هذا احلى نظام طبقته انا وصديقاتي وتحققت لنا احلام كثيره والحمد الله
كتبته انا وصديقتي الله يرحمها غدير وقررت انشره
عشان ينكتب الاجر لها ويجعله بميزان حسناتها
بس اول شيء بطلب منكم طلب
كل شيء حزين بحياتكم شيلوه سوله ديليت على طول صور اناشيد كل شيء يضيق الصدر لاتخلون أي شيء يخليكم تعيشون حياتكم بضيق وكدر
1_ نحسن الظن بالله يعني ادعي ربكـ وانتي واثقه ان ربكـ راح يستجيب دعوتكـ مهما كانت ربي يقول سبحانه (( انا عند حسن ظن عبدي بي)) ولاتياسون من رحمته دائم كرري ربي حبيبي وماراح يخيب ظني فيه
2_ الصلاه اول مايحاسب عليه الانسان الحمد الله كلنا نصلي بس نخشع بصلاتنا نتدبر الايات واحنا نقراها .
3_ السنن لاتخلونها حافظو عليها قد ماتقدرون خصوصا سنه الضحى وقيام الليل
4_ الاستغفار عجيب يابنات حافظو عليه استغفرو وافضله استغفر الله واتوب اليه كل يوم 1000 او قد ماتقدرون
5_ التسبيح عموما كل يوم
6_انا اختم شهري والحمد الله كل يوم اقراء 30 صفحه عشان الدوره اخاف تجي وانا مااختم وربي سهل وماياخذ وقت
اقراء بقيام الليل وبعد صلاه الفجر
7_ الاذكار حافظو عليها تحفظكم من شياطين الانس والجن
8_ لاتطلبين من الناس شيء اذا ضاق صدرك ولاتطلبين منهم يسمعونك افرشي سجادتك بمكان مايكون فيه احد عشان تخشعين وصلي ركعتين واذا سجدتي قولي له كل اللي بقلبك كل شيء بخاطرك لاترفعين من سجودك الى كل اللي
بخاطرك قلتيه ابكي اشكي مثل ماتشكين للبشر اشكي لرب البشر هو اللي بيده كل شيء ويعرف اللي بقلبكـ
وكل ليله اشكيله وربي انها اجمل لحظه تعيشينها بخشوع وتذكري ان ربكـ يستحي يرد يد عبده صفرا سبحانك يارب
9_ الصدقه شيء عظيم بحياتنا تصدقي باااي شيء تقدرين عليه لو بريال واحد على فكره ترى باقي الاكل اللي يزيد
لوتحطونه للحيوانات يعتبر صدقه هذي فكره بسيطه جيبي حصاله وكل يوم تصدقي فيها قد ماتقدرين واذا صار مبلغ حلو تصدقي للجمعيات الخيريه او لااي شخص محتاج
10_ اتمنى من الله ان يكتب اجره هذا النظام لصديقتي الله يرحمها ويجعلها بجنه النعيم
مابي منكم شكر ابي منكم شيء واحد
تدعون لصديقتي ان الله يرحمها ويجعلها بجنه النعيم
يلزم عليك تسجيل الدخول أولًا لكتابة تعليق.
اللهم يرحمها ويجعلها في الفردوس الاعلى ياارحم الراحمين ...............الله يجزاك خير اختي .
اللهم يرحمها ويجعلها في الفردوس الاعلى ياارحم الراحمين ...............الله يجزاك خير اختي .اللهم يرحمها ويجعلها في الفردوس الاعلى ياارحم الراحمين ...............الله يجزاك خير اختي .
جزاك الله خير وبارك فيك ورحم الله صديقتك وجمعك بها في اعلى الجنان
الصفحة الأخيرة
http://www.pylon-group.com/e-seb7a/