السلام عليكم كراريش كيفكم الله يهون ويسهل حملنا وولادتنا كلنا يارب
حبوبات انا قبل كم يوم نزلت موضوع اسأل عن اسعار مستشفى دله لاني مت وانا اكلم مستشفى دله قسم الحمل والولاده ولا احد يرد، وللاسف مالقيت جواب شافي بموضوعي، المهم اني في الاخير كلمت المستشفى بس هالمره قسم خدمة العملاء والحمدلله سهلها ربي وردوا على طول وعطوني الاسعار بالتفصيل وبكل وضوح، وقلت بحطها هنا لكل اللي يبون يعرفون وكانوا متوهقين مثلي
سلمكم ربي هذي الاسعار مع العلم اني كلمتهم اليوم بتاريخ 22 شوال 1432هـ الموافق 20 سبتمبر 2011
بالنسبة للولاده فقط (ويكون بغرفة مشتركه لمدة يومين وتولدك المناوبة وتروحين للدكتوره مره او مرتين قبل الولادة):
- مع استشارية بـ 6000 ريال
- مع اخصائية بـ 5600 ريال (منيب متاكده من هالسعر مره لاني فهيت شوي لكن الاكيد انه 5000 وكسر)
بالنسبة لمتابعة الحمل فقط:
- مع استشارية بـ 4000 ريال
- مع اخصائية بـ 2750 ريال
بالنسبة لمتابعة الحمل والولادة (الولادة بغرفة مشتركه لمدة يومين وتولدك المناوبة):
- مع استشارية بـ 8500 ريال
- مع اخصائية بـ 7500 ريال
طبعا عموما بالولادة:
- اذا تبين تسوين استدعاء لدكتورتك تدفعين 500 ريال
- واذا تبين غرفة خاصة تدفعين 300 ريال عن كل يوم
وهذا موقع مستشفى دله على الانترنت للي تبي معلومات وفي برضوه حاطين بالموقع دكتوراتهم حقت النساء والولاده للي تبي تختار دكتوره وتبحث عنها ... الخ
http://www.dallah-hospital.com/ar/ViewDepartmentDetails.aspx?Department_Id=18
اتمنى انكم تستفيدون ولا تحرموني من دعواتكم ان الله يسهل حملي ووحمي وولادتي ويثبت مافي رحمي لين الشهر التاسع ويجعله من الصالحين ويجعله قرة عين لي ولابوه وان الله يفرج همومنا ويقضي ديونا انا وزوجي ويرزقنا بالرزق الحلال الطيب المبارك عاجلا غير اجل
:26:
احبكم
x_moonlight_x @x_moonlight_x
عضوة جديدة
يلزم عليك تسجيل الدخول أولًا لكتابة تعليق.
الله يجزاك خير ويحقق لك امانيك .. ويتمم حملك على خير وتتسهل ولادتك ويجعله عبد بار صالح
الصفحة الأخيرة
الله يسهل حملك وحملي ووحمك وولادتي و ولادتك ويثبت مافي لوحاتها لين الشهر التاسع ويجعلهم من الصالحين ويجعلهم قرة عين لنا ولابوانهم وان الله يفرج همومنا ويقضي ديونا ويرزقنا بالرزق الحلال الطيب المبارك عاجلا غير اجل