اللي تبي اللقيمات رمضان تقرمش تــــــــــــــتفضل................

الى كل حبايبي في عالم حواء وبالذات الى كل وحده تحاول انها تسوي اللقيمات وتبيها تضبط وتقرمش
بصراحة سويت عجائن للقيمات كثيرة وصحيح تطلع حلوة بس ما تقرمش بس انا ان شاء الله لأني استفدت منكم الكثير قلت بقولكم على هالمعلومة يمكن تفيد اللي يبون قيماتهم تكون قاسية شوي أو تقرمش وبالله عليكم اذا ضبطت معكم تدعون لي ولعيالي وللي علمتني الطريقة ان الله يهدي زوجها ويسخر رجالنا لنا ورجلها لها :21:

وكــــــــــــــــــــــــــــــــــــــــــل عـــــــــــــــــــــــــام وأنـــــــــــــــــــــــــــتم بالف خيـــــــــــــــــــــر

الطريقة:

بصراحة بقولكم ياها مثل ما سويتها انا وضبطت معاي

2 كأس طحين أبيض (تقديرين تخلطين كأس طحين أسمر وكأس أبيض1)
2م ك زبادي
تقريبا كأ س أوكأس وربع ماء دافي مذوبة فيه م ص خميرة وشوية سكر خليها شوي لين ما تنفش
رشة ملح
انا أخلط الطحين والزبادي والملح مع بعض ثم أضع عليه الماء المذوب فيه الخميرة والسكر
وأقعد أعجن لين ما تصير عجينه شبه سائلة (بصراحة يمكن تحتاج ماء أكثر أوأقل من المقدار بس أنتم انتبهوا وضيفوا الماء شوي شوي لين مايطلع العجين شبه سائل مرة حطيت كاس ومرة كاس وربع )
تترك لتختمر من ساعة الى ساعتيون وأنا أغطيها بفوطة مبللة بماء دافيء فيه ناس قبل القلي يحطون بطاطس مسلوق ومهروس وتضبط (مرأة أخوي ) بس أنا ما أحط
لما نجي للقلي وهذي اهم مرحلة حمي الزيت على الأخير وبعدين خلي النار وسط وابدئي شكليها بضغط العجينه بيد والملعقة بيد وخلي جنبك فنجال فيه زيت وحطي الملعقة قبل ماتأخذين العجينه بازيت ثم ضعيها في الزيت وحطي كمية وتركيهم الى ان تبدأ تشقر بعدين طلعيهم لا تخلينهم يتحمرون مرة
لما تخلصين مقدار عجينتك خلي الزيت ولا تطفين النار رجعي اللقيمات كلها او حسب ما يسع المقلى اللي عندك وبدي حمريهم ثم طلعيهم (على فكرة بتلاحظون ان لونهم صار زي بعض )
طبعا تكون الشيرة جاهزة شربهم بالشيرة وبالعافية
فيه وحده من جماعتنا الله يصلحها كل ما أسألها كيف اللقيما ت حقتك تكون ماشاء الله كذا تقرمش تقولي ولا شي قلت لها يمكن طريقة القلي قالت لي عادية مع اني شفتها تسوي اللقيمات بالطريقة العادية(طحين –خميرة –ملح – سكر - ماء ) ولما قلتها كانت تسويها نفس كذا تحمرهم شوي وبعدين ترجعهم في الأخير بس ماقالت لي ان هذا هو السروكانت تقول لي لما اسويها الفاشلة تكون لقيماتها لينة ماهي قاسية وانا الغبية ما طرأ في بالي أنه يمكن يكون السر بسيط لهالدرجة...........وعلى العموم التجربةخير برهان ..............فرحتي تكمل اذ ا جربتوها وضبطت معكم وبالتوفيق,,,,,,,,,,,,,,,
وتـــــــــــــــــــــــــكفون اللي تجربها تبشرني وأن شاء الله تنحل عقدتكم مثلي :13:
محبتكم
ريناد 2005