الله يسعدكم ويهنيكم مع ازواجكم واولادكم

استفدت مثير من تجاربكم وان شاء الله اطبقها لمن اتزوج

تحياتي للجميع

السلام عليكم

احكي لكم تجربتي

كنت زي خويتك يارحوبة اروح اقضي وابو الشباب يدفع

لكن من اربع شهور (( لي سنة متزوجة وما عندي عيال ))

المهم لي اربعة شهور طقت في راسي فكرة المصروف خاصةً وان والدي كان يترك مصاريف البيت مع امي وكانت هي المتحكمة في ميزانية البيت وكانت ماشالله عليها توفر كل شهر من المصروف مبلغ محترم المهم اني بالقوة اقنعت زوجي بالفكرة لانه يبغى يكون هو المسيطر في الاول والاخير على كل شي طبعا رجل شرقي << تكفين ياغربية >>
المهم اخذ منه شهرياٌ الف وخمس مائة مصاريف البيت

وافك خمس مائة ريال خمسينات وعشرات وخمسات واحطها في صندوق على التسريحة في غرفة النوم

واخذ من الالف الباقية خمس مائة ريال

واكون كتبت في ورقة كل نواقص البيت المهمه اللي تكفي شهر زي الرز والسكر . . . الخ

طبعاً بالنسبة لي وزوجي بس ما نشتري كل شهر الامور الاساسية زي السكر والشاي والقهوة والرز والصابون والكلور وصابون الايدي لوازم النظافة وحتى العيلة الكبيرة ما تحتاج تشتري هذي الاشياء كل شهر يعني كل شهر ينقص عليك بعض هذه الاشياء اكون كاتبتها في ورقة الاساسية بس
واروح اجيبها طبعاً يبقى من الخمس مية احطها في ظرف مع الخمس مية اللي لسع ما انصرفت واحطها في شنطة وارفعها عشان ما افكر فيها حتى تخلص الخمس مية الفكة اللي في الصندوق
الاشياء الاخرى وهي الاحتياجات اليومية مثل اللحوم والاسماك والدجاج والخضار فهذه اعمل لها جدول ميزانية اشتريها اسبوعياً على حسب الحاجة دفتر الميزانية وضعته بجنب الصندوق اللي على التسريحة كل ما اصرف شي اسجله واسجل قيمته طبعاً المصاريف الاسبوعية بصرفها من الصندوق عشان كذا انا فكيت الخمس مية عشان كل شي يكون بحساب وهكذا
احياناً بأوفر واحياناً يطلع لي اشياء تخلص لي على كل الفلوس
المهم اني اكتشفت اني احسن من زوجي في الميزانية حتى زوجي عجبته الفكرة وتحمس لها وصار يسأل كم وفرتي كل شهر

ان شاء الله عجبتكم ميزانيتي وان شالله تستفيدون منها

وترى المراة اذا استلمت ميزانية البيت احس انها اكثر مسؤلية ودقة في الصرف

هذه تجربتي وفقكم الله ورعاكم

اتمنى منكم الدعاء لي بالذرية الصالحة

جزاك الله خير

موضوع حلو ...

بالنسبه لنا مانفع معنا الا طريقه واحده ..

جربنا ناخذ مصروف شهري وبالبيت ونسجل اللي نشتريه وما أدري ايش لكنها طريقه متعبه بصراحه ومهما وفرتي تحسين أنك ضغطتي على نفسك وحرمتي نفسك من أشياء تتمنينها ..!

طريقتي هذي ما فيها احساس بالحرمان نهائيا بالعكس في النهايه راح تتفاجئين بالمبلغ اللي وفرتيه ..

ألحين عندي سؤال للجميع ....

فيه البعض مننا راتبه 4000 والبعض 10000 وفي نهاية الشهر نشوف ان راتب الأثنين طاااااااار
لا تستغربون هذا هو الواقع ..!

ليه .... لأن الاثنين أعتبروه راتب ولا اعتبروه مصدر للدخل والادخار !!

وهنا تجي الفكره اللي طبقتها وهي .................. حساب التوفير الشهري .

افتحي حساب جديد في البنك ولا تاخذين عليه بطاقة صراف وكل شهر حولي له مبلغ وجزء من الراتب ...

مثلا اللي دخلهم الشهري 10000 يحولون مثلا 7000 ويبقون 3000 في الحساب الجاري اللي بيكون فيه أكيد مبلغ سابق ..

وكل شهر على هالحاله وراح تتفاجئون بالنتيجه ....

جربوها وادعوا لي أنا وزوجي وذريتي بالصلاح والتوفيق والهدايه ..

اذا الراتب 10000 نبقي منه 3000؟؟؟؟ ما يكفي لمصاريف الشهر 5000 يادوب تكفي...هذا الشهر الثاني اللي ماشيه فيه على ميزانيه ولاحظت اني لازم اوصل 7000 الله يكون بالعون بس...