اللي تبغى الخير ..تدخل وتشارك ولو بدعوة لجارتي ...!!

السلام عليكم ورحمة الله وبركاته

وبعد


بنات حواء فكرت كثير قبل لا أكتب هالموضوع فكرت بحلول تخلص جارتي المسكينة من مشكلتها


لكن بدون ما ألاقي حل



جارتي متزوجه من زوج مريض معدم سفيه ما يقدر الأبوه ولا الزواج ...عائل مستكبر ...


ما يحسن التصرف وما يقدر يرتب أولوياته .....لو أحد تصدق عليه شرى أغلى جوال ونام بدون عشاء


هو مو مهم مهم الأطفال الصغار اللي تحت إيدينه

والأم المسكينة اللي مو عارفه كيف تصرف على عيالها وكيف توفر لهم أهم متطلبات الحياة

تخرب أهم الأجهزة عندهم غسالة أو ثلاجة ويجلسون بالسنوات بدونها ...


الأم مو موظفة ولا في أيدها غير الدموع على حالتهم السئية

الفقرر مو عيب ......لكن العيب أنه يكون بسبب السفه ...


أخذ ديون وأقصاد وراتبه يتوقف بالشهور ..


وغير كذا دخل بنته مدرسه أهليه ..ولما جات الأم تخرجها وتنقلها مدرسة حكومية رفضت المدرسة تعطيها

الملف إلا لما تسدد المبلغ المطلوب

وببتها في الإبتدائية ضاعت .....وربي ضاعت ..في دراستها ...المدرسة الحكومية ما تقبلها إلا بملف ..

والأهليه ما تعطي الملف بدون ما يدفع المبلغ


عجزت ....وبكيت على حال هالأم اللي حتى الدمعه تحاول تخفيها .....


ما عدت أطيق ..وربي أبكي من همها وحزنها ......هي بداية الثلاثين وكأنها ...أكبر من عمرها ؟؟


أهلها في مدينة ثانية ...مو ذاك الظروف ,,,,وما يهتمون ببعض كل واحد نفسي نفسي


وهي عزيزة نفس ...تموت من البكاء لو أحد مد عليها ريال


بإيش أقدر أساعدها ...وش بيدي ....إلا الدعاء لها


والله لو أقدر ما أقصر ....لكن من وين ....


ويا أخواتي كل وحدة تتخيل هالبنت بنتها ....و

تدعي لها من قلبها ربي يصبرها ويفرج همها ..ويصلح زوجها ويشفيه



والله لا يوريكم اللي شافته


والسلام