اللي تأمينها الطبي عند ميدغلف الفئة B بليز تدخل ضرووري

أخواتي الله يسعدكم عندي كذا استفسار عن تأمين شركة ميد غلف يا ليت أحد يساعدني بها لأني حاسة انه جالس ينضحك علي :06:

ألحين انا من كم شهر أعطوني في شغلي بطاقة التأمين ميد غلف الفئة B
و انا اول مره بصراحة أتعامل مع بطاقات التأمين هذي :32: و لا اعرف لها خير شر
بس اللي عرفته من البنات اللي معاي بالدوام قالوا انك من خلالها ما تدفعين غير 20 % من قيمة الكشف و العلاج بالمستشفيات اللي حددوها
و يشمل الاسنان لين 2000 ريال << ما فهمتها هذي بس قلت مو مشكلة
و بما إن هالاسنان مخسرتني من يوم يومي اللي وراي و اللي قدامي قلت خليني أريح أبوي شوي من مصاريفي
و رحت لواحد من المستوصفات الخاصة اللي حددوها للاسنان و قدمت البطاقة و للحين عملت عندهم زيارتين حفر و حشو و تنضيف خراج و أشعة ما دفعت فيها و لا ريال !!
حتى العلاج صرفته ببلاش :32:

بس اللي مو فاهمته اني يوم سألت الآنسة اللي بالكاونتر تحت أول ما قدمت لها البطاقة قلت كيف نظامها عندكم ..
قالت بس تدفعين 20% من قيمة الكشف و العلاج و يشمل كل شي ما عدا التقويم و التنظيف و التبييض .
قلت تمام التمام اصلا هالشغلات ما احتاج لها ابد .

بس يوم طلعت عند الدكتور و قلت له نفس السؤال ..
قال لي نظام هالتأمين انك يوم تخلعين ضرس تدفعين 30 ريال ( رغم ان الخلع عندهم بـ 70 ريال بس )
و يوم تنظفين و تحشين تدفعين 30 ريال برضو
و يوم تسحبين عصب تدفعين 120 ريال !!!!
قلت و تلبيس الاسنان و عمل الجسر قال ما يشمله التأمين و التلبيس للضرس الواحد قيمته 600 ريال
يعني يبغى يفهمني ان التأمين بس يشمل الخلع و التنظيف العادي للضرس مع الحشو و سحب العصب !!! رغم ان اللي قريته في النت و كلام البنات يقول غير كذا !!
يا بنات هل كلامه صحيح و الا قاعد يخرط علي يوم شافني مو فاهمة شي ؟
مع العلم اني يوم اجي استفسر عن اسعارهم من الكاونتر اللي تحت ما ترضى تعطيني الاسعار و تقول الاسعار يحددها لك الدكتور حسب الحالة مو من عندنا !!


بليز فهموني الوضع ما احب احس ان احد جالس يستغفلني :06::06: