شكرا لكم

بالنسبه للموكيت..

ما تكبين الماء كب..لا. جيبي طشت..وحطي شامبو سجاد..مع كلوريكس ملون..وشوي كومفرت.وزيديه ماء..

ثم بالفرشه الخشنة..غطيها و انفظيها(هزيها) عشان ينزل الماء الزايد..بس لا تنفظينها واجد..ثم افركي الموكيت فيها.. ومو لازم تهويه عشان تنشف ولا مروحه.. سويها بالليل قبل تنامين.. وبتقومين الصبح بتلقينه ان شاء الله ناشف ونظيف..

حق السؤال الاول دايما بالمكنسه ومره بالشهر ماي وشامبو خفيف وتغطسها لين خف الماي عقب انظف السجاده ويكون عقب امسحها بفوطه نظيفه ...

والثلاجه انا بعد كبيره عندي قد ماقدر اخذ المساحه حقت الحمام وانتوا بكرامه والف عليها الفوطه ....

انا نفس مشكلتك مع الموكيت

الدواليب انا زيك نازلة عالارض واخذت سليكون الابيض الغراء وحطيته على كل الاطراف صرت اغسل الارض وانا ضامنة ماراح يدخل تحته باذن الله
والثلاجة والفرن كبي تحتها موية حارة كم مرة بس سمي الله اول وكبيها بقووة لين تحسين الاوساخ كلها طلعت بعدين كبي آخر مرة مويه عادية مع مطهر او كلور