اللي تبي أسنانها بيض وابتسامتها حلوه تتفضل

مرحبا بنات
كيفكم
عندي لكم شي يبيض الأسنان بس بقولكم قبل السالفه
مره كنت رايحه أبرد أسناني ويوم خلصت قالتلي النيرس أسنان أنتي هلوه وابيد (حلوه وبيضاء)
بجد ماادري ليش مجرد ماساويت أسناني حسيت أنها صارت بيض بس قلت لا يمكن يتهيئ لي واكدت كلامي النيرس
المهم طلبت من الدكتوره تكتبلي معجون مبيض
ويوم رحت اشتريه وشفته في الصيدليه بغيت اغير رايي كان مرسوم عليه زقاره :07: وانا ببراءه قلت للصيدلي انا ماادخن قعد يضحك علي وقالي عادي حتى لو ماكنتي تدخنين
المهم شريته وهو معجون( Fe) بالنعناع وعليه رسمت شفايف حلوه ولقيت اعلان لفرشه بالايونات جديده تشيل طبقة الجير وشريتها
وانا عندي في البيت غسول أسمه (تركيبة بيفرلي هيلز) رهيب ينعش الفم وينظفه ويبيض الأسنان هو أزرق طويل ويجي معاه كاشط للسان بس أنا مااستخدمت حقهم شريت كاشط أحسن ويجي شكله مدور
وصرت أستخدم المعجون أفرش أسناني بالفرشاه اللي قلتلكم بس ضروري للي بيشتريها تحط أصبعها الكبير على الحديده اللي موجوده فيها عشان تجيب مفعول بس لا زم يكون مبلل وبعدها أستخدم الغسول اتمضمض فيه نص دقيقه وبعدها أغسل فمي وأنظف لساني بكاشط اللسان
والله يابنات الكل يسألني اسنانك بيض وريحة فمك حلوه
بنات أنا ماأظمن النتيجه الا بالأغراض كامله وعلى الأقل المعجون والغسول
النتايج تبين من أسبوعين الى شهر
أنا أسناني مو صفر بس مو بيض ساطعه وبعد أسبوعين صارت بييض وحلوه وعشان تكمل أبتسامتك أبرديها من قدام يعني خليها متساويه والله بتصير ابتسامتك تدوخ
ومهم تستخدمينه مرتين الصباح وقبل النوم يعني ماتنامين الا وفمك نظيف
يوم خلص المعجون وجيت ابشتري عليه لقيت نوع ثاني بالفلورايد وخذته وبعد حلو وصرت أنوع مره هذا ومره الأول لأن هذا صار معجوني المفضل مع الغسول طبعا والفرشاه أغيرها كل شهر بس أشتري اللي بالأيونات ترا أهي زي الفرشاه العاديه بس اللهم فيها حديده فوق
أوكي بنات
واي سؤال أنا حاظره
بس لا تنسوني بدعوه حلوه:)