حسبي الله ونعم الوكيل

يوه بكيت لين اوجعنى راسى لا وبعد انهرت اول مره يصير فينى كذا جلسوا عيالى ياحياتى يبكون مثلى مايدرون وش السالفه

كلمت زوجى وهو برا وجا يهدى فينى والله يابنات طعم الظلم والقهر مر علقم احس انى بغيت اطلع من هدومى
لا تقولون قل ايمان لا والله انى كنت اهدى البنات لما طلعت الاسماء فى الدفعه الاولى بس خلاص احساسك انو ماكول حقك

احساس الغبن والقهر وانتى تشوفين اقل منك مستوى دراسى ولا بعد من نفس العايله وصديقاتهم تعرفين ان الموضوع واسطه وبس حسبى الله ونعم الوكيل

حسبناالله سيؤتينا الله من فضله
إنا إلى الله راغبون

حسبي الله ونعم الوكيل

الهمّ ضيّق خاطري ولآ جدآي الآ الغنآ
حتى ـآ الغنآ لك الله انه يزيد ضيقي والحزن..

واللّي تعنآ واجتهد يبغا الجنا وين الجنآ؟؟
خمسة غروس اسقيتها بيدي ولكن ما أثمرن..!!

ما أغير اناظرهآ عسى تثمر وتجلب لي الهنآ
تعبت عيوني وابطت غروسي وانآ بشكي لمن ؟

يآموطني يالموطن اللي مآعرف مجدك فنآ
خيرك وصل اقصى البلاد العالميه والمدن..

يآموطني أنآ هنآ أنآهنآآ أنآ هنآآآ..}
لدك لمآ بعد الحظن ينسيك من وسط الحظن.. ؟!

يآموطني ظلّم علي الوقت .. وأتحرّا السنآ
ويزيد في عمري زمن ويروح من عمري زمن..

ابغى ـآ ارضي الشيبآن وارضي خاطري بشوف الظنآ
لكن مآبه حيلةٍ في اليد ... يآشين الغبن..

طقيت بآب الرزق لكن مآفتح والله لنآ..
كنه يقول : السير يآفهمآن لآزم يندهن..!!

طقيت باب الرزق لكن مافتح والله لنا
كنه يقول : افلح وجب لك واسطه ولا استكن..!!

قلت أشهد إن لي وآسطه والوآسطه يآبو جنآ
حب الوطن والروح في حب الوطن تدفع ثمن..

افديه وآقف درع قدآم الهنآدي والقنآ
ولو تركني فالمحن ؟ فلآ تركته فالمحن..

فقير مآشفت الغنآ ولآاني من عيال الغنآ
لكن اذـآ صاح الوطن ؟ اتسلف ريآل الكفن..

أثور من دونه وانآ سعودي وانا طيّب جنآ
مايشكك في ولائي فالسريره والعلن..

يآموطني .. هذا عتاب أحبآب .. جعل اللي شنا ؟
يلقى البليه والمصيبه والمهونه والوهن..

خمس اسنواتٍ عشتهآ عآطل ولآ هو بس أنآ
كم فيه من عآطل بوسط الوقت همّش واندفن..

نلت الشهآده والفرح برقه سبق رعد العنآ
هذي الشهآده يآوطن وين الوظيفه يآآآآآوطن .....؟؟