انا اربط بالغتره في الأول روعه ستين يوم تميت بيت أهلي والثاني والثالث ربطت بس مااربط بقوه طلعت كرشه اصغيره شوي بس اعتبر مقبوله انا اختي عندها 6 عيال ما لها بطن لاصق وكانت تربط بالغتره بس هي ضعيفه

جزاكم الله خير على هذا الموضوع القيم
انا بكرية ولا ادري وش الطبخة ياليت احد يشرح لنا طريقة الشماغ
وزوجي من الحين يقول لي شووفي حل للكرش وش اسوي الله يعين
وكريم رووك يبيض ولا لا بعدين عادي اروح اطلب من الصيدلية كريم روك لاني اذكر انه روك انواع اي نوع اطلب

بنات طيب انا لي بطن من اول من قبل الحمل

والحين انا حامل اول حمل لي

تتوقعون اذا ولدت باالسلامه وربطت بطني تروح الكرشه اللي قبل الحمل..؟؟

بنات انا سمعت من معالجه شعبيه ان ربط البطن مباشره بعد الولاده يسبب نزول الارحاااااااام
ترى الرحم ما يكون في مكانه الطبيعي ..
انااااااااا ضد الربط .
وبالنسبه للكرش على حسب الجسم في ناس عندهم 3 و 4 اطفال ولالهم بطن وفيه حريم من اول طفل لها بطن ..
مسأله طبيعه الجسم .

انا ضد ربط البطن تماما , بقول لكم قصتي او خبرتي على قولتكم انا الحمدلله لي 3 يهال من اول ولادة امي مسكينة مثل ما تعودت واسمعت ان ربط البطن ضروري للوالدة لكن ما تدري انها ضرتني بهالشي وكانت تشد علي علشان اربط بطني وتخانقني اذا لقتني فاكته لكن بعد فترة ولاني عنيدة ماربطته كل الاربعين لاني ما تحملته وكنت ديما احس بألم في السرة خاصة عند الربط والكل يقولي عادي المهم في الحمال الثاني سرتي برزت حيل من اول الحمل وعقب الحمل قالولي ربطي وربطت بكورسيه كم يوم وشلته لاني ما تحملت بعد وحملت عقب بسنتين ولمن راجعت قالتلي الدكتورة انتي تدرين ان عدج فتق في البطن كله !!!!!!! قلت لها لا مادري !! قالتلي انتي تشيلين ثقل والا تلعبين رياضة عنيفة قلتلها لا قالت لي ربطتي بطنج بعد ولاداتج قلت لها اي بس عرفت السبب لانه سبب لي ارتخاء ومع كثرته شد وتمزق بعضلات البطن الداخلية وسببت الفتق من اول البطن الى اخره الله يكافيكم الشر والحين بحملي هذا قاعدة اتعذب مليون مرة ما اقدر اتحرك وكل بطني يعورني وخاصة صوب السرة وحوالينها
ونسيت اقولكم ان بعد ما طلعت من نفاسي بولادتي الاولى ولمن كنت اربطكنت احس كأن شي بينزل مني وفعلا لمن راجعت لقيت الرحم نازل عندي حيل لدرجة انه ظهر جزء من للخارج وفي ولادتي الثانية رفعته الدكتورة بجراحة وهذا من اسباب الربط ( على فكرة انا كنت اربط بكورسيه مو مشد ولا شماغ وهذا اللي صار عيل اللي يربط في هذوله الله يعينه ) وهلا هلا بنفسكم وديرو بالكم تصدقون كلام اللي تقول ربطت وراحت الكرشة لانه يعتمد على نوع الجسم وعضلاته والله يريح بالكم جميعا ويهون على كل حامل يارب