس انا وزوجي نطلع اي مكان وخميس مع عمتي وخميس مع خالتي
يعني ماحرمت زوجي ولا حرمت نفسي من أهل
أمي وأبوي
بس أوقات أتمنى أكون قريبه من أمي و أبوي
خاصه أذا كنت تعبانه احس أحتاجهم أكثر من زوجي
مدري وش أقولكم عن البعد هو
راحه وبنفس الوقت فقدان
بس تدرون أذا رحنا للقصيم وجلسنا أسبوع نطفش نشتاق للرياض وبيتنا ودنا نرجع بسرعه
ام قصورة
•
الصفحة الأخيرة
احس ان كذا افضل بلا مشاكل وعزايم و زيارات مالها داعي
بس مع كذا مشتااااقه لامي وجمعت خواتي
سبحان الله وبحمده سبحان ربي العظيم