بسم الله الرحمن الرحيم
السلام عليكم ورحمة الله وبركاته
شلونكم حبايبي شخباركم؟
زمان عنه المنتدى بس ترا ما جيت فاضيه جايبه لكم اليوم موضوع وعن تجربتي والله يا بنات
وحبيت افيدكم عسى الله ان شاء الله يكتب لكم الفايده منه ودعواتكم لاتنسوني وربي يحقق
الي فبال كل وحده منكم ويسخر لها زوجها امين يارب العالمين
نبدا
أول شي الراحه كلمة نسمع فيها فقط اما والله يا بنات مافي احد مرتاح بحياته ياهموم يا مشاكل صغيره او كبيره تفكير وخوف وغيره وغيره صح كلامي ولا لاء
من فينا ما تعاني من ظلم زوجها لها؟
تقصير زوجها من مصروف حقوق زوجيه طلعات جيات تربية العيال وغيره؟
من فينا ماتعاني من الخيانه؟
من فينا ما زعلت اكثر من مره وكل مره يوعدها يتحسن ويرجع لعادته القديمه؟
من فينا ماخلت طريقة بالمنتدى الا وجربتها على زوجها ومافي فايده؟
من فينا ماكتبت مشكلتها بالمنتدى وتبي حل ؟
وساعات تلقى حل وساعات لا؟
من فينا ما اسهرت الليالي على مواضيع تتعلم او تتثقف علشان ترضي زوجها وتكسبه؟
خلونا من الاسئله
نشوف اصناف الزوجات اللحين
الزوجه أ
رضا الزوج وكسب الزوج عمره ماكان بالقوه
تجي وحده وتقول والله الزوج ما يجي الا بالعين الحمرا ؟؟
ولا تنصح بعد صديقاتها هههه ومفتخره بعضلاتها
وتعطيه من هالجلسات صبح وليل صراخ وهواش ونقاش حاد الله المستعان
ماتعرف تكلمه بشويش ولا ساعات تفشله قدام اهله او اهلها
وبالاخير
لاهي طايقته ولا هو طايقها والعيشة صايره كرتون توم اند جيري
بس يدرون الزله على بعض علشان تشتغل الحرب
نشوف الزوجه ب
شحليلها على نياتها ومو مقصره مع زوجها بشي وزوجها الحبيب شغال خيانه من وراها
تكتشفه بالصدفه يخونها بس طيبه واعلي صااااااااابره وكل ليله تبكي دموعها ماتفارقها
ولا خلت منتدى من المنتديات ماحطت ولا دروت فيه على حل عل وعسى تقدر تواجهه
بعد فترة توقف قدام المرايه ياللهول منهي ذي؟
تصفع نفسها كف تتاكد انها هي او لا وانتي ناقصه علشان تصفعين نفسج
تلاقون تحت عينها هالات سودا من السهر والتفكير
شاحبه
ضعيفه
كرهت نفسها
عينها ماتفارق جوال زوجها اللحين راح تتصل ولا راح يتصل الها
يجيه مسج من مين ماكان وهي تقول بخاطرها اكيد من وحده
وكل مره تذكر نفسها بمصيبتها وتقعد تبكي
نشوف الزوجه ج
يعاملها معامله زينه بس مقصر عليها بالمصروف ولاء القهر يقولها ماعندي فلوس
وهو اي شي يبيه جابه لنفسه يعني فلوس لنفسه في ولزوجته او عيالها مافي
وماتبي تذل نفسها تلاقونها كل شهر ماخذه من اهلها ولا تبيع بذهبها الله المستعان
ولا ساعات اذا تكون موظفه خلاص غاسل ايده منها ويمكن يتجرأ مرات على راتبها وياخذ او
يستغلها
نشوف الزوجه د
مو مخليه افكار فالنت ما طبقتها على زوجها لاخلت ليالي حمرا ولا سودا كل الالوان هههه
جربتها وبالاخير تجي تبكي اااااااه يالقهر
زوجي جواله كله مقاطع بنات وافلام خليعه
وساعات على النت مو مخلي يوتيوب ولا غيره ما يفر فيه
ولالالالاء ساعات بالمسن ولا الشات يكلم بهالبنات ولا مفتكر بزوجته ولا مقدر الي تسويه له
الزوجه الاخيره
عادي هذي صج صج مادري شلون متحمله
الزوج 24 ساعه برا البيت
حقوق زوجيه مافي زواج بالاسم على ما يقولون
لا يصلي ولا يخاف ربه على شنو مسلم مادري
بعد فتره تكتشف زوجها يمارس اشياء حرام عاده سريه ولا يروح لبنات
كانها خدامه بالبيت او اخته حق طبخ وكنس وبس
وغيره وغيره من الاصناف الثانيه الي زوجها يضربها ولا الي زوجها يهينها والي متزوج عليها والي يشرب خمر والعياذ بالله والي يدخن والي يتعاطى مخدرات والي اهل زوجها ناشبين لها ببلعومها ومشاكل مالها اول ما لها اخر يالله تكفينا شر البلاوي والي والي والي يالله ماراح نخلص اليوم لو قعدنا نحط قصص
ماراح نقلب المواجع اكثر خلوها على ربكم
خواتي الغاليات الي ابي اقوله لكم اللحين
انه مافي انسان كامل الا الله سبحانه وتعالى
انتي مو متزوجه ملاك انتي متزوجه انسان حاله حالج
اذا هو يغلط اكيد انتي تغلطين بغض النظر عن نوع الغلط وحجمه
الحياه للحين بخير عيشي حيانج طبيعي لاتعطينه اكثر من حجمه قومي بواجبج بس
لاتخلين حياتج هالزوج وبس ولامنكد عليج العيشه
يا هو يا اهله امه او خواته او اخوانه
كل ماصارت لج مشكله رحتي تشكينه لاهله او لاهلج لصديقاتج او بالمنتدى
وتقعدين بالساعات ها بالساعات على الموضوع تنطرين رد من الاعضاء
ولا بعض البنات ربي يهديهم اذا ما احد رد عليها بتطلع كل الي فيها برد ثاني ههههه الله المستعان
ونسيناااااااااااااااااااااا نحن قاعدين نكشي لمن؟؟؟؟؟؟؟
نسينااااااااااااااااااااااا ربنااااااااااااااااااااااااااااااااا ورحنا للنااااااااااااااااس
منو الاقرب لج ربج ولا الناس؟؟؟
من الي بيده كل شي من الي يقدر يبدل الحال الى حال
من الي ما يخفى عليه شي
من الي عارف بحالج
الناس راح تشوف مشكلتج ويمكن يرحمون حالج يدعولج يعطونج حل يمكن ينفعج ويمكن لا
غير جذي مو بيدهم شي
كلن له همه يا قلبي انتي مهمومه وتشكين لناس مهمومين وشنو الفايده
راح تفضفضين وترتاحين ساعه او كم ساعه وراح يرجعلج الهم من جديد صح
قسم بالله يا بنات مافي شي بيخليج مرتاحه الا اذا تقربتي من ربج
راح تقولون اشفيها هذي تنصح والبعض ماراح يعجبهم الكلام بس والله انا مو خسرانه لاني بنفسي جربت وحبيت افيدج جربي وشوفي
مافي شي صعب على ربج
الله اذا يبي شي كن فيكون وصار الشي
سبحان الله شوفي انتي عادي تقعدين بالساعات عالمنتدى من موضوع لموضوع
من قصه لقصه
ساعات تقضينها وانتي ترتبين حق ليالي حمرا وحفلات وافلام وطلعات وسوق
ومستخسره بنفسج ساعه بس تقرين فيها قران بنية ربي يفرجها عليج ويحقق لج تبينه
قاعده تعصين ربج بالاغاني وغيرها وعايشه حياتج طبيعي والله منعم عليج بنعم غيرج مو
محصل ربعها
وفوق هذا متذمره من عيشتج مو عاجبج شي
وين كلمة الحمد الله
بدال ماتشكرين ربج قاعده وتقارنين نفسج بالناس
فلانه عندها وانا ماعندي
فلانه زوجها جابلها مادري شنو وانا زوجي ماقول الا مالت على حظي ؟؟؟؟؟
كانه مافي شي بالدنيا الا هالزوج
الا هالناس
الا الهدايا
السفر
الا مادري وشو!!!!!!
كيف تبين تصيرين انسانه سعيده وانتي بهالحال؟؟؟؟؟؟؟؟؟؟؟؟؟؟؟؟
كيف تبين بالج يرتاح وانتي الف شغله وشغله براسج؟؟؟؟؟؟؟؟؟؟؟
اذا ما ارضيتي ربج شلون بتكونين راضيه على نفسج؟؟؟؟؟؟؟؟؟
ربج اولى من زوجج ومن كل النااااااااس هذا ربنااااااااااا
تبين الحل
خلاص خلي زوجج على جنب يخون مايخون
يروح بالحرام وغيره خليييييه لاتعورين راسج
ترا الانسان ماراح يعيش الا مره انسي الهموم
نحن الله انعم علينا نعم كثيره واهمها الصبر المره تصبر اكثر من الرجل
اصبري واحتسبي الاجر عند الله
يقول الله تبارك وتعالى( استعينوا بالصبر والصلاة)
الله اذا احب عبدا ابتلاه
شوفي بلاوينا هالزمن وقارنيها شوفي الرسل شوفي سيد الخلق محمد عليه الصلاة والسلام
شوفي الانبياء موسى ويوسف وعيسى شلون عانوا شلون واجهوا من صعوبات وسبحان الله
الله معاهم وفرجها عليهم بالاخير
وانتي شنو صعوباتج الزواج والزوج؟
أحسني ظنج بربج اتركي عنج الناس حتى لو صديقتج قريبه منج ربج اقرب لج منها ومن غيرها
ليش ماتلجأين لربج
خلي املج بالله كبير
قولي الحمد الله دايما ردديها على لسانج حتى لو ماعندج شي حتى لو كنتي باسوء حال
الحمد الله فقط خلج راضيه وقنوعه لاتعترضين على الي الله كتبه لج وينقلب حالج بعدين
يقول الله تبارك وتعالى
{ فاذكروني أذكركم واشكرولي ولا تكفرون }
حافظي على الاذكار والادعيه
استفيدي من وقتج
سبحان الله
يقول تعالى:
(ألا بذكر الله تطمئن القلوب)
وبالفعل راحه نفسيه تحسين نفسج مثل الريشه
ما تحسر أهل الجنه على شيء كما تحسروا على ساعة لم يذكروا أسم الله
وان شاء الله كلنا من اهل الجنه
الصلالالالالالالالالالالالالاه الا الصلاه صلة العبد بربه لاتفوتين ولافرض حافظي عليها
الصبر الصبرررررررررررررررررررررررررررررر ان الله مع الصابرين
يقول الله تعالى
(والله يحب الصابرين)
الصبر مفتاح الفرج خلج صبوره وقويه
القمر الي هو قمر ما يكتمل بيوم وليله
وانتي تبين كل شيء بسرعه البرق واذا ماتغير الحال رجعتي لموال التذمر
وسديتي البيبان بوجهج وخلاص يأست اختنا فالله
لايأس مع الحياه ولا حياة مع اليأس
الانسان يحاول مو من مره
شوفي العلماء قبل كم محاولة بس سووها علشان تنجح جربة بس!! ماقالوا خلاص
وأهم سرررررررررر بموضوعنا
سورة البقره
سبحان الله والله هالسورة لها سحر مايعرفه الا الي جرب وقرا سورة البقره
والله يا بنات ماتاخذ من وقتج الا ساعه الا سااااااااااااااااااعه بس
اقريها كل يوم وشوفي الفررررررررررررررررررررررررررق
اقريها بنية الله يهدي زوجج ويسخره لج ويرزقج بالي تبينه
على كل اذان بين الاذان والاقامه ادعيييييييييييييي ربج يارب اهدي زوجي وسخره لي
واذا ماعندج عيال وتبين الله يرزقج
ربي لاتذرني فردا وانت خير الوارثين
عودي نفسسسسسسسج
رطبي لسانج بذكر الله والدعاء لزوجج ولج
موكله تدعين عليه وبس وتتحسبين
.......
اللهم يا مسهل الشديد
ويا ملين الحديد
ويا منجز الوعيد
ويا من هو كل يوم في امر جديد
اخرجني من حلق الضيق الى اوسع الطريق
بك ادفع ما لا اطيق
ولا حول ولاقوة الا بالله العلي العظيم
الله يفرج همي وهمومكم يارب العالمين
.......
وهذا دعاء الرزق
اللهم ان كان رزقي في السماء فأنزله
وان كان رزقي فالارض فأخرجه
وإن كان قريباً فيسره
وإن كان بعيدا فقربه
وإن كان قليلاً فكثره
وإن كان كثيراً فبارك لي فيه
.......
الحمد الله كما ينبغي لجلال وجهه العظيم وسلطانه
الحمد لله حتى ترضى
والحمدلله اذا رضيت
والحمدلله بعد الرضى
......
خلاصة الموضوع
ابدي مع نفسج صفحه جديده
خلج من الزوج وهموم الدنيا الي ماتخلص
حافظي على صلاتج
اقري سورة البقره كل يوم خصصي لها ساعه
اقري الاذكار
واحسني ظنج برب العالمين
كل ماضقتي حطي سجادتج صلي لج ركعتين
واشكي همومج لربج وانتي ساجده
لاتقومين من سجودج الا وانتي مطلعه الي بخاطرج كله لاتشكين لفلانه وعلانه الناس لو بيدهم شي كان ماجتهم هموم من الاساس
وادعي لزوجج كل يوم
واكثري من الاستغفار
وتصدقي
صدقيني منتي بخسرانه شي
والله يا بنات لا تفقدين الامل لا تقولين زوجي مامنه فايده خليه على معاصيه وقولي ان شاء الله ربي بيغير حاله خلي عندج امل انه راح يتغير بس لاتفقدين هذا الامل
اصبري وتوكلي على ربج
ياما ناس الله هداهم
وهذا انا زوجي كيف كان وكيف صار بفضل الله وبفضل القران الله والادعيه
الحمدالله لك يارب
وانا بعد سويت كذا وارتحت مع زوجي ونقلت لكم الموضوع اللي غير حياتي
أم شموخ @am_shmokh_6
عضوة جديدة
يلزم عليك تسجيل الدخول أولًا لكتابة تعليق.
ياهم روح عني
•
جزاكي الله خير اختي الكريمه
موضوع رائع وكلمات عسل ..
أنا معك .. فيه عينات من البنات حولوا الرجل لعبادة .. والعياذ بالله .. شغلهم الشاغل ..
نسوا الدنيا كلها عند أزواجهم .. وليتهم على نتيجة .. بالعكس .. زادوا أزواجهم نفور وأستعباد ..
أنا معك .. فيه عينات من البنات حولوا الرجل لعبادة .. والعياذ بالله .. شغلهم الشاغل ..
نسوا الدنيا كلها عند أزواجهم .. وليتهم على نتيجة .. بالعكس .. زادوا أزواجهم نفور وأستعباد ..
الله يجزااااااااااااااااااك الف خير حبيبتي من جد كلامك في محله والله جاااا بوقته لاني مرره كنت متضايق من حياتي لكن الله يفرجها عليك من واااسعه مثل ما نورتينا
جزاك الله الف خير في الدنيا والاخره لاقول الا جزيتي الجنه وادخلتي من اوسع ابوابها على كلامك
الصفحة الأخيرة