السلام عليكم ورحمة الله وبركاته
خواتي اشوفكم محتارات في كيفية تعليم عيالكم على الحمام وكانت طريقتي مع بنتي ما شاء الله عليها الله يحفظها من زمان ويمكن كويسه وتفيدكم..
المهم اول شي لازم تكونون شاريين البوتي او النونيه لما يكون الطفل بعمر ست الى سبع شهور لما يكون يقدر يجلس..
كل مرة تغيرين الحفاظ قعديه عليها وبلطف قوليله يقضي الحاجة وطبعا ما راح يسوي شي وهذا شي عادي واستمري الى ان يكبر جلسيه وخل يتعرف على المكان لان اذا كبر وما جرب النونيه ما بيجلس عليها.
لما بصير يعرف معنى البوله والكاكا بعمر السنتين الى سنتين ونصف وقبل ثلاث سنوات وهو لابس الحفاظة ابتدي كل ما شرب سوايل بعد ربع ساعة جلسيه وقوليله بول واستمري كل ربع ساعة يوميا الى ان بيتطور الطفل وبيستوعب ويبول وغسليه ولبسيه الحفاظة مرة ثانية ولا تشيلينهه علشان ما يوسخ وتملين وتيأسين, وهذي اسهل طريقة لانه بيتعلم وهو باللحفاظه, واذا بال في الحفاظة كل مرة كلميه انه لازم يعملها في البوتي وكذا مرة بعدين راح يطلب منج انه يتبول وابتدي تفكين الحفاظة في النهار وكل نص ساعة دخليه الحمام وهو بعد بيعرف يطلب بروحه
نجي لليل لا تشلين هم خلي الحفاظة على الطفل على ان توقفين الشرب قبل ساعة من النوم وخل يبول في البوتي وينام وصحيه في الليل مرة وخل يتبول ورجعي الحفاظة وواصلوا نوم العوافي وفي الصبح ابتدي من جديد...
بعد فترة راح ينام الطفل من غير ان يبلل نفسه وبيصحى الحفاظة جافة وهنا ابتدي تشيلين الحفاظة بالليل.
نجي للكبيرة الكاكا, طبعا لما تعلميه كذا مرة بيعملها بالحفاظ كل مرة بسويها قولي له غلط ولازم في البوتي, ولما تشوفينه يحاول يعملها فورا فكي الحفاظ وجلسيه حتى يعملها اول المرات ما راح تطلع في البوتي وبتطير, بس بعدين راح يطلب البوتي هنا خلصتي المشوار..
أهم النصايح:
- لا تيأسي, العمليه الجدية في التعليم اي لما يكون عمر الطفل سنتين الى سنتين ونص تأخذ شهر تقريبا.
- لما تبدأي لا تتراجعي لان الطفل بعدين ما راح ياخذ الموضوع بجدية.
- كل مرة يعمل في القيصرية او البوتيه كافئيه بحبه واحدة شوكليت صغيرة جدا, لأن الشوكولاته كثير تفسد شهية الطفل. كنت اعطي بنتي شوكليت حبات داخله زبيب يجي في اكياس. ولا تنسين التصفيق والتقبيل والتشجيع.
- لا تغضبين على الطفل اذا ما استجاب لان مثل ما ذكرت العملية تاخذ شهر.
-تقدرين توقفين الطلعات لمدة اسبوعين اثناء التعليم, في الطلعات او الخرجات خلي الحفاظة تقدرين تاخذين معك البوتيه او تستخدمين الحمام واذا بال في الحفاظة عادي. لما يتعلم خلاص ماراح يعمل في الخرجات.
وأتمنى اني افدتكم اخواتي من تجربتي, واذا ما رديت سامحوني لاني ما ادخل المنتدى وايد.:)
أسمه2 @asmh2
عضوة
يلزم عليك تسجيل الدخول أولًا لكتابة تعليق.
وين سنتين وثلاث غلط والله ياامهات0000كل ماكبر الطفل كلما صعب تعويدة0000انا جارتي ولدها سنه وشهر تخيلوا 000ومايلبس حفاظه0000كل عيالها كذا ماشاء الله عليها
الصفحة الأخيرة
الحين عمر ولدي سنتين و8شهور
وقاعده اعلمه على الحمام والله يعين