أنا أييد أختي لمسات بكل اللي كتبته، في النهاية شغل البيت وخصوصاً التنظيف ماراح يخلص، يعني ما فيه مجال يخلص تنظيف البيت من الغبار ، هذا أقل شيء، بس أنا ضد أن الشغالة تطبخ أو تراقبني حتى وأنا أطبخ، الطبخ فيه شيء نفسي حلو تقدمينه للي تطبخين له ، فكيف أخلي شغالة مش ثقة تقدمه للناس المهمين بحياتي (الزوج والأولاد)، بس التنظيف والتلميع وغسيل الصحون وتكرمون غسيل دورات المياه.... الخ هذا شغل مهم ويومي ولايمكن يخلص مدى الحياة عشان كذا مهم يكون فيه شغالة تسويه، لأن بصراحة مأخذ على المرأه أنها تقصر بتنظيف البيت، وبعدين حرام ماأتفرغ لنفسي شوي (روحة لكوافيره أو برنامج حلو أتابعه أو علاقاتي الاجتماعية أو رياضة) .....
طبعاً هذا لغير الموظفات أما الموظفه فاعذروني خواتي أنا ما أصدق اللي تقول أنا موظفه وأم وبيتي نظيف وأطبخ وأهتم بشكلي ....
أعتقد لازم يكون فيه تقصير بأحد الجوانب لأنها بشر ....
وإذا كان صحيح فيه حريم موظفات بهالطريقه -ماشاء الله عليهم- فأنا أظن أن نفسيتها مرهقه ومجهده وعصبيه على الأقل.

اذا البيت كبير تحتاجين شغالة واذا شقة ما يحتاج ابد وحتى لو عندك 2 مالها لزوم الشغالة والبيت شقة

يوم انا حامل بولدي ما انضف البيت الا تضفيف على قولتهم وبا الاسبوع تعاقدت مع وحدة فلبينية تسوي كل شي وتروح باليل وش نسوي الحمل تعب وانا بيتي كان دور

حبيبتي انا زيك صار لي 7 شهور تقريبا متزوجة
وحامل واول حملي تعبت مرة مااقدر اتحرك بس كنت عند اهلي لاني مااقدر اجلس ببيتي..
صح بيتي توسخ وانعفس
وزوجي مرة جاب معه عامل التنظيف حق الشركة ههههه والله تنظيفه شي ودي كل يوم يجي ينظف بس صعبة اذا كنت بالبيت..
ومرات اخذ شغالة اهلي..
الحين تقدم الحمل وثقلت صرت على خفيف اشتغل واجيب الشغالة تكمل الباقي..
ولو اهلي ماعندهم شغالة او مو عندي زوجي يقول نجيب الي بالساعات بس مشكلتي ماواطن الشغالات ولا التعامل معهن..:(
اقول مابي اجلس اقابلها واعلمها ولو جبتها بجيب امي معها تقابلها...
وعشان يتركني مايغصبني اجيب اقول ترا لو لزمت اجيب الي بالساعات يمكن تعجبني واقول لك ابي استقدم شغالة ويسكت هههه

لاني مااتخيل وجود انسانة غريبة ببيتي خصوصا اني توي متزوجة يكفي انه بيجي بيبي يحد من حريتي شوي بالبيت
شلون عاد شغالة..!!

انتي مثل اختي ماتحب شغلهن ودبرتهن خخخخ
استخيري ومادام ماعندك شغل ودوام ان شاء الله مو محتاجاتها
وخليها لاكبرتي بعدين
الحين ماتقدرين تاخذين راحتك في اللبس ولاشي
ولازم وراها ورااها الواحد يشتغل بدالها احسن
كملي مطبخك بااجهزه نشاف وغساله مواعين واتوماتيك وان شاء الله راح تستغنين عنها
ونظمي وقتك
طيب جيبها مثلن مره بالاسبوع اجار او مثل طريقتك قبل وقت محدد باليوم

والله يسهل عليك

انا ضد الشغالات

والحمد لله قايمه ببيتي وبزوجي وبنتي

واذ احتديت جبت شغالة اهلي وكافئتها

لاني ماحبها تكون بنفس البيت

احسها تضايقني وبس مراقبه وين نروح وين نجي

والحمدلله ماشيه امور كثير عندهم عيال وماعندهم شغاله ..


ولاتنسي وصية الرسول صلى الله عليه وسلم لابنته فاطمه