اللي تبي الحمل تدخل هنا مهم

اخواتي اللي تبي تحمل وماهي قادره تطبق هالطريقه اللي طبقتها صديقتي

انا بقولكم هالقصه باختصار عن وحده من صديقاتي :

اتزوجت عمرها 16 سنه وحملت على طول وجابت بنتها الكبيره وبعدها ماقدرت تحمل ولا خلت دوله ماراحت لها وكل ماسمعت عن علاج ****الله بالصين راحت تدوره لحد مايأست من الحمل وبعد 12 سنه راحت لمستشفى الحرس كانت مزكمه ومعاها بنتها الوحيده الدكتوره اللي عالجتها عن الزكمه طبيبه امريكيه عامه مو حقت نساء وولاده سالتها الدكتوره انتي كم عندك طفل قالت بس هالبنت قالت ليش ماحملتي شرحت لها القصه وقالت لها عن كل بلد راحت لها وعن كل شي بس مافيه فايده وانها سلمت امرها لله قالت لها الدكتوره الامريكيه بقولك على نصيحه واتبعيها و**** الله تحملين تدرون وش انصحتها تسوي ؟؟ تخيلو قالت لها حطي عند راسك ميزان حراره وكل يوم الصبح قبل تتحركين من الفراش وانتي منسدحه مدي يدك وقيسي درجة الحراره وسجلي الدرجه اليوم اللي تكون حرارة جسمك مرتفعه لازم ينام معك زوجك وبعد ماينام خلي رجولك مرتفعه على الاقل ساعه

المهم تقول صاحبتي والله اني كنت اصحي واقيس الحراره والله تقول احيانا زوجي يكون لابس بيروح الدوام والله اناديه علشان ينام معي لما تكون الحراره مرتفعه وربي مافيه ثلاث شهور من بدت هالسالفه الا وهي حامل وماشاء الله جابت بنتين وثلاث اولاد بعد البنت الكبيره

الطريقه سهله ولا راح تخسرون شي يمكن ماحد سمع فيها من قبل لاكن هذي حقيقه والله على ماقول شهيد


دمتم بود