والله انا مو متحيزه له

بس شفت وصفاته كم هي رائعه اولا وصفة تكيس المبايض كلها من الطبيعه

وصفه ازاله الكرسترول عباره عن بقدونس ونعناع وفص ثوم وايش فيها خطير

الوصفه حقت البشره مرا رائعه

والله وصفاته رهبيه الله يجعلها في موازين اعماله انا متحيزه للحق

يا الله ارحمنا جميعا..
يا بنات والله خوفتوني.. بس الصدق انكم وعيتوني..
عارفين.. كنت مواعدة كل صاحباتي يوم الأربعاء القادم أقول لهم عن وصفات هذا الدكتور المعجزة (في نظري)
واللي كنت أحسب اني لقيت عنده ضالتنا في تصفية البشرة والتنحيف وعلاج بعض الأمراض المستعصية ..
باعتبار انهم يقولون انه دارس الطب النبوي ومثل ما تاقوللي عنه أختي واضح انه واثق من نفسه لدرجة كبيرة..
بصراحة أنا اشتريت بعض الأعشاب المكونة لخلطة تبييض وتصفية الوجه وناويه أسويها ..........
كمان بدأت في برنامج شرب الليمون مع الكمون قبل الأكل (بطريقته)..لكن مو كل وجبة..لأن أنا ما أبغى أنقص كثير من وزني..بس تخفيف
لكني علمت عليها صديقتي وقلت لها التزمي فيها ...............................يارب سامحني إذا طلعت مضرة..


المهم يا بنوتات مو صح نحكم على الرجل إجمالا.. يعني ممكن تكون بعض وصفاته مضرة..
بس مانقدر نقول عنها كلها إلا بعد التحقق من ذلك...

أعيد وأكرر...
أنا تعلمت درس قاااااااااااااااااااسي...
وهو اني ما أمدح شي إلا بعد ما أجربه.. أو يكون عن جربة أحد ثقة...


لحظة...
أنا حاسة إنكم راح تسألوني>>>>>>>>> هل سبب مشروب الليمون حقه اسهال(أكرمكم الله) ولا لا ؟؟؟؟؟
راح أسأل لكم صويحبتي إذا جربتها وأرد الجواب ان شاء الله..
ويا ليت أحد يطمنني إذا جرب خلطة( زهرة التوتياء) للوجه قبل ما أبدأ فيها....

وجزاكم الله خيييييرا كثيرا..

على فكره اخت السنيوره وصفه الكمون والليمون هادي مو وصفه خاصه بالدكتور عادل

هادي الوصفه قريتها من زمان في الكتب ومفعولها روعه

اما بالنسبه لوفه تكيس المبايض فهي اكثر من رائعه

ووصفه تنقيه البشره استعمليها بدون خوف لانها كلها مواد طبيعيه وشكرا

صدقتي اختي سارة..
الوصفات اللي يذكرها الدكتور ليست من اختراعه..هذي وصفات معروفة من زمن بعيد..وموجودة في اكثر كتب الطب الطبيعي..
ولا يجوز الحكم عليه بهذا الشكل..وبالنسبة لوصفة التكيس هو قال ان هناك اكثر من مرحلة..وان بعض الحالات تحتاج الى اكثر من كورس..
فاارجو التريث وعدم الاستعجال..فلو قامت اي اخت قبل استخدام اي وصفة بالبحث عن مكونات كل عشبة او مادة تدخل اي وصفة لعرفت هل منها ضرر او لا..

الله يجزاك خير ياحبيبتي سارة .. ريحتيني عن الليمون والكمون..
وخيرا مثله يا سيدة الوسط ..
أنا اللي خوفني من خلطة تصفية الوجه هو اني لما رحت العطار وطلبت زهرة التوتياء منه..
قال لي عندنا بس هذي تراها خطيرة!!!!!! قلت له كيف؟ وش تسوي؟؟
قال: لا بس لازم ماتنحط لوحدها على الوجه...يعني لازم مع الخلطة حقتها..واحذري..احذري أن تلامس الخلطة
منطقة ما حول العينين والفم..واذا حصل ذلك اشطفي المنطقة فورا بالماء...
هذا والله كلامه ... بالله مايخوف؟؟؟؟
وبعدين أنا لما قلت لصاحباتي اليوم, قالولي مادام السالفة فيها خوف لاتسويها أحسن لك.....
والانسان( يقعد على قرده أحسن لايجيه اللي أقرد منه)!!!!!
ويش رايكم؟؟ويش الحل؟؟
أنا بصراحة خايفة من نتائج عكسيةأو تأثيرات جانبية... والانسان ماهو بايع عمره وعافيته عشان نقطتين بياض..
يالييييييييييييت وحدة بس تعرف أحد استعمل هذه الزهرة عشان اتطمن !!!
أو تسأل لنا أحد خبير أعشاب ليفيد الجميع عنها وعن أعشاب التخسيس المذكورة ..

أنتظر رأيكم .