هلا أخيتي ..
خذي معك مصحف آخر لعل احدى الأخوات معك في الحملة تحتاجه لنسيان مصحفها أو لأي سبب آخر فتطلب مصحفاً فتجده عندك وتكسبين آجر قراءاتها فيه ..
لاتنسين معاليق للملابس!
عدة أكياس للملابس الغير نظيفة وحبذا يكون معك حقيبة إضافيه لوضعها فيها !
أيضًا حقيبة آخرى صغيره تكون معك عند الذهاب لعرفة أو مزدلفة وتكون بها أغراضك ..
الله ييسر حجتك ويتقبل منك يارب ..

اول شي جيبي ورقة وقلم واكتبي الاغراض اللي راح تحطينها بالشنطة الكبيرة مو شنطة اليد
- اذا كنتي من النوع اللي متعودة دايم ع التنورة والبلوزة يعني ماتحبين القمصان خذي لك 3 تنانير افضل شي تكون سوداء عشان اذا ارتفعت عبايتك ماتوضح ..
- البلايز خذيها ربيعية وخذي معك بلوفرين احتياط لو صار برد تلبسينه لانو يصير برد في مزدلفة وخذي معك هاينك بعد احتياط البلايز يكفيك 4 -5 ..
- خذي قميص احتياط يمكن ماترتاحين بالتنورة <<ماتلاحظون كل شي احتياط ؟؟؟
- بنطلون شتوي ويكون طويل
- 3 بناطيل قصيرة فوق الركبة يعني او تحتها شوي اهم شي يكون قطني عشان يصير مريح هذا مهم تلبسينه اذا كنتوا بتمشون عشان المشي الكثير يسبب احتكاك ثممم تبلشين ماعاد تقدرين تمشين
- فرشاة ومعجون .
-عباية احتياط والله اختي يوم راحت تحج حاطة لها امي عباية كذا احتياط ويوم راحت كانت تمشي جمب مروحة ولعبت في العباية لععععب تشققت قالت الحمد لله انو معي ثانية وطرحة بعد لازم
- كوتش مريح طبعا غير اللي بتلبسينه حطيه بكيس عشان مايوصخ الملابس وشبشب وانتم بكرامة لدورات المياه .
- اكياس بلاستيك للحاجة .
- فوط للاستحمام ولوكانت الفوطة كبيرة تكفي عن الروب حلو .
- فوط صحية احتياطا حتى لو ماحولك شي تخبرونها تحب تميلح اذا صار فيه شي مهم ولاتنسون الحبوب للي موعد دورتها قريب الدكتورة تقول خذيها قبل موعدها ب5 ايام .
- شرابات واذا تعرفون هذيك الشرابات اللي بلاستيك من تحت حلوة للطواف والسعي .
- فازلين هذا سلمكم الله اذا تعبتي من المشي وجيتي تنومين حطي منه على رجولك وتطيب ان شاء الله تراه مهم لاتنسونه
- فكس هذا حق الزكمة عشان اذا عورك حلقك حطيه عليه وتطيبين ان شاء الله <<حسيتني عجوووووووز
- لزق جروح للحاجة .
- شامبو شعر وصابونة جسم اهم شي غير معطر
- مزيل عرق ماتكون ريحته قوية لاني قد سمعت الشيخ يقول عادي تستخدمين مزيل العرق .
- ولاتنسين الاكل اللي يصلح للشنطة والعصيرات ترى بتمر اوقات عصييييييييبة <<استهبل بس احتياط
- فراش ثقيل شوي يشبه للبطانية واذا ممكن مخدة بعد
هذا اللي يحظرني للشنطة الكبيرة
نجي للشنطة الصغيرة
- شاحن للجوال
-مصحف صغير.
- مناديل ديتول.
- كتاب عن مناسك الحج لابن باز او ابن عثيمين يعني المشايخ الكبار.
-مقص اظافر عشان اذا تحللتي من الاحرام تستخدمينه
- مقص شعر عشان تقصين شعرك اذا جيتي تتحللين ترا كثير ينسونه
- بنادول للحاجة
- سجادة صغيرة حقت الجيب
- فرشاة شعر ومشط وبنس وربطات .
- كريم لليدين
- خذي شوي من اللزق <<ملزمة
- مناديل عادية .
- شوية حلاو للحاجة يمكن الله يستر ينخفض سكرك والا احد يحتاجها
- نظارة شمسية مهمة عشان الشمس والا اذا تحللتي ولبستي النقاب البسيها عليه عشان تشوفين زين ولا تطلع عيونك

اول مرة احج الله يتممها على خير
بس هذا من تجارب امي واخواتي


الله ييسرها ويتممها على خير

شكرا الله لكم
والله أعجز عن الشكر
جزاكم الله خيرا
أن شاء الله ماننساكم في الدعاء

عاد لاتنسون نفسكم يوم العيد خذوا شوية ميك اب ولبس حلو
بس لا تطلعون وانتم كاشخين تراني بريييييييييييييئة خخخخخخخخ