اي والله يا بنات الظاهر ان في ناس وايد يعانون الله يوسع علينا كلنا دنيا واخره قولو اميين بس اكيد في ناس ساكنين في دور واحد ومرتاحين يالله وينكم نبي نسمع تجاربكم

يا اختي انا شقه مو دور
غرفه نوم لي ومعي عيالي ولدين 5-4 سنوات
وغرفه حريم مسكره محد يجيني الا بالسنه حسنه على قولهم
ومجلس رجال
وغرفه معيشة فيها تلفزيوننا وكمبيوتر عيالي الصغار وناكل ونشرب فيها
ومطبخ
وحمامين
مافي صاله كلها موزع
والحمد لله على كل حال مرتاحه فيها بس لو فيه غرفه لعيالي ياسلااام

حبيبتي انا كنت نفس حالتك في شقه صغيره وبناتي الثنتين ينامو معي ولما سكنا البيت كانو كبرو 10 و12 سنه بس الله رحمنا بهالبيت والحمد لله على كل حال

زهره عمري اذا مجلس الحريم مقفل اقترح عليك خليها غرفه اولاد واذا جوك حريم خليهم بمجلس الرجال
الحين حتى بالفلل استغنوا عن مجالس الحريم صاروا يدخلونهم مجالس الرجال ماعاد فيه عزايم رجال وحريم مع بعض زي اول
وسعي على نفسك وعلى عيالك

بالنسبه لي عندي ولد واحد صغيرون ساكنه في دور مجلس الرجال والمقلط وحمامهم ماقد جيتهم احس مو من البيت ما يجينا رجال
والصاله كبيره بس مانجلس فيها صايره ممر
غرفه المعيشه كارفينها كرف فيها التلفزيون والكمبيوتر والالعاب وناكل ونشرب فيها يعني الكل بالكل
طبعا فيه مطبخ وحمام وغرفه نوم

والاجار غالي وعلينا ديون

اصريت على زوجي وشوله المظاهر بالله من يجينا لي سنه ساكنه ما دخل عليك رجال الا اول ما سكنا
وانا مو ساكنه في ديرتي يعني مالي صديقات

لقينا شقه صغنونه وبننقل لها ان شا الله ما نحس بالضيق ونتقبل الامر لحد ماتتحسن احوالنا

والله يا حبيبتي انا المجلس عندي صغير 4 في 4 وما انفتح الا مرتين او ثلاث والمفروض نستفيد منه بدل ما هو مركون وبلا زيارات بلا بطيخ وساعات افكر اسويه حجرة نوم واخلص ها اشرايكم