شذا الجنه :

السلام عليكم ورحمة الله وبركاته ,,,,,,,,, كيفكم يابنات الله يسهل علينا الولاده ويجعلها ولاده طبيعيه وسهله وميسره ومشكوووره وجزاك الله خير ويسر الله ولادتك ياخت شموخ الحزن على افتتاح هالتجمع الاكثر من رائع,,,, انا في الاسبوع 38 كان لي موعد امس في المستشفى وقالت ان الرحم فاتح 1سم ونص ولله الحمد يعني زايد عن اسبوع من زيارتي لها بس نص سم ومعي طلوق تروح وتجي وقالتلي ان بطانة الرحم مررره لينه يعني احتمال يتوسع الرحم والله بشرتني الله يجزاها خير ,,, عاد حابه اقولكم تجربتي يمكن هي اللي ساعدتني بعد الله على ليين البطانه,,,,, اولا اقراء الاذكار واقراء ورد الولاده وانا امشي يعني مرتين باليوم صبح ومساء ومشيي يكون ترمل وابعد رجلي عن بعض واخلي المشي مركز على البطن,, ثانيا اشرب اعشاب مكونه من (كف مريم وقرفه ومسمار ونعناع وحبه سوداء ويانسون ورق زعتر وزنجبيل وحلبه وشوي زيت سمسم مع حليب او بدونه)بس دائما اسمي واتوكل على الله قبل ماشربها واسال الله اذا فيها خير هذا الشراب ويكفيني شره واحيانا استخير ثالثا وهو اللي انا شاكه انه زاد في فتحة الرحم وليين لي البطانه بعد الله سبحانه وتعالى انه قبل مارحت للموعد تكبويت (قشر بصل وحلتيته وحبه سوداء وكف مريم وكمون ورشاد) بس استخدمت بالكبو الماء المغلي لانه ماكان عندي جمر بس للامانه انا ماقد تكبويت الاامس قبل ماروح الموعد رابعا نقعت كسرة حلتيته في فنجان ماء وشربت شوي من الماء قبل ماروح واخذت شوي من الحلتيته المنقعه وحطيتها في قطنه وسويتها زي التحميله لين قربت للمستشفى ونزلتها واخذت كسره بعد واخذت اشمشمها وهذي طريقتي اللي سويتها امس واحس انها جابت نتيجه وراح اسويه اليوم مع العلم اني افكر اشرب زييت خروع بعد ماستخير واتوكل على الله بس ودي اسال اللي عندها تجربه بزييت الخروع وش هي نتائجه وكم استفادت منه لاني والله مستعجله على الوالده حييل لدرجة اكثر منكم (شوفوا النذاله) وعلى فكره موعدي كان الظهر ويوم صلييت الفجر غمست قطنه بمخلوط زيت السمسم وجوزة الطيب الطحونه واستخدمتها تحميله ليين صحييت الساعه 11 ,,,,,,,,,,, بس لاتنسوون تتوكلوون على الله سبحانه هو خلقه في احشائك بسر وسهوله وسلامه وهو اللي قادر على اخراجه بيسر وسهوله وسلامه ان شاء الله ابشركم بولادتي الليله بولاده سهله ويسره وطبيعبه قولو اميييين,, والله النفسيه زفت من كثر الهواجييس.......

السلام عليكم ورحمة الله وبركاته ,,,,,,,,, كيفكم يابنات الله يسهل علينا الولاده ويجعلها ولاده...