حياكم الله بنـــات منورين هذي الساعه المباركة اللي تشرفون فيها موضوعي
كثير بنات بالمنتدى يسالون عن الهبات اللي طايحين فيها والاشياء الدارجه حبيت اعطيكم فكرة عن اخر الستايلات الدارجه بحكم حبي للازياء والتنسيق وكل شي يخص الموضة
اولا: راح ابدى بالملابس هالايام دارج هالنوعية من الاكمام وتسمى (البف) وتعطي شكل حلو وتخفي عيوب الجسم خصوصا صاحبات الاوراك والحوض الوسيع لانها تعطي حجم للاكتاف..
وطبعا حلاة هالموديل يكون الشعر مرفوع عشان يبرز الموديل مع حلق ناعم لان اغلب هالموديلات تكون غلق فالافضل الشعر يكون مرفوع لفوق باحد التسريحات الدارجه مع تنورة سكيني مو واسعه كلوش لا يطلع الشكل جدا مو مرتب ..
هالموديل بعد دارج للحين من السنه اللي فاتت (موضة الستينيات والسبعينات )
وهالموديل روعه وستايل وعاجبني مووت حتى الاكسسوار زي ماقلنا اكتفت العارضة باسوارة ناعمة وحلق وتسريحه رفع بسيطة للشعر
---------------------------------------
جاكيتات ( الجنــرال ) وهذي موضة هالسنه عند اكثر مصممي الازياء بجانب ( كم البف )..
-------------------------------------
نجي الحين للشعر الدارج فية والالوان لهالصيف طبعا من ملاحظتي ان موضة الغرة والشعر والخصل الامامية صارت قديمة حاليا الشكل الطبيعي للشعر والخصلات هو الدارج بالاضافة للرفع يعني بدون خصلات امامية بشكل يبرز الوجه ويضفي جاذبية له ..
الحركة هذي بعد روعه وتعطي جاذبية ودارجه و بقوة ..
هالتسريحه ذوق خصوصا اذا موديل لبسك يتحمل فك الشعر يعني مو مغلق الصدر تقدريت تعتمدينها وتعطي طلة وحضور روعه
اما بالنسبة للالوان فاعتمدي اللون الواحد للشعر الهاي لايت والخصل بعدي عنهم واكثر الالوان رواجا هالايام الكستنائي بتدرجاته والاشقر الطبيعي والبني ..
------------------------
اما الاكسسوار فهالسنه ريحونا كثير يعني اكتفي بحلق ناعم دائري فخم مو الطويل لا الطويل صار موضة قديمة في منه موديلات كثيرة بالسوق في الدائري والمربع وفي منه يجي كرستاله دائرية وهذا يكون روعه اذا بترفعين شعرك باحد التسريحات الدارجه
يعني لاتكثرين بالاكسسوار اكتفي بحلق من هالنوعية واساور ناعمة في منها رسمية عالملابس الرسمية وفي منها للسبور اللي تكون خيوط ملونه بس اذا لبسك رسمي تنورة وبلوزة مثلا او فستان البسي نفس هالاساور في منها ع فضي وفي عالذهبي وتعطي انوثة لليد بالاضافة طبعا للخاتم ..
ملاحظة : لمظهر اكثر اناقة لاتلبسين الاسوارة والخاتم بنفس اليد علشان يكون مظهرك اكثر اناقة وترتيب ..
وصلنا للشنط شنط ماركة( شانيل ) ضاربة هالايام بشكل مو طبيعي بعكس الماركات الثانية مثل لويس وبربري اشوفهم صاروا موضة قديمة ومستهلكة
وهالموديلات الفخمه المغلقة اللي تكون خامتها وجلدها مو لين وخصوصا لوكانت بتدرجات البيج او البني