اللي تبغى كوافير رجالي يضبطها ..... تدخل هنا

السلام عليكم ورحمة الله وبركاته ......
كيف حالكم جميـــــعا .......

أنا متأكده أنكم داخلين الموضوع وكل وحده عيونها طااااااايره وفاتحتن فمهاا

بس لا تستغربون الموضوع حقيقي وجدّي

وهذا اللي صااار معي . . . . . .
هذا الله يسلمكم لقيت ذاك اليوم كرت مكتوب عليه كوافير نسائي .. قص ميش فرد مكياج ....ألخ

انااااا طارت بوهتي على كلمة (( كوافير نسائي )) معقووووله ؟؟؟؟ وهنا في الرياض

قلت مابدهاااااش بروح ادق واتأكد
رحت دقيت على الرقم ورد على رجال سألته أنا قلت هذا مشغل (لان بعض المشاغل النسائيه يردون رجال )
الرجال رد علي وبيني وبينكم والله ما فهمت ولا كلمة (علشانه مغربي طالع كنه يحكي فرنسي )
المهم مشيت معه حبه حبه وقالي هذا الكرت لي..... قلت طيب فيه حرمه تشتغل قالي ايه فيه واحده تقص لكن اذا بغيتي مكياج وحواجب انا ازينه

قلت انا يعني ممكن تجي للبيت ؟؟؟؟........... قال هو اذا حبيتي تجيني او انا ممكن اجي عندكم
...قلت تجي عندي في البيت (مااااش ما صدقت ) قالي اييييه

وبسسسس هذي السالفه سكرت منه وانا وجهي مثل وجيهكم يوم قريتوا العنوان....

تتوقعون هذا الرجال لو انه متأكد ان مافيه احد بيعطيه وجه او يستقبله ...... تتوقعون بيوزع كروته؟؟؟
بتقولون لي هذا بيرووووج لنفسه

اقولكم لاااااا فيه بنات يجيبون رجال مخصوص علشان يزينونهم بالذات ليله زواجهم
لدرجة انهم يطلبونهم من لبنان...... وهذا سمعته عن كم وحده جابت كوافير لبناني يوم عرسها
لدرجة ان وحده منهم قالت لو يدري رجلي ان اللي مزيني رجال .... كان طلقني !!!!!!
وانا اقول والله ليته داري عنها .....

ما تلاحظون ان البنات في تدهووور " طبعا مو كلهم بس من وجهة نظري أغلبهم "
والمشكلة انهم يحسبون هذا تطور..... واللي ما تسوي كذا ولا تتماشى مع الفساد المنتشر " الله يكفينا شره " يقولون عنها قرويه
لا حول ولا قوة الا بالله
الله يهدينا ويهديهم --------->>>>> كني قلبتها محاظره !!!!

المهم تعليقاتكم يا حبايبي :26: :26: