اخباركم مع الاجازه والزيادات المجانيه من الشحوم هههههه لاتكثرون الحلا ترى جاي العيد
المهم
السنه اللي راحت دلتني وحده الله يدلها على كل خير مجمع اسمه الهرم وقالت لي عندهم بجايم روعه واسعارها حلوه
عاد انا طقيت عباتي و اشتريت منه وخلصنا
ورحت افرفر عند ملابس الاطفال وشفت طقم بناتي حلو اخذته من باب انه غيار مو لبس للعيد >>>>لاحظو اني مااعترفت فيه لبس للعيد
بالرغم انه مره حلو ونعوم:angry2:
عاد يوم جمعتنا للعيد ثالث يوم قابلت وحده من قريباتي توها راجعه من امريكا واشترت لبس العيد من الخارج
واشووووف اللبس اللي على بنتها
>>>نفسس لبس بنتي اللي من الهرم
وقمت اتحرمص وقلت لها من وين لبسها وبكم
قالت من محل عجزت احفظ اسمه من امريكا المهم وطلع ب400 ريال
وانا شاريته ب35 تخيلو بس الفرق:angry2:
ومره اشتريت لبنتي بنطلون من لبسي ماركه بعشره ريال وربي كل من شافه يحسبه من زارا
واختي شرت تنوره من ديسجوال ب450 ولقيتها بمحل اسمه السعر المنافس ب30 ريال بغت تنجلط
وعاد قلت اوريكم هذه السنه ماراح اشتري منكم يالماركات
والحين ياحلواات تجاركم مغ الغش وياليت تحطون اسامي محلات حلوه نستفيد منها
الله يبلغنا واياكم رمضان ويجعلنا من اهل القيام والصيام
وكل سنه وانتم بخير قبل الزحمه
بالنسبه للي اعرفه وجربته ملابسه حلوا
الهرم >>>احيان مايجيب حلو
السعر المنافس مره رووووعه
لبسي ماركه يمدحونه مره
توب تن وتاج توج الجنزات عنده ماتفرق عن الغاليه بس زودي عليها شوية شغل ولمسات من يدك
وياليت اذا ذكرتو اسم المحل تقولون باي مدينه ليسهل على بعض الاخوات معرفته
الدال على الخير كفاعله
وبانتظار تجاركم ولا تنسون دعواتكم لي بالعافيه :(
ا
هي اساسا ملابس الماركات لكن الفائض يبيعونها على محلات ارخص
ورهيييبة البنطلون على 15 ريال والبلايز فيه ب10 و15 و20