اللي تابعت قصة ام محمد مع داوود الشريان تدخل..للنقاش..

السلام عليكم ورحمة الله وبركاته...



أكيد الكل تابع قصة أم محمد اللي راح ولدها مسفر للجهاد في سوريا ... وماقصر داوود الشريان تابع معاها القضية حتى رجع ولدها ... الله يخليه لها ولايحرم أم من ولدها ياكريم..


أنا تأثرت من قصة أم محمد من أول ماكلمت داوود الشريان ... كانت متأثره جدا جدا ولا الومها ولام الله من لامها... كانت تعبانه وتقول ما أنام وأكل ما آكل وأكيد هذا حال كل ام راح ولدها للجهاد..أسأل الله أن يردهم لهم عاجل غير آجل..


أنا اللي قاهرني في الموضوع سخرية العريفي من إتصال ام محمد ويقول يعصرون دموع ومدري ايش ...طيب الحين اكتشف انها صادقه وش استفاد ... ليته سكت كنت احبه واحترمه الحين طاح من عيني .. صار يتهزى بالناس وهذي ماهي من عادات المشايخ...وام محمد قالت بالحرف انا قصتي حقيقيه وكانه يبي يعرفها يجي بيتي...وهو مافتح فمه ...لاني اتوقع ماله وجه ولاعاد له وجه .. اتمنى يبرر فعلته هذي ولا اتوقع بيطيح من عيون الناس مثل ماطاح من عيني...


انا تأثرت جدا وتعاطفت مع أم محمد وهذا اللي خلاني اقول هالكلام ... لان فعلا مايحس بالنار الا رجل واطيها... وهم مرتاحين مع اولادهم بس يحرضون في خلق الله جاهدوا جاهدوا .. وهذي النهايه يستهزء بأم راح ولدها ويقول القصه مفبركه ويتعصرون الدموع...


اتمنى التفاعل بدون سب الموضوع للنقاش ماهو للسب والشتم...