:09:السلام عليكم ورحمه الله وبركاته
شلونكم حوائيات وعساكم بخير:26: موضوعي اليوم مهم جدا لكل وحده تبي تخطب لولدها أو أخوها أو قريبها وأقولها إحذري إحذري إحذري طبعا بحكم عاداتنا وتقاليدنا اللي تبي تخطب دايما تحاول تبعد عن قرايبها قدر المستطاع عشان الأمراض والوراثه وأيضا البعد عن المشاكل ومن هنا تبدأ رحله البحث عن عروس بمواصفات معينه ويالله يبدأ المشوار وتتسع دائره البحث من خلال الصديقات والأخوات بس أنتبهوا بعض البنات غشاشات للأسف يبون العرس وبس ومستعدين يكذبون :angry2:بصراحه أنا عن نفسي لما كنت في المعهد أدرس كانت معي بنت ماشاءالله عليها من ندخل الفصل نلاقيها يا أما تقرأ قرآن أو تسبح والله كنت أقول في نفسي ياليتني مثلها حتى لبسها مستر وقفازات وشرابات تطلع من المعهد كلها سواد في سواد بعد فتره جاها ولد الحلال والله العظيم فرحت لها لأن وحده من صديقاتي سألتني عنها ومدحتها قامت صديقتي وخطبتها لأخوها لأنه يبي ملتزمه وتم الزواج بعد فتره كلمتني صديقتي تعاتبني على مدحي للبنت قلتلها والله إنها زينه وخلوقه ولبسها محتشم مو مثلنا وأحسن مني أنا بعد ليش خير صار شي؟ قالت صديقتي ولد عمي عرسه الخميس برسل بطاقه لكي وتعالي شوفي بنفسك حاولت أعتذر بحجه إني ما أعرف بنات عمها ومالي علاقه فيهم بس هي أصرت وقالت مالك شغل وراح أخلي بنت عمي بنفسها تعزمك وفعلا عزمتني بنت عمها ورحت والله قلبي أسمع صوته وأنا رايحه العرس مأدري شنو ينتظرني هناك وأستقبلتني صديقتي بطريقه شوي جافه وكانت متضايقه حيل أول ما جلست سالتها شفيه ليش زعلانه قالت طالعي المنصه وإنتي تعرفين ليه أنا زعلانه منك أطالع إلا مرة أخوها عند المنصه حاطه أصابع يديها في فمها وتصفر :eek:وتصفق وتطلع أصوات وصرخات للبنات اللي يرقصون :oبصراحه إنصدمممممممممت حركاتها حركات وحده خفيفه وهي المشهود لها في معهدنا بالرزانه لفيت وجهي على صديقتي إلا:mad:وهات عتاب وزعل حلفت لها إنه البنت ملتزمه قلت لها يمكن جتها حاله إنتكاسه في ناس كذا قالت : أي إنتكاسه من أول ما أخذها أخوي وهي كذا تنزل تحت بقميص النوم وما تتغطا عن أخواني :eek:كيف كيف ما تتغطا عن خوانك قالت: الأخت ماخذه راحتها في البيت تنزل من شقتها اللي فوق ما تحط العابيه والشيله على راسها ولما تهاوشنا معاها قالت إذا مو عاجبكم خلوا ولدكم يطلعني في بيت لحالي أنا مره أحب آخذ راحتي غير قلة الأدب حتى طبخ ما تعرف تتطبخ وأصلا هي لاهي ملتزمه ولا شي لو تخاف الله ما ترص هالبنطلون والصدر مكشوف نصه وتنزل بكل وقاحه قدام خواني وفي منهم مراهقين لا حيا ولا مستحى لا وتقول قولي لأخوانك إذا شافوني يصدون عني لا يطالعون بصراحه أنا ماعرفت شرد عليها وقلت الله يهديها وغيرت السالفه مع صديقتي وإنتهى الموقف على خير بس وأنا راجعه البيت بس قاعده أفكر في هالبنت معقوله كنا مغشوشين فيها حتى لبسها كان خليع وهي اللي عمري ما شفتها إلا بكموم طويله وكانت تنصحنا بالستر وترى أهلها ناس عاديين يعني مو ملتزمين بس هي الملتزمه معقوله كانت تمثل علينا عشان تضمن الزواج ترى في بنات كذا وفعلا صارت موضه اللي تبي تتزوج تلبس قفازات وشرابات وعباة راس وتحفظ كم حديث وكم سوره في القرآن وبس :(بس تتزوج خلاص هذا كله ينتهي وترجع االبنت مثل أول أحذروا من هالبنات وتأكدوا من البنت اللي تبي تخطبونها عدل وأنتم يا حوائيات اللي عندها تعليق على هالموضوع تفيدنا جزاكم الله خير
يلزم عليك تسجيل الدخول أولًا لكتابة تعليق.
ساره بنت بدر
•
الله يهديها يارب والله مادري وش اقووول ..
غريييييييييييب
على الرغم أن فيه كثير ملتزمات من صدق يقولولن أنهم ما أنخطبوا لأن الشباب يبغون وحده شبابيه
يالله ننتبه
وأحنا ولله الحمد ما ناخذ إلا من معارفنا إللي حولنا قوه
على الرغم أن فيه كثير ملتزمات من صدق يقولولن أنهم ما أنخطبوا لأن الشباب يبغون وحده شبابيه
يالله ننتبه
وأحنا ولله الحمد ما ناخذ إلا من معارفنا إللي حولنا قوه
roose9
•
من جد الله يهدي الجميع صار كل شي جايز في هالزمن بس انا اويد زواج لاقارب بنات خالتك ولي يقربولك
تعرفينهم
تعرفينهم
زينب6
•
انا اشوف بنات جريئات بس ماشاء الله اخلاق
وفية بنات هاديات بس سبحان الله مافي اخلاق طبعن بعضهن بس خايفة على كرامتها اذا مزحتي معها تزعل
وبعضهن تسبح وتستغفر بس مافي حسن خلاق
وفية بنات هاديات بس سبحان الله مافي اخلاق طبعن بعضهن بس خايفة على كرامتها اذا مزحتي معها تزعل
وبعضهن تسبح وتستغفر بس مافي حسن خلاق
الصفحة الأخيرة