كيف حاالكم وكيف هي الخلطات معكم ..
ي بنات انا طحت لي ع صابونية جناان ××× روووعه نتيجتها تحفةة مره انا ماصدقت عيوني خﻻل اسبوع فتحتني مره مره ماشاءالله ﻻقوة اﻻبالله ..
مانيب ممدحة فيها كثير لكن بترك لكم التجربه خير برهان .. بس ولله الحمد م جربت خلطة ونفعت معي اﻻ ونزلتها هنا ونفعت اللي جربوها .. من فضل ربي لله الحمد والمنه..
بحط لكم صور الصابونات اوﻻ ثم المرطبات ثانيا والاعشاب المستخدمه اخر شيء
صابونة سكين وايت بالجلوتاثيون وفيتامين سي
صابونة بيلو الورديه
تم تعديل الصور وتصغيرها...الإشراف
صابونة الجلوتاثيون الفلبينيه
صابونة احماض الفواكه من ليفيان
غسول فلولس وايت من بوندس لونه فوشي بابيض
3 علب ماء ورد معروف مايحتاج احط صور ..
جليسوليد حجم صغير مره العلبه المعدنيه اقصد طبعا اتوقع سعره ب 8 او 7 ان م خاب ظني
فنجاال قهوه زيت جوجوبا والي م تلقى تستبدله بزيت فيتامين e
نجي للاعشاب
نص فنجال قهوه من كل من لسان البحر مطحون ناااعم جدا جدا+نشا+رز مصري مطحون ناعم جدا جدا ﻻزم مصري واذا مافيه ﻻتستبدلونه بالعادي أللي م عندها مصري مو ﻻزم + بودرة كوﻻجين..
الطريقه معروفه تبشرون الصوابين وتنقعونها من الليل بما الورد وانا افضل ماء الورد االطايفي واذا احتاجت الخلطه لماء ورد زيدوا مو مشكله ..
بعدين تتركونها طول الليل بمكان حار وليش حار عشان تذوب الصابونات وم تحتاجون تحطونها ع النار ﻻني ضد انها تنطبخ ع النار ..
بعد كذا بتلقونها بالصباح صارت لينه مرره
تخلطون بقية المكونات معها :الغسول والاعشاب والجليسوليد والزيت .. اوك
بعد كذا ع الخﻻط ع طول ي ويل اللي بتطبخها عالنار .
اتركوها تنخلط زين ثم فرغوها بعلب بﻻستك او زجاج وانا افضل اﻻخيره لكنها مو عمايه ﻻنها لين طاحت ع السيراميك خﻻص قولن للصابونيه باي.. ف عشان كذا البﻻيتك بي خلو العلبة استعمال مره وحده فقط وعقب ارموها ..
المهم نجي للزبده تحفظونها بالثلاجه او بغرفة نومكم اهم شيء مكان بارد وجاف بس الحمام ﻻ .. ﻻن اﻻعشاب مع هالجو الحار تتغير مكوناتها ..
وعند الاستحمام تستخدم مع ليفة بودي شوب
وتترك10 الى15 دقايق ثم تشطف وبوضع كريم ترطيب وتفتيح ..
نتايجها من اول اسبوع بتحسون بنضاره وتفتيح بسيط ونعومه والجلد رطب وطري
اللي تستخدم معها خلطة تفتيح بتفرق بجسمها يمكن من 3 او 4 استخدام لكن اللي م تحط خلطات يبي لها اقل شيء اسبوعين ع م تحي بتفتيح ملحوظ ..
ويبنات الصابونات(م عدا ليفيان صالونة احماض الفواكه) انا اجيبهن من وحده قريبه لي توفرها عاد كل وحده وشطارتها تبحث عن وحده توفرها ..وفيه تاجرات يبيعونها كثير بالاستقرام وقوقل مليان واتوقع التاجرات اللي هنا يوفرونها
وبعد ﻻانسى الصابونية هذي م تنفع للوجه ﻻن فيها لسان البحر و جليسوليد يعني اللي تبيها لوجهها تحذف لسان البحر والجليسوليد منها ..
طبعا فوائدها تبييض وتقشر الجسم بنعومه
وترطب ﻻحتوائها ع زيت الجوجوبا والجليسوليد
وتشد لاحتوائها ع الكوﻻجين ولسان البحر وتزيل الخطوط البيضاء والترهلات بس شرط الاستمراريه لمدة 3الى 6 شهور بعدها بتحصلون اجسامكم لولو ابيض ومشدود والخطوط بحح باذن الله ..
والصابونية هذي هدية العيد لبنات حواء
يعني اللي تبي تطلع نيو لوك في العيد تلداها من اﻻن مع خلطة تفتيح وبتصير قمر بيوم العيد باذن الله
..طبعا ادري بعضكم يبي يسال بكم اسعار الصابونات
سكين وايت جابتها لي ب 35
الجلوتاثيون ب40
بيلو ب35
ليفيان ب38
غسول فلولس وايت ب2ماء الورد ب 8
لسان البحر ربع كيلو اتوقع ب20 او 15 موب متذكره من زمان شاريته مع اغراض اخرى
بودرة الكوﻻجين الامريكيه انا اللي استخدم ب300 علبة كبيره تكفي فوق شهر
نشا بريالين
رز مصري متواجد بكل بيت ومدري صراحهة ب كم زوجي اللي يشتريه..
اي استفسار تفضلوا ..
استودعتكم الله ..
تم تعديل الرابط وتصغير الصورة...الإشراف