اللي بيضت رقبتها او سيقانها تدخل الله يعطيها العافيهـ ..

السلام عليكمـ ..

حبيباتي بنات حواء .. كيفكم ؟؟ ان شاء الله تكونون كلكم بخير ..


بصراحة عندي كم مشكلة ومعقدتني ومضايقتني مررررررهـ .. وهي سواد الرقبة واسفل الوجه ( الذقن ) .. بصراحة مرهـ تعبانه منها ومافي شي فاد معها .. حتى كريم الاساس مايفيد اذا حطيته يصير رمادي ويفشل .. وربي مافي شي مكرهني بالعزايم الا هالمشكلهـ ..


وثاني شي ساقي مادري كيف اوصفه لكم .. بس الجهه الداخلية اقصد اللي خلف الركبة والجهه الخارجية << اللي جهه الارض لما اتربع << ان شاء الله فهمتوني .. انا اتوقع من جلستي خاصة اني اتربع كثير بس لي فترهـ صايره انتبه مااتربع واضغط عليها عشان ماتسمر اكثر ..
بس هالجهتين اسمر من الباقي .. مع اني اصنفرها باستمرار جلست فترهـ ع السكر وزيت الزيتون .. واستعملت خلطة الازمات فترهـ وخفت منها وتركتها .. وجلست فترهـ ادهنها كل يوم بجليسوليد وليمون ونشا والفها بنايلون ولا تغير شي :44: .. ولي الحين فوق الاسبوعين ادهن جسمي بكريم 21 وكل يومين اغسل جسمي وافركه بملح الحليب واحيان بملح البابايا او الملح العادي .. ومو ملاحظة غير نعومه مو اكثر .. سواء بجسمي عموما او سيقاني .. :(:(

والمشكلة ان حفلة تخرجي بعد شهرين وفستاني فصير بس مررهـ سيقاني ماتشجع لا هي ولا رجلي ..

افكر اجرب الكركم وموية الورد والحنا لها .. بس ابغى اللي جربتها تعطيني رايها واذا عندها خلطة ثانية نفعت معها تعطيني هي .. ورقبتي بعد ابي خلطة تفتحها .. وابغى اسأل عن الطحينه السايلة للرقبة والوجه عموما .. انا جربتها فتره وبيضت وجهي درجة او درجتين بس تركتها ورجعت سمرت خاصة اني اهملت نفسي بعدها .. بس مادري تنفع للرقبة ولا ؟؟


الله يخليكمـ ساعدوني ولاتخذلوني وربي نفسيتي زفت .. صح في اشياء ثانية يبي لها تفتيح بس الحين اهم شي عندي رقبتي وسيقاني وبعدها بهتم بالباقي ..

والله يجزاكم خير ويعطيكم العافية مقدما ..