بقولكم على طريقتي اللي ريحتني من غسل وفرك الكنب
كنبي تصميمه تقريبا مثل هذا اقصد القطع الثلاث الي تحت
اول شي غسلت الكنب ونظفته وخليته ينشف
بعدين جبت شرشف اللي يجي مع المفرش حق نفر
لان عندي منها كثير حقت الضيوف عرفتوها
المهم لبست الكنب ( مكان الجلوس ) يعني كأني افرش سرير
واخليها الين يجوني ضيوف بس اشيل الشرشف
واذا راحو رجعته
وفيه فكره ثانيه بس انا ما جربتها ومكلفه وماادري اذا تصلح
بس باقولها لاني مااقدر اخبي عليكم شي
هذي تحافظ عليه مايجيه ولا نقطة مويه ولا عصير ولا اي شي من المشروبات
وهي اللباد اعتقد كذا اسمه اللي يجي كيس بلاستيك ثقيل وله مطاط من تحت
انا شريت مقاس صغير من سنتر بوينت ب30 او 35
اللي يحطونه على مرتبة السرير
تحطينه وطبعا له مطاط عشان يثبت وفوقه لبسيه بشرشف
وش رايكم فكره حلوه صح ........ياويل وحده تتريق بافكاري ترى بازعل ولاعاد اعلمكم :mad:
لاني افيدكم باي شي اسويه واذا تبغون تتاكدون شوفو مواضيعي
وهذا الموضوع الثالث اللي يخص قسم التنظيم وقسم التجارب
وباقي المواضيع لا تدققون فيها :35:لان مافيها فايده
المهم اخر شي يخص الكنب
وهو غطاء جاهز شفته في الهرم بس لكنبه وحده اللي هي الطويله
بحدود 40 ريال
مرسوم عليه 3كنبات 1طويل و2 صغير وسئلنا صاحب المحل قال هي وحده بس
انا نفسي اشتريها بس زوجي رفض
ولها 3 الوان اخضر وازرق والثالث اعتقد سكري
واللي عندها طريقه تحافظ فيها على الكنب تذكرها جزاها الله خير
دعواتكم اذا عجبكم الموضوع
وفيه اغطيه جاهزه للكنب
تشيليها اذا جا ضيوفك
تسلمين